VOV4.Bahnar – Tơ̆ plt Hồ Chí Minh, Thủ tướng Phạm Minh Chính, Kơdră Khul pơgơ̆r jang kơ tơring Đông Nam Bộ pơgơ̆r Hop akŏm ‘măng mă 4 kơ Khul pơgơ̆r jang vă hơlen năng rim tơdrong jang hlôi đei tơlĕch tơ̆ Hop akŏm ‘măng mă 3 păng tơlĕch tơdrong Proh hơmet tơring Đông Nam Bộ đơ̆ng 2021-2030, trong vă jang truh sơnăm 2050.

VOV4.Bahnar –‘Năr 11/8, ƀlep ƀât năm bơ̆ jang tơ̆ teh đak Nga, Đại tướng Phan Văn Giang, Kơdră tơm vei lăng khul linh teh đak păng Khul tang măt ăn Anih tơm vei lăng khul linh teh đak Việt Nam truh plang pơyơ̆r pơkao ƀât Mul man Ƀok Hô tơ̆ anih tơm Moscow; năm ngôi tơ̆ Anih jang tang măt ăn Việt Nam tơ̆ Nga. 

VOV4.Bahnar – Lơ̆m khei tơm kơ pơyan ‘mi kial, kơ dôm jĭt unh hnam kon pơlei tơ̆ xah Quảng Sơn, apŭng Đăk Glong, dêh char Đăk Nông tŏk bŏk hơrih lơ̆m tơdrong hiơ̆r ah pơnơ̆ đak 137 tih hlj Đăk N’ting gah tu đak krong ƀơm pơchah layơ ưh kơ băt. Tơdrong ming man âu tŏk bŏk oei hơlih, rơđăng đơ̆ng pơyan ‘mi sơnăm sơ̆, mă lei adar kơ ming hơmet, pơm ăn roi năr roi hư răm kơtang hloh păng pă jor gô pơchah dơnâu đak, pơjuă truh tơdrong hơrih păng mŭk drăm kon pơlei.

VOV4.Bahnar - Kơsơ̆ 9/8, Tổng Bí thư, Kơdră teh đak Tô Lâm chĕp kơ̆l khŭl bơ̆jang Trung ương truh năm ngôi păng pơgơ̆r jơ bơ̆jang hăm Khŭl chĕp kơ̆l pơgơ̆r Anih jang Đảng pơlei tơm Hà Nội

VOV4.Bahnar - Hăm tơdrong tơm găh băt hrĕnh tơdrong kơtơ̆ng ang vă chă trong hơmet pơ ‘lơ̆ng mơmat tat ăn anih mơdro sa, kơsơ̆ 9/8, kơdră chĕp kơ̆l dêh char Kon Tum hlôi đei jơ bơ̆jang hăm bơngai tang măt lơ anih mơdro sa tŏk bŏk bơ̆jang pơm tơlĕch, tĕch mơdro lơ̆m dêh char.

VOV4.Bahnar - Ƀơm truh tơdrong rơbâu tŏ rơmo iŏk đak toh đei jĭ păng lôch, kơsơ̆ 9/8, Anih vei lăng kon pơlei dêh char Lâm Đồng đei hla ar kăl athei  Anih vei lăng găh Choh jang sa păng Hơtŏk tơiung tơring tơrang, Anih vei lăng kon pơlei dôm apŭng, pơlei tơm lơ̆m dêh char hơvơn kang ƀô̆ thú y năm tơ̆ dôm apŭng đei jĭ, akŏm tơlĕch jang dôm trong jang tang găn jĭ klak chroh tơ̆ rơmo iŏk đak toh.

VOV4.Bahnar - Tơ̆ dôm Trong gre 14, 14C, Trong gre 28 kơdâu klĕch dêh char Đắk Nông păng 1,2 trong gre dêh char, anih vei lăng trong nơnăm hlôi chih hơdăh 18 “anih tôch hơmơt đei gre tâm preh băl”. Tơ̆ dôm anih âu hlôi đei lơ ‘măng gre lăk, tâm preh băl tôch dêh, pơm ăn lơ bơngai lôch răm. ‘Nao hlŏh âu jĭ gre dơdơng tâm mât tơ̆ hnam kon pơlei ƀât kơchơ 312 xăh Đắk R’la, apŭng Đắk Mil, pơm năn 3 ‘nu bơngai lôch, 1 ‘nu bơngai rơka. Anih jang kơpal tơ̆ Đắk Nông oei tơlĕch lơ trong jang vă vei lăng sơđơ̆ng tơ̆ trong nơnăm.

VOV4.Bahnar - Pơgê 9/8, Trung ương Khŭl drŏ kăn Việt Nam jang hơdai hăm khŭl drŏ kăn Đắk Lắk pơgơ̆r tơdrong jang tơroi tơbăt găh tang găn teh dong băl lơ̆m ŭnh hnam lơ̆m tơring kon pơlei kon kông tơ̆ dôm apŭng Ea Sup păng Krông Pắch.

VOV4.Bahnar - ‘Năr 9/8, yă Võ Thị Ánh Xuân, Bơngai jang lơ̆m Khŭl chĕp kơ̆l Trung ương Đảng, Phŏ Kơdră teh đak hlôi năm hơlen lăng tơdrong jang hơmet pơ ‘lơ̆ng hiong răm đak ‘mi jroh păng teh hơlih tơ̆ dêh char Sơn La.

VOV4.Bahnar - Lơ̆m pơyan ‘mi, Kong ty Ŭnh hơyuh Dak Lăk hlôi iung jang ƀar ‘măng jang pơlong năng sơđơ̆ng tơ̆ rim hơnih biên ap, dăr lăng hơmet pơ ‘lơ̆ng kmăi kmŏk, tơlei ŭnh hơyuh vă sơđơ̆ng pơtruh ŭnh hơyuh iŏk đei jơnei.