VOV4.Bahnar -  Pơgê brei (2/1), Kơdră Kuôk hô̆i Vương Đình Huệ hlôi năm ngôi, bơ̆jang tơ̆ Tơdrong jang 3 Tơdrong jang tơmơ̆t jên jang ming man trong gre kơdâu hrĕnh Biên Hòa- Vũng Tàu tơ̆ thị xã Phú Mỹ, Bà Rịa - Vũng Tàu; Tơdrong jang Akŏm đak dâu tơring pơbăh.

VOV4.Bahnar – Tơdrong jang tơjur hin dơnuh sơnăm 2023 tơ̆ dêh char Đak Nông đei jơnei kơjăp păng pơtoi chĕp kơ̆l lơ̆m tơring Tây Nguyên.

VOV4.Bahnar – Kơsơ̆ năr 1/1, lơ̆m tơdrong pơm jang tơ̆ dêh char Cao Bằng, Thủ tướng Phạm Minh Chính chă hơlen tơdrong hơmet pơ-‘lơ̆ng ‘Măng sơlam apŭng plenh teh Trà Lĩnh; thơ thâu Têt hăm dôm khul jang Kŏng ang, Ƀô đô̆i vei sơlam teh, Khul linh duk, khul linh kon pơlei thĭ trâ̆n Trà Lĩnh tŏk bŏk oei pơm jang tơ̆ ‘Măng sơlam apŭng plenh teh Trà Lĩnh.

VOV4.Bahnar – Kơmăng ‘năr brei (1/1), tơ̆ Hậu Giang, năm akŏm păng iung pơma ah Lêh tơbătt 20 sơnăm tơ-iung pơjing dêh char păng sơng Mê đai Pơm jang tăl mă Mônh, Kơdră teh đak bơ̆n Võ Văn Thưởng ră hơdah, Hậu Giang tŏk bŏk lơ̆m khei năr kăp gĭt akŏm dôm tơdrong pran, lơ mŭk drăm, kơyuơ noh dêh char athei iŏk yua, pơm jang tơnăp mŭk drăm, tơdrong pran vă dah hrôih jing anih hơdah, dêh char pran kơ tơring tơmăn đak krong Cửu Long păng kơ jâ̆p teh đak.

VOV4.Bahnar - Pơm lêh chehphe Buôn Ma Thuột (Đăk Lăk) ‘măntg mă 8 jei jing mĭnh tơdrong pơgơ̆r gĭt kăl hloh lơ̆m sơnăm 2023. Hăm hơnăn “Buôn Ma Thuột – Hơnih truh kơ chephe apŭng plĕnh teh” pơm lêh hlôi jơnei keh kong hăm lơ tơdrong pơgơ̆r hơ iă, mơ̆t lơ̆m jơhngơ̆m đon kon pơlei păng tơmoi tơmang pơhiơ̆.

VOV4.Bahnar - Tơdrong tơgŭm pơgơ̆r jang đơ̆ng Đảng păng Khul Kơpal t/đ hăm tơdrong hơtŏk tôm tơring Tây Nguyên; tơdrong hơdrin đơ̆ng dôm tơring lơ̆m tơdrong tơroh tĕch pơdro, vă iŏk jang mŭk drăm hlôi đei kơ tơring pơtăm tơmam dơnơm păng hơtŏk tơmang pơhiơ̆.

VOV4.Bahnar - Sơnăm 2023 đei năng jĭ 1 sơnăm đei lơ tơdrong ‘lơ̆ng hăm anih chă tơmang lăng, mă loi ‘nŏh hơmet pơ ‘lơ̆ng trong tơgŭm hăm lơ tơmam, tơdrong pơvih pơvăn, đei dơ̆ng lơ đon pơcheh ‘nao rơgei, đei lơ tơdrong ăn ƀôh tơplih ‘lơ̆ng lơ̆m tơdrong chă tơmang lăng. ‘Nâu jĭ dôm tơdrong gĭt kăl vă anih chă tơmang lăng lơ̆m teh đak jang tŏk pran lơ̆m sơnăm 2024.

VOV4.Bahnar – Sơnăm 2023 jing sơnăm kơ dôm dêh char Tây Nguyên ƀơm lơ tơnap tap lơ̆m pơm kiơ̆ sơnong jang hơtŏk mŭk drăm tơpôl. Jên mong kơ teh đak tơ̆ dôm dêh char adoi ưh đei jơnei nhen sơkơ̆t, dôm tơdrong asong jang adar, hơvơn asong jang đei yua kơđeh. Chŏng mă lơ̆m dôm tơnap tap noh, iŏk yua kơ rim kon pơlei Tây Nguyên adoi oei hơtŏk hơdah. Noh jing gơnơm đơ̆ng pơyan jang đei yua lơ tĕch kơjă kăp.

VOV4.Bahnar - Sơnăm 2023, lơ̆m apŭng plenh tĕh đei lơ tơdrong jur tŏk, ưh sơđơ̆ng, mă lei Việt Nam oei jing 1 anih ang hơdăh lơ̆m rim tơdrong jang. Lơ̆m sơnăm âu ki, hlôi pơgơ̆r đei lơ tơdrong chinh trĭ, tơpôl tôch gĭt kăl. Radio nơ̆r pơma Việt Nam chă rơih đei 10 tơdrong gĭt kăl hlŏh lơ̆m teh đak sơnăm 2023.

VOV4.Bahnar - Gơnơm đei lơ tơchơ̆t asong jang đơ̆ng Đảng păng Khul Kơpal teh đak tơgŭm ăn Tây Nguyên, lơ̆m sơnăm 2023, mă mŭk drăm tơpôl lơ̆m jâ̆p teh đak tam mă kơjung, mă lei mŭk drăm – tơpôl tơring Tây Nguyên hlôi đei lơ tơplih, tơdrong hơrih kon pơlei đei hơtŏk, lơ tơmam choh pơtăm lơ̆m sơnăm nhen kaphê, sâu riêng tĕch hăm kơjă kăp, kon pơlei chơt hơ-iă sơđơ̆ng jơhngơ̆m pơm jang, tơdrong hơrih phĭ tơtŏ tŏk bŏk oei ang bang lơ̆m rim bơbŭng hnam kon pơlei lơ̆m khei năr yak ah sơnăm ‘nao 2024.