VOV4.Bahnar - Thủ tướng Phạm Minh Chính chĕp kơ̆p Khŭl tang măt gĭt kăl Việt Nam vang Hop akŏm tih Jang hơdai Tơring Mekong pơih să ‘măng mă 8,đơ̆ng ‘năr 5-8/11/2024 tơ̆ Trung Quốc.

VOV4.Bahnar - Năr 4/11, ‘Măng hop akŏm mă 8, Kuôk hô̆i jăl 15 pơma đam tơ̆ hnam akŏm, sơkơ̆t hơdah tơdrong jang kiơ̆ pơkăp hơtŏk mŭk drăm tơpôl sơnăm 2024, kơchĕng gô vă hơtŏk mŭk drăm tơpôl sơnăm 2025.

VOV4.Bahnar - Khei ‘năr âu ki, dêh char Quảng Nam năng kăl truh tơdrong tơgŭm, pơtho tơdrong jang, chă tơdrong jang, pơlung kon pơlei tơ̆ tơring kon kông păng groi kông vang năm bơ̆ jang tơ̆ teh đak đe, iŏk đei lơ tơdrong ‘lơ̆ng. Kiơ̆ đơ̆ng noh tơgŭm âwn bơngai jang pơm hơtŏk iŏk yoa, đei tơdrong arih hiôk sơđơ̆ng.

VOV4.Bahnar - Anih vei lăng mŭk drăm kơ Quốc hội ‘nao bơ̆ jang hăm Anih vei lăng kon pơlei 1,2 dêh char tơring Tŏk bŏk găh tơdrong tơlĕch trong tơmât jên jang pơm trong gre treng kơdâu hrĕnh tơ̆ trong Bắc – Nam.

VOV4.Bahnar – Bơngai jang lơ\m Anih tơm Ch^nh tr^, Kơdră Anih pơgơ\r jang Trung ương Lê Minh Hưng ‘nao pơm jang hăm Anih jang T^nh uy Khánh Hòa.

VOV4.Bahnar - Sơng iŏk nơ̆r krao hơvơn đơ̆ngKơdră Quốc hội Trần Thanh Mẫn, Kơdră Quốc hội teh đak Cuba Ét-tê-ban La-zô Héc-nan-đét đei ‘măng năm tơmang lăng tơ̆ Việt Nam đơ̆ng ‘năr 2-3/11.

VOV4.Bahnar – Vă pơgơ̆r hop akŏm ăn rim anih jang mŭk drăm păng anih asong jang atŭm chă tơroi dih băl tơdrong hlôh vao lơ̆m pơm jang, pơjing tơdrong tơguăt kơjăp vă hơtŏk choh jang xa Tây Nguyên hơtŏk kiơ̆ trong jang gơh hơgei, yơ̆ng âu ki, Anih tơm Choh jang xa păng Hơtŏk Tơring tơrang hlôi pơgơ̆r Hop akŏm Asong jang gah choh jang xa, tơring tơrang ‘nao tơ̆ Tây Nguyên. Hop akŏm đei pơgơ̆r kiơ̆ pơkăp kơtă tơguăt hăm trư̆k tuyê̆n đơ̆ng anih jang tơm kơ Anih tơm Choh jang xa păng Hơtŏk Tơring tơrang pơdah hơdoi hăm pơlei tơm Pleiku, dêh char Gia Lai.

VOV4.Bahnar – Kơtơ̆ng ang lơ̆m tơring Ving chih tơbang hơdah gah ‘măng mă ƀok Thủ tướng teh đak bơ̆n Phạm Minh Chính năm tơmang truh dôm teh đak Tơring Ả-rập Hơkŏp minh, Saudi Arabia păng Qatar.

VOV4.Bahnar - Ưh kơmăh thây kô pơtho păng ƀak si tơ̆ dêh char Đắk Nông đei hơnơ̆ng lơ sơnăm ‘nâu, ƀơm ưh ‘lơ̆ng truh tơdrong pơtho pơhrăm păng khăm hơmet jĭ tơ̆ tơring. 

VOV4.Bahnar - Đơ̆ng blŭng sơnăm 2024 truh dang ei, tơdrong yoch hơlĕnh pơdăr lơ̆m mang tơ̆ dêh char Đắk Lắk đei tôch kơ krê. Dôm bơngai pơm yoch iŏk yoa mang tơpôl mă ưh ‘nŏh hơlĕnh pơm kăn ƀô̆ bơ̆ jang luơ̆t vă tơgar iŏk jên đe. Anih jang kơpal oei hơtŏk dôm trong jang vă găn pơđĭ, roi tơbăt ăn kon pơlei hơtŏk đon kơchăng tơ̆ hơnăp dôm tơdrong hơlĕnh pơdăr vă vei lăng ‘lơ̆ng tơdrong sơđơ̆ng lơ̆m tơpôl.