VOV.Bahnar - Kơsơ̆ brei (27/8), tơ̆ Anih bơ̆jang Kơdră teh đak, ƀok Kơdră teh đak Lương Cường hlôi đei jơ bơ̆jang hăm Hơnih pơvih ăn Kơdră teh đak găh tơdrong jang khei 8/2025 păng hơnăp jang tơm tơdrong jang khei 9/2025.

VOV.Bahnar - Tổng Bí thư Tô Lâm sơkơ̆t hơdăh, mă đơ̆ng lơ̆m chăl ayơ-chăl tơblăh vang dăh mă chăl rơngei hiôk hian, tơ iung pơjing dăh mă tơplih ‘nao-hơnih jang nô̆i vŭ ling lang jing khul nuih mơng pran kơtang, tơnăp, tơgop kơtă lơ̆m pơjing đei trong chĕp pơgơ̆r teh đak păng vei lăng năng tông tơdrong oei sa tơpôl.

VOV. Bahnar - Gơmăng hei, năr 27/8, tơ̆ Cham să Ba Đình, Hà Nội, tơdrong pơgơ̆r Hơlen pơtôch pơhrăm pơgơ̆r pơrŏ pơ ư khul ƀô̆ đô̆i kŏng ang, iung yak pơrŏ tơbăt 80 sơnăm Kĕch mang Khei Tơhngam jơnei păng Quốc khánh teh đak Cộng hòa xã hội chủ nghĩa Việt Nam (tơdrong jang A80) đei pơgơ̆r.

VOV. Bahnar - Pơgê brei (27/8), Khul bơ̆ jang kơ Hơnih tơm Tư pháp kơ yuơ Kơ iĕng Kơdră chĕp pơgơ̆r Nguyễn Thanh Ngọc pơm kơdră khul hlôi bơ̆ jang hăm Hơnih vei lăng kon pơlei dêh char Lâm Đồng iung jang dăr lăng, pơtho tơbăt, hơmet pơ ‘lơ̆ng tơnap tap, tơhlăk tơhlĭn lơ̆m bơ̆ jang khul kơdră chĕp pơgơ̆r tơring 2 kâp găh tơdrong jang hô̆ tĭch.

VOV.Bahnar - Ƀlep lơ̆m năr tơbăt 80 sơnăm Năr pơjing Radiô Nơ̆r pơma Việt Nam, kơsơ̆ brei (27/8), Hơnih bơ̆ jang oei tơ̆ tơring Tây Nguyên (VOV Tây Nguyên) pơgơ̆r tơƀơ̆p muh măt kang ƀô̆, bơngai jang hlôi bơ̆ jang lơ̆m hơnih, dang ei pơdơ̆h jang.  

VOV.Bahnar - Pơgê năr 27/8, Học viện Chính trị quốc gia Hồ Chí Minh pơgơ̆r Hop akŏm khoa hŏk hăm hơnăn: “Nơ̆r tơchơ̆t Pơm tơm kơdih - Hla bơar gĭt kăl dăr sơnăm pơih blŭng chăl pơm tơm kơdih, rơngei hiôk hian, hơnŭk hơnoa kơ hơdrĕch hơdrung Việt Nam”.

VOV.Bahnar - Pơtôch, ƀok Lê Huyền, bơngai jang lơ̆m Anih jang Đảng dêh char, Bơngai jang lơ̆m khŭl chih hơmet hla ar kăl Hop akŏm Đảng bộ dêh char, đei pôk pơm Phŏ Kơdră Anih vei lăng kon pơlei dêh char Khánh Hòa.

VOV.Bahnar - Tơ̆ mir sâu riêng kơ ƀok Nguyễn Công Điềm oei tơ̆ tơring Ea Knuêc, dêh char Dak Lăk, Bí thư Đảng ủy tơring Ea Knuêc - Yă Ngô Thị Minh Trinh - hlôi vang pơgơ̆r jơ livestream tĕch sâu riêng atŭm hăm kon pơlei. ‘Nou ‘măng mă blŭng tơ̆ Dak Lăk mĭnh ‘nu kơdră chĕp pơgơ̆r tơring “pơma dơnuh trư̆k tuyên’ vă tơƀôh tơbăt păng tơgŭm djru tĕch mơdro tơmam drăm ăn kon pơlei. 

VOV.Bahnar - Pơgê 27/8, tơ̆ Hà Nội, Tổng Bí thư Tô Lâm vang truh akŏm pơgơ̆r jơ tơƀơ̆p muh măt dôm jơhnơr bơngai tang măt Quốc hội ƀlep ƀơ̆t Tơbăt 80 sơnăm Kach mang Khei 8, Quốc khánh 2/9 păng yak truh 80 sơnăm Năr pôk rơih mă blŭng pôk Quốc hội Việt Nam.

VOV.Bahnar - Kơmăng ‘năr 26/8, tơ̆ Anih jang kơ Khul kơdră teh đak, Thủ tướng Phạm Minh Chính pơgơ̆r hop akŏm Anih pơgơ̆r jang kơ teh đak găh Mât hơdai hăm apŭng plenh teh.