VOV4.Bahnar – Kơsơ̆ 'năr brei (23/2), tơ̆ Anih jang kơ Jơnŭm pơgơ̆r teh đak, Thủ tướng Phạm Minh Chính pơgơ̆r tơdrong hop akŏm gah asong ming man trong nơnăm pơtoi tơƀưh hăm cham gre păr Gia Bình, dêh char Bắc Ninh hăm Anih tơm Hà Nội păng ming man anih jang Logistics tơ̆ cham gre păr Gia Bình.

VOV4.Bahnar - Đơ̆ng blŭng sơnăm 2025, mŭk drăm Đắk Lắk đei ƀôh 1,2 tơdrong ‘lơ̆ng, pơih trong ăn tơdrong jang tŏk truh 8%. Dôm anih tĕch mơdro tih tơ̆ d/c oei pơih xă tơdrong jang xa păng hơtŏk kơsô̆ bơngai jang, hơnhăk ba lơ tơdrong hơmĕng ăn tơdrong jang mŭk drăm. 

VOV4.Bahnar - Lơ̆m 105 ŭnh hnam kon pơlei tơ̆ dêh char Kon Tum đei sut hŭt hnam hiah hiok, man ming hnam ‘nao lơ̆m giĕng đei lơ hloh tơ̆ apŭng Đăk Glei hăm 38 ŭnh hnam păng apŭng Đăk Hà hăm 31 ŭnh hnam.

VOV4.Bahnar - Pơgơ̆r lơ̆m 5 năr, đơ̆ng ‘năr 9 - 13/3, Lêh chĕh phe Buôn Ma Thuột ‘măng mă 9 sơnăm 2025 đei lơ tơdrong ‘nao pơting hăm dôm ‘măng pơgơ̆r adrol ki, tơchĕng adrol sơng đei hlŏh 200.000 ‘nu tơmoi chă tơmang lăng.

VOV4.Bahnar - ‘Nâu jĭ tơdrong tôch gĭt kăl vă hơtŏk hlŏh dơ̆ng tơdrong pơvei đơ̆ng teh đak jê̆ băl ‘lơ̆ng hơiă, jang hơdoi tôm tơdrong, kơjăp ‘lơ̆ng đơ̆ng 2 Đảng, 2 teh đak păng kon pơlei 2 teh đak Việt Nam - Campuchia lơ̆m chăl ‘nao.

VOV4.Bahnar - Hơheu kial tak đei hloi tŏ pơchrang kơ pơyan phang Tây Nguyên, 1 pơyan puih mak hiôk chơt hlôi truh hăm pơlei pơla Gia Lai, tơring adrol sơ̆ đei lơ bơngai put nơ̆r đe yak kiơ̆ trong glăi. Tôch khei ‘năr hơvơl trong, yak kiơ̆ trong tŭk măng klăm, dôm bơngai bơ̆h ƀơm yak kiơ̆ trong glăi sơ̆ hlôi dơ̆ng kơjăp ‘lơ̆ng vă pơjing dơ̆ng tơdrong arih xa, jang mŭk drăm, tưk tơiung tơdrong choh jang xa hăm ƀĕnh jơhngâm đon hơmĕng.

VOV4.Bahnar – Kơsơ̆ năr 21/2, Kŏng an dêh char Đăk Lăk pơm Lêh tơbang păng pơjao dôm tơchơ̆t pơdơh hưu hơdrol kơ sơnăm pơkăp hăm 11 kang ƀô̆ kơdră kơ anih jang kŏng an apŭng păng anih jang tơ̆ tơring.

VOV4.Bahnar - Pơgê năr 21/2, Thủ tướng Teh đak Phạm Minh Chính pơm tơm hop akŏm Khul kơdră Teh đak hăm rim hơnih jang tơm, hơnih bơ̆ jang, tơring tơrang tơlĕch jang kiơ̆ Tơdrong tơchơ̆t kơsô̆ 25 đơ̆ng Khul kơdră Teh đak găh pơrô̆ atŏk kơtang klăh asong păng tơlĕch kon jên tơmơ̆t jang đơ̆ng teh đak sơnăm 2025.

VOV4.Bahnar - Pơgê năr 21/2, tơ̆ dêh char Quảng Ninh pơgơ̆r Tơdrong pơgơ̆r Tơƀơ̆p blŭng puih mak 2025 ƀar păh Ƀĭ thư rim dêh char hăm tơring chĕp pơgơ̆r kơdih păng Hop akŏm Hơnih bơ̆ jang hơdoi ‘măng mă 16 ƀar păh rim dêh char Quảng Ninh, Lạng Sơn, Cao Bằng, Hà Giang (Việt Nam) păng Tơring chĕp pơgơ̆r kơdih hơdrung Choang Quảng Tây (Trung Quốc).

VOV4.Bahnar – Bơ̆ jang kiơ̆ Trong jang kơsô̆ 26 ‘năr 14/02/2025 kơ Anih tơm Chinh trĭ, Ban Bí thư găh băt hơdăh rim tơdrong, pơtho tơƀôh, dăr lăng 1,2 tơdrong jang tơm lơ̆m sơnăm 2025, ‘năr brei, 20/2, tơ̆ Anih jang ăn Khul kơdră teh đak pơgơ̆r Hop akŏm roi tơbăt tơdrong tơchơ̆t pơjing Khul dăr hơlen kơ Anih tơm Chinh trĭ, Ban bí thư sơnăm 2025 hăm Anih chĕp kơl Đảng kơ Khul kơdră teh đak, Anih chĕp kơl Đảng kơ Quốc hội.