VOV4.Bahnar - Pơgar ‘long teh đak Tà Đùng (dêh char Đắk Nông) ưh lăp đei ư hơnhang hăm Dơnâu Tà Đùng – đei pơtih jĭ Ving Hạ Long tơ̆ Tây Nguyên, mă oei jing anih vei lăng lơ tơmam bri brăh gĭt kăl tơ̆ găh Pơbăh Trường Sơn. Tơring bri kơdrơ̆ng âu đei lơ ‘long, sem bri brăh kăp gĭt, jĭ 1 lơ̆m 4 tơring đei sem oei tôch lơ kơ Việt Nam hăm 222 kơloăi sem kăp gĭt lơ̆m apŭng plenh teh. Tơdrong iŏk kon pơlei tơ̆ dôm pơlei pơla lơ̆m tơring vang bơ̆ jang vei lăng bri ‘long tơ̆ âu tôch đei năng kăl păng tôch đei yoa.

VOV4.Bahnar - Kơsơ̆ brei (7/8), Khŭl bơ̆jang kơ Anih tơm vei lăng găh Kơmăy kơmŏk Mơdro sa yua đơ̆ng Kơdră tơm Nguyễn Hồng Diên pơm kơdră khŭl hlôi bơ̆jang hăm kơdră chĕp kơ̆l dêh char Kon Tum găh tơdrong pơm tơlĕch kơmăy kơmŏk păng tơdrong jang tĕch mơdro; tơdrong tơlĕch jang kiơ̆ trong proh hơmet tơdrong jang Teh đak lơ̆m tơdrong jang ŭnh hơyuh, tơmam drăm lơ̆m teh.

VOV4.Bahnar - Ƀlep ƀơ̆t Kơdră tơm jang tơbôl Việt Nam Bùi Thanh Sơn năm ngôi tơ̆ teh đak Nhật Bản păng vang pơgơ̆r ‘Măng hop akŏm ‘măng mă 12 Anih jang Hơdai Việt Nam – Nhật Bản, Anih tơm Jang tơbôl 2 teh đak hlôi tơlĕch hla ar tơroi tơbăt hăm khŭl kơchih kơ tơ̆ng ang atŭm.

VOV4.Bahnar - Lơ̆m rim năr ou ki, Kơdră chĕp pơgơ̆r rim Đảng, rim teh đak hơnơ̆ng pơtruh kơthơ, nơ̆r pơma chơt hơ iă ăn Tổng Bí thư Tô Lâm. Ƀlep lơ̆m Khul kơdră chĕp pơgơ̆r Trung ương Đảng Cộng sản Việt Nam pôk tơmơ̆t jang Tổng Bí thư.

VOV4.Bahnar - Pơgê năr 7/8, tơ̆ Hnam Kuô̆k hô̆i, Kơdră chĕp pơgơ̆r Kuô̆k hô̆i Trần Thanh Mẫn pơm tơm ‘măng bơ̆ jang hăm Khul kơdră chĕp pơgơ̆r rim Hơnih bơ̆ jang Mŭk drăm; Hơnih bơ̆ jang Jên hu, Kon jên bơ̆ jang; Hơnih bơ̆ jang Khoa hŏk, Kmăi kmŏk păng Cham char kơ Kuô̆k hô̆i găh pơtôch bơ̆ jang kơ rim hơnih bơ̆ jang đơ̆ng blŭng jăl jang XV truh dang ei păng trong tơlĕch jang đơ̆ng dang ei truh đĭ jăl jang.

VOV4.Bahnar - Vă tơ jur tơdrong glơ̆k kơ đak tơ̆ hơioh, lơ̆m 2 năr âu ki ( 6-7/8), tơ̆ pơlei tơm Kon Tum, Anih vei lăng Joh ayŏ, Tơplŏng kơdâu păng Tơmang lăng dêh char Kon Tum pơgơ̆r Pơlong tơdrong hlôh vao, tơdrong gơh tang găn glơ̆k tơ̆ đak ‘măn kơ hơioh sơnăm 2024.

VOV4.Bahnar - Pơgê brei (7/8), Anih jang Đảng - Anih tơm pơgơ̆r khŭl lĭnh dêh char Đắk Lắk hlôi pơgơ̆r Hop akŏm pơjei băl khŏm jơnei đơ̆ng khŭl lĭnh jăl jang 2019-2024 hăm 216 ‘nu bơngai tang măt gơh hơgei tang măt ăn dôm khŭl grŭp, dôm bơngai jang ‘lơ̆ng, gơh hơgei hloh lơ̆m rim tơdrong jang.

VOV4.Bahnar - Pơgê brei (7/8) tơ̆ Hà Nội, Bơngai jang lơ̆m Anih tơm Chĭnh trĭ, Bí thư Trung ương Đảng, Kơdră Ban Tuyên giáo Trung ương Nguyễn Trọng Nghĩa sơng Bơngai tang măt tôm tơdrong ăn teh đak Mi tơ̆ Việt Nam Marc Knapper.

VOV4.Bahnar - Kơsơ̆ brei (7/8), Thủ tướng Phạm Minh Chính, Kơdră Anih pơgơ̆r jang dăr hơlen, hơmet pơ ‘lơ̆ng tơhlăk tơhlĭn lơ̆m dôm tơdrong hơgăt khôi luơ̆t (Anih pơgơ̆r jang) pơgơ̆r ‘Măng hop akŏm mă 2 kơ Anih pơgơ̆r jang.

VOV4.Bahnar – ‘Năr brei (6/8), Khul dăr lăng đơ̆ng Anih vei lăng hơdrĕch kon kông kơ Quốc hội yoa ƀok Y Thanh Hà Niê Kđăm, Kơdră jang lơ̆m Trung ương Đảng, Kơdră jang lơ̆m Anih chĕp kơ̆l pơgơ̆r Quốc hội, Kơdră Anih vei lăng hơdrĕch kon kông Quốc hội chĕp kơ̆l hlôi bơ̆ jang dăr lăng tơdrong jang kiơ̆ luơ̆t găh tơdrong jang kăn ƀô̆ hăm khul kăn ƀô̆ bơngai kon kông, đơ̆ng 2016- 2023 tơ̆ dêh char Kon Tum.