VOV4.Bahnar - Pơgê năr 22/12, Học viện An ninh Nhân dân pơgơ̆r pơm lêh Pơtôch 30 sơnăm pơtho pơhrăm đơ̆ng rŏng đăi hŏk păng sơng iŏk Mê đai Vei lăng Teh đak dơ̆ng mă Pêng. Đại tướng Tô Lâm, Kơdră jang lơ̆m Hơnih tơm Chinh trĭ, Kơdră chĕp pơgơ̆r Hơnih tơm Kŏng ang vang năm păng iung pơma.

VOV4.Bahnar - Kơsơ̆ năr 22/12, tơ̆ Hơnih bơ̆ jang Khul kơdră teh đak, Kơ iĕng Thủ tướng Trần Hồng Hà pơm tơm Hop akŏm Jơnŭm hơlen Pơprŏ jang tơring Tơmăn đak kroong Hồng jăl jang 2021-2030, lăng truh sơnăm 2050.

VOV4.Bahnar - Thĭ xah Buôn Hô dêh char Dak Lăk mĭnh hơnih kơdrơ̆m hle hlôi iung atŏk tơ iung kơtang. Trong tơlĕch jang păng trong vă jang đei jing hơnih kơdrơ̆m kơ loăi III hlôi đei kơdră chĕp pơgơ̆r thĭ xah tơbăt hơdăh tơ̆ jơ tơƀơ̆p muh măt ƀlep 15 sơnăm năr pơjing kơ yuơ Khul kơdră Đảng, Kơdră chĕp pơgơ̆r păng kon pơlei rim hơdrung thĭ xah pơgơ̆r pơgê brei (22/12). 

VOV4.Bahnar – Kơsơ̆ năr 22/12, tơ̆ Kŏng an dêh char Đăk Nông, Anih tơm Kŏng an pơm Lêh tơbang Tơchơ̆t đơ̆ng Ƀô̆ trương Anih tơm Kŏng an gah tơdrong jang kan ƀô̆.

VOV4.Bahnar – Kơsơ̆ năr 22/12, tơ̆ Anih jang kơ Jơnŭm pơgơ̆r teh đak, Thủ tướng Phạm Minh Chính hlôi sơng ƀok Gautam Adani, Kơdră Anih jang Adani – Anih jang mŭk drăm pran hloh kơ teh đak Ấn Độ, hăm jên pơkăp jang hloh 200 tih đôlar, tŏk bŏk oei hơlen vă asong pơhlom 10 tih đôlar pơm jang tơ̆ Việt Nam lơ̆m 10 sơnăm truh.

VOV4.Bahnar - Hăm jơhngâm đon chơt hơiă vă truh năr Noel 2023 păng sơnăm ‘nao 2024, ‘nao âu, Kơdră teh đak Võ Văn Thưởng năm ngôi, chơt hơiă hăm Hnam khop tơm Huế. Kơdră teh đak hơpơi ‘mĕh, hăm hơnăp jang pơm ƀok soi vei lăng Hnam khop tơm Huế, Ƀok soi tơm Giuse Nguyễn Chí Linh hơnơ̆ng chĕp kơ̆l pơgơ̆r, pơlung kon pơlei lui Công giáo tơiung đei jơhngâm đon lui kơ ƀă yang, ‘mêm kơ teh đak.

VOV4.Bahnar - ‘Năr 21/12, Anih jang Tư pháp dêh char Dak Lak pơgơ̆r Hop akŏm pơhrăm tơdrong băt tơroi tơbăt trong jang tơgum đei ƀơm ‘lơ̆ng tih truh tơpôl lơ̆m kơplăh pơjing hla ar hơgăt khôi luơ̆t. 

VOV4.Bahnar - ‘Năr 21/12, Thủ tướng Phạm Minh Chính pơgơ̆r hop akŏm lơ̆m teh đak hơlen năng tơdrong bơ̆ jang hơtŏk tơdrong iŏk yoa kơmăy chih găh tơring kon pơlei oei, chih tơbăt hơnăn rim bơngai păng pơm kơmăy điên tư vă pơvih ăn tơdrong jang tơplih hăm kơmăy sô̆ kơ teh đak.

VOV4.Bahnar - Ƀlep ƀơ̆t tơbăt 79 sơnăm năr pơjing Khŭl lĭnh kon pơlei Việt Nam, ‘năr 21/12, Phŏ kơdră teh đak Võ Thị Ánh Xuân hlôi năm ngôi păng pơlung khŭl lĭnh ƀô̆ đô̆i Sơn La.

VOV4.Bahnar - Lơ̆m jơ năr Hop akŏm jang tơbôl ‘măng mă 32, drơ̆m kơ sơ̆ 21/12, Kơdră Kuôk hô̆i Vương Đình Huệ hlôi sơng păng bơ̆jang hăm Khŭl kơdră dôm anih jang tang măt Việt Nam tơ̆ teh đak đe.