VOV4.Bahnar – Pơgê 2/1, tơ̆ Anih jang kơ Ƀok Kơdră teh đak, Kơdră teh đak Lương Cường pơjao tơdrong tơchơ̆t pôk hơtŏk Bơngai jang tang măt ăn teh đak CHXHCN Việt Nam ăn đe kăn ƀô̆, bơngai jang tơ̆ Anih tơm jang tơbôl sơnăm 2024.

VOV4.Bahnar - Bơ̆ jang kiơ̆ nơ̆r pơtho đơ̆ng Thủ tướng teh đak, dôm anih jang kơpal tơ̆ dêh char Đắk Lắk oei adrin tơlĕch lơ trong jang vă bơ̆ jang pơm trong gre kơdâu hrĕnh Khánh Hoà - Buôn Ma Thuột. Dôm năr blŭng sơnăm ‘nao 2025, jô̆ hloi Têt tây, rơbâu ‘nu công nhân tơ̆ anih ming man oei hơnơ̆ng bơ̆ jang. Tơdrong tơm ‘nŏh, truh hơtuch sơnăm 2025 jang kĕh 68km trong blŭng a tơ̆ Trong gre kơdâu hrĕnh Khánh Hòa – Buôn Ma Thuột, tơgop pơm hơtŏk mŭk drăm – tơpôl ăn tơring Tây Nguyên.

VOV4.Bahnar - Dêh char Gia Lai tŏk bok jang kiơ̆ rim trong tơplih ‘nao lơ̆m chĕp pơgơ̆r păng hơmet ming khul bơ̆ jang kiơ̆ Tơdrong tơchơ̆ty 18 đơ̆ng Khul kơdră chĕp pơgơ̆r Trung ương jăl XII, vă pơm kơ toei khul kơdră păng pơm hơtŏk bơ̆ jang ‘lơ̆ng, jơnei.

VOV4. Bahnar - Ƀlep lơ̆m tơbăt 80 sơnăm năr pơjing Khul Ƀô̆ đô̆i kon pơlei Việt Nam păng 35 sơnăm năr lêh đĭ đăng kon pơlei vang vei lăng teh đak, tơ̆ Hanm Kuô̆k hô̆i, Kơdră chĕp pơgơ̆r Kuô̆i hô̆i Trần Thanh Mẫn hlôi tơƀơ̆p muh măt Khul tang măt ăn bơngai đei iok yoa ăn teh đak Trung đoàn 271, Quân khu Trị Thiên.

VOV4.Bahnar - Tơ̆ Hà Nôị, Ban Nội chính Trung ương tơgơ̆r Hop akŏm trư̆k tuyên pơdăh ăn rim hơnih hop akŏm lơ̆m teh đak pơtôch bơ̆ jang Hơnih jang nội chính Đảng păng tơdrong jang kơ Hơnih chĕp pơgơ̆r tang găn sa pơgơ̆m pơjĭp, pơhoach brăh brư kơ dêh char sơnăm 2024, tơlĕch tơdrong jang sơnăm 2025.

VOV4.Bahnar - Tơ̆ ‘măng hop akŏm tơdrong jang ‘măng mă 16, jăl X, jăl jang 2021-2026, Jơnŭm pơgơ̆r kon pơlei dêh char Đắk Lắk hlôi pơdrơ̆ng kiơ̆ 2 tơdrong tơchơ̆t gĭt kăl ƀơm truh tơdrong jang pơgang păng tơdrong jang tơgŭm tơpôl lơ̆m dêh char.

VOV4.Bahnar - Bơ̆jang kiơ̆ athei đơ̆ng Thủ tướng teh đak, tơdrong jang tơchă dŏng sar bar hơmet pơ ‘lơ̆ng hiong răm ‘măng sar bar ƀơ̆t bơ̆jang tôch kơ tang đei ƀôh tơ̆ hơnih ming man dơnâu đak pơm tơlĕch ŭnh điên Đăk Mi 1, xăh Đăk Choong, apŭng Đăk Glei, dêh char Kon Tum oei tŏk bŏk đei hăt hot pơgơ̆r jang.

VOV4.Bahnar - Sơnăm ou ki, tơring Tây Nguyên pơgơ̆r lơ tơdrong chinh trĭ, mŭk drăm-Joh ayŏ kơdŏ soang-tơpôl gĭt kăl lơ̆m tơring. Radiô Nơ̆r Pơma Việt Nam oei tơ̆ Tây Nguyên hlôi rơ̆ih iŏk 10 tơdrong pơgơ̆r kăl hloh tơ̆ tơring 2024

VOV4.Bahnar – Sơnăm âu ki, lơ̆m jơ̆p teh đak pơgơ̆r lơ tơdrong akŏm chĭnh trĭ, mŭk drăm – tơpôl kăp gĭt. Anih jang Rađiô nơ̆r pơma Việt Nam hlôi chih akŏm iŏk 10 tơdrong hơdah hloh lơ̆m teh đak bơ̆n ah sơnăm 2024.

VOV4.Bahnar - Sơnăm 2024 ‘nao tôch, jĭ 1 sơnăm dơ̆ng jang đei lơ tơdrong tôch hơiă păng pơih đei đon hơmĕng tih hăm tơring Tây Nguyên. Tơdrong jơnei đơ̆ng Tây Nguyên đei ƀôh tôch hơiă mă loi jĭ choh jang xa, hăm tơdrong tĕch tơmam tơ̆ teh đak đe tŏk pran păng iŏk đei lơ tơdrong ‘lơ̆ng. Tơdrong hơmĕng đơ̆ng Tây Nguyên ‘nŏh jĭ đei tơmât jên jang mă ưh ‘nŏh kĭ ăn trong tơmât jên jang pơm trong gre kơdâu hrĕnh, tơƀưh hăm Tơring tơter đak dơsĭ Nam Trung ƀô̆ păng Đông Nam ƀô̆, pơih đei tơdrong ‘lơ̆ng vă jang tŏk hrĕnh păng tôm tơdrong.