VOV4.Bahnar – Pơgê ‘năr brei (4/1), tơ̆ Anih jang Trung ương Đảng, pơgơ̆r hop akŏm hăm dôm jơnŭm jang Đảng, 4 anih jang, dôm anih jang đảng, anih jang tơpôl tơ̆ Trung ương, yă Trương Thị Mai, jang lơ̆m Anih tơm Chĭn trĭ, juăt jang lơ̆m Ƀan ƀĭ thư, kơdră Anih pơgơ̆r jang Trung ương pơkăl: Hơdrin keh đang tơnăp dôm tơchơ̆t, sơnong jang sơnăm 2024 đơ̆ng blŭng khei, blŭng jăl, blŭng sơnăm, tơgop kăp gĭt lơ̆m tơdrong keh đang dôm tơchơ̆t, sơnong jang Hop akŏm 13 kơ Đảng.

VOV4.Bahnar - Kơsơ̆ brei (3/1), Thủ tướng Teh đak Phạm Minh Chính vang năm hop akŏm pơtôch bơ̆ jang sơnăm 2023, tơlĕch tơdrong jang sơnăm 2024, hơnih vei lăng Choh jang sa păng atŏk tơ iung tơring tơrang.

VOV4.Bahnar – Pơgê năr 3/1, Kŏng an dêh char Gia Lai pơgơ̆r hop akŏm sơkơ̆t tơdrong jang sơnăm 2023, tơlĕch tơdrong jang ăn sơnăm 2024. Sơnong jang kăp gĭt tơlĕch ah blŭng sơnăm 2024 noh vei sơđơ̆ng tơpôl ah Têt Nguyên đan Giáp Thìn truh âu kơnh.

VOV4.Bahnar – Pơtoi kơ dôm tơdrong năm hơpong păng pơm jang tơ̆ dôm dêh char Hlĕch Pơbăh, kơsơ̆ ‘năr brei (3/1), Kơdră Kuôk hô̆i Vương Đình Huệ păng Khul kơpal hlôi tơjrơ̆m dôm bơngai jang hơlen tơ̆ ‘măng sơlam apŭng plenh teh Mộc Bài; năm akŏm tơdrong tơguăt tơguăl khul linh – kon pơlei sơng kơkuh tơbăt 65 sơnăm năr juăt jue ƀô đô̆i vei sơlam teh (3/3/1959 -3/3/2024); asong tơmam ăn 100 unh hnam hin dơnuh, unh hnam tơnap tap tơ̆ tơring sơlam teh kơ apŭng Bến Cầu, Tây Ninh.

VOV4.Bahnar – Pơgê ‘năr brei (3/1), Thủ tướng teh đak bơ̆n Phạm Minh Chính năm Hop akŏm sơkơ̆t sơnăm 2023 kơ Anih jang Joh ayŏ Tơplŏng kơdâu păng Tơmang pơhiơ̆. Hop akŏm kiơ̆ pơkăp trư̆k tuyê̆n hăm 63 dêh char pơlei tơm kơ jâ̆p teh đak.

VOV4.Bahnar - Hơnơ̆ng năm bơ̆ jang tơ̆ rim dêh char Đông Nam Bộ ƀlep lơ̆m khei năr blŭng sơnăm ‘nao 2024, pơgê năr 3/1, Kơdră chĕp pơgơ̆r Kuô̆k hô̆i Vương Đình Huệ hăm Khul bơ̆ jang hlôi bơ̆ jang hăm Kơdră chĕp pơgơ̆r Đảng dêh char Tây Ninh.

VOV4.Bahnar - “Sơnăm 2023, jâ̆p teh đak sơkơ̆t đei 125 ‘măng pơnhŭl tơmam drăm xa, pơm hloh 2,1 rơbâu ‘nu bơngai ƀơm pơnhŭl păng 28 ‘nu lôch, tơrĕk hloh noh đei ƀôh pơnhŭl kơyuơ clostridium botulinum”. ‘Nâu jing kơtơ̆ng ang ah hop akŏm Jơnŭm pơgơ̆r dôm anih jang Trung ương gah vei rơgoh ‘lơ̆ng tơmam drăm xa kơyuơ Phŏ Thủ tướng Trần Hồng Hà pơgơ̆r ah pơgê năr 3/1, tơ̆ Anih jang Jơnŭm pơgơ̆r teh đak

VOV4.Bahnar - Kơsơ̆ năr 2/1, tơ̆ Hà Nội, Hơnih bơ̆ jang vei lăng Kon kông pơgơ̆r Hop akŏm lơ̆m teh đak pơtôch bơ̆ jang vei lăng kon kông sơnăm 2023, tơlech tơdrong jang sơnăm 2024.

VOV4.Bahnar - Kơsơ̆ brei (2/1), Kơdră Kuôk hô̆i Vương Đình Huệ hlôi bơ̆jang hăm kơdră chĕp kơ̆l Anih jang Đảng dêh char Bà Rịa- Vũng Tàu.

VOV4.Bahnar - Đei kơtơ̆ng teh tơdrŏ tơ̆ dêh char Ishikawa păng tơring tơjê̆ tơring Tŏk bŏk Nhật Bản, pơm hiong răm kơtang găh bơngai păng mŭk drăm, năr 2/1/2024, Thủ tướng Phạm Minh Chính pơtruh nơ̆r apĭnh jet hăm Thủ tướng Nhật Bản Kishida Fumio.