VOV4.Bahnar - Sơnăm 1945, tơdrong “Pơtho chư ăn kon pơlei” yoa Ƀok Hô tơlĕch hlôi pơjing hơyak tŏk ‘lơ̆ng mưh pơtho pơhrăm, tơgum ăn Việt Nam sut pơđĭ tơdrong ưh kơbăt chư lơ̆m dôm năr blŭng pơjing teh đak. Hrei ‘nâu, Việt Nam oei hăt jang kiơ̆ khoa hŏk kơmăy kơmŏk păng tơplih hăm kơmăy sô̆, Khul druh dăm Việt Nam tơlĕch tơdrong jang “Pơtho kơmăy sô̆” ăn druh dăm. Lơ̆m noh, Khul druh dăm jo jăn Việt Nam vang jang hăm dôm anih jang AI păng dôm bơngai juăt jang vă roi tơƀôh kơmăy AI, tơgŭm ăn bơngai jo jăn iŏk yoa lơ̆m tơdrong jang păng arih xa; hơtŏk đon rơgei, bơ̆ jang hăm kơmăy đơ̆ng druh dăm jo jăn. ‘Nâu kŭm jing tơdrong vă bơ̆jang Tơdrong tơchơ̆t 57 đơ̆ng Anih tơm Chinh trĭ tưk tơiung khoa hŏk kơmăy kơmŏk ‘nao păng tơplih hăm kơmăy sô̆ kơ teh đak.

VOV4.Bahnar - Thủ tướng Phạm Minh Chính ‘nao đei jơ tơƀâp, pơma nuh hăm đe druh dăm đei hơnăn “Druh dăm Việt Nam năm hơdrol atŏk tơiung khoa hŏk kơmăy kơmŏk, tơplih ‘nao rơgei păng tơplih hăm kơmăy sô̆”.

VOV4.Bahnar – Kơsơ̆ năr 25/3, Thủ tướng teh đak bơ̆n Phạm Minh Chính pơgơ̆r 'măng hop akŏm Jơnŭm pơgơ̆r teh đak, mơ̆ng Anih tơm Pơtho Pơhrăm păng Anih tơm jang Pơgang Hơmet jĭ jăn tơroi gah dôm tơdrong pơkăp jang kăp gĭt vă pơtruh ăn Anih tơm Chĭn trĭ. Tơ̆ 'măng hop akŏm, Thủ tướng Phạm Minh Chính pơgơ̆r athei pơtho nơ̆r Anh lơ̆m tơchơ̆t pơtho pơhrăm jăl kơđeh păng jăl phôh thŏng.

VOV4.Bahnar - Lơ̆m khei Hơdruh tơdăm sơnăm ou, dôm jăl jang đoan lơ̆m dêh char Đăk Lăk tơlĕch lơ tơdrong jang hăt hot, kiơ̆ đơ̆ng noh hơvơn hơdruh tơdăm vang jang, tơgop jơhngơ̆m lơ̆m dôm tơdrong jang hơdah.

VOV4.Bahnar – Pơgê năr 25/3, Ƀok Tổng Bí thư Tô Lâm hlôi pơgơ̆r 'măng hop akŏm mă 4 Jơnŭm asong bơngai jang vă hơlen lăng minh ƀar tơdrong đei tơplih, hơmet chih akŏm Pơkăp asong bơngai jang ăn Hop akŏm mă 14 kơ Đảng.

VOV4.Bahnar – Pơgê năr 25/3, tơ̆ Hnam Kuôk hô̆i pơtơm Hop akŏm bơngai jang tang măt ăn Kuôk hô̆i juăt jang 'măng mă 7 vă pơma đam gah dôm tơdrong chih akŏm luơ̆t pơtruh ăn Kuôk hô̆i hơlen lăng lơ̆m 'măng hop akŏm mă 9.

VOV4.Bahnar - Tơ̆ Dak Lăk, đơ̆ng rŏng hloh 20 năr tơlĕch jang, Kŏng ang dêh char hlôi sơng iŏk păng xek tơlang hloh 1.500 hla bơar ƀơk ‘nao păng tơplih ƀăng vơ̆r gre ăn kon pơlei.

VOV4.Bahnar - Năr 24/3, tơ̆ Hà Nội, Thủ tướng Phạm Minh Chính pơm tơm Hop akom “Sơđơ̆ng dơ̆ng kơjăp tơgŭm ăn atŏk tơ iung mŭk drăm-tơpôl tơring Tây Bắc păng tơring tơjê̆".

VOV4.Bahnar - Sơng iŏk nơ̆r krao hơvơn đơ̆ng Thủ tướng Teh đak Việt Nam Phạm Minh Chính hăm hơkăn ƀok, Thủ tướng Singapore Lawrence Wong atŭm hăm hơkăn ƀok iung năm tơmang Việt Nam đơ̆ng năr 25 - 26/3. 

VOV4. Bahnar - Kiơ̆ yok tơdrong joăt joe kĕch mang, hơdruh tơdăm dêh char Gia Lai tok bŏk iung jang hơbĕch hơbal, tơchăr hơ iă tơgop jơhngơ̆m mơlôh tơ iung pơjing păng atok tơ iung tơring tơrang. Lơ đoàn viên hơdruh tơdăm Gia Lai hlôi jing dôm bơngai hơdăh ang rang ‘lơ̆ng rim tơdrong jang.