VOV.Bahnar - Lơ̆m ‘măng năm bơ̆ jang tơ̆ dêh char Dak Lăk ou ki, ƀok Nguyễn Thanh Nghị, Kơdră jang lơ̆m Hơnih tơm Chinh trĭ, Bí thư Trung ương Đảng, Kơdră chĕp pơgơ̆r Hơnih bơ̆ jang vei lăng tơdrong jang kăl Trung ương hlôi bơ̆ jang hăm dêh char găh tơdrong tơlĕch jang tơdrong jang atŏk tơ iung mŭk drăm - tơpôl. Tơ̆ jơ bơ̆ jang, dêh char Dak Lăk athei Trung ương hrôih pơjing trong jang kăl vă hơvơn đei khul jang, pơjing hơyak jang kiơ̆ trong tơlĕch ăn tŏk mŭk drăm ƀar kơsô̆. 

VOV.Bahnar - Pơgê năr 30/3, Jơnŭm vei lăng kon pơlei dêh char Gia lai jăl XIII, pơgơ̆r hop akom blŭng a vă hơmet pơ ‘lơ̆ng tôm tong khul kơdră chĕp pơgơ̆r, pôk tơmơ̆t rim kơchư̆k tơm dơnơm kơ Jơnŭm vei lăng kon pơlei jăl ‘nao.

VOV.Bahnar -   Pơgê năr 30/3, tơ̆ Hà Nội, Tổng bí thư Tô Lâm, Bí thư Quân ủy Trung ương hlôi pơm tơm hop akom Quân ủy Trung ương, pơm pơkeh Tơdrong jang iung jang kiơ̆ tơdrong tơchơ̆t Hop akŏm tih Đảng bộ Khul ƀô̆ đô̆i ‘măng mă XII păng Tơdrong tơchơ̆t Hop akom tih mă XIV kơ Đảng.

VOV.Bahnar - Ƀar tơdrong jang unh điên hạt nhân Ninh Thuận 1 păng 2 tơ̆ găh Pơbăh dêh char Khánh Hòa tŏk bŏk vă tơlĕch jang, hăm tơdrong drơ̆ng nơ̆r tơgŭm đơ̆ng kon pơlei. Mă lei tơdrong tơhlăk tih hlŏh hrei ‘nâu jĭ trong pơgơ̆r jang, tơdrong tơgŭm tam mă druh kiơ̆ tom hăm yăn âu, mă loi jĭ tơdrong hrŭ ‘mong jên teh, pơjing dơ̆ng tơring oei sa ‘nao păng chă tơdrong jang sa. Trong tơgŭm gĭt kăl kiơ̆ Tơdrong tơchơ̆t kơsô̆ 189/2025 đơ̆ng Quốc hội tŏk bŏk đei dôm anih jang kơpal hơmet ming, chih tơmât dơ̆ng mă lăp ƀiơ̆ hăm yăn âu tơ̆ tơring đei tơdrong jang.

VOV.Bahnar - Pơgê 29/3, lơ̆m Giĕng pơgơ̆r Sơnăm Chă tơmang lăng teh đak 2026, Anih vei lăng kon pơlei dêh char Gia Lai pơgơ̆r Hôp kĭ pơkăp jang hơdoi hăm 4 dêh char găh Pơbăh teh đak Lào đei Át-ta-pư, Chăm-pa-sắc, Sa-la-van păng Sê-kông.

VOV.Bahnar - Kơmăng 29/3, tơ̆ Cham să Phú Yên, Anih vei lăng kon pơlei dêh char Đắk Lắk pơgơ̆r dôm tơdrong jang tơmang lăng sơnăm 2026 hăm hơnăn “Đắk Lắk – Vih hăm tơring ‘lơ̆ng rŏ so”.

VOV.Bahnar - Kơsơ̆ 29/3, tơ̆ Đồng Nai, Thủ tướng Phạm Minh Chính hlôi năm hơlen lăng tơdrong jang pơm Cham gre păr apŭng plĕnh teh Long Thành, kơtă hơlen lăng hnam tơmoi gô vă păr, dôm hơnih kăl păng apĭnh jet gia, pơlung khŭl jang tơ̆ hơnih jang.

VOV.Bahnar – Tơ̆ jơ pơm jang, dêh char Đăk Lăk pơtruh nơ̆r hăm Trung ương dah hrôih tơlĕch tơchơ̆t kăp gĭt vă akŏm bơngai jang, pơjing jơhngơ̆m jang kiơ̆ tơchơ̆t hơtŏk tơ-iung 2 kơsô̆.

VOV.Bahnar – Hăm dôm tơdrong jang hăt hot kơ Sơnăm Tơmang pơhiơ̆ kơ Teh đak - Gia Lai 2026, tơdrong jang vei sơđơ̆ng tang găn păng pĭt unh xa tơ̆ dôm hơnih oei xa, khăch sạn lơ̆m tơring tŏk bŏk đei khul kơpal hơtŏk hơlen dăr lăng kơjăp.

VOV.Bahnar – Năr 26/3, Thủ tướng teh đak bơ̆n Phạm Minh Chính pơm jang hăm Jơnŭm jang vei sơđơ̆ng unh hơyuh tơlĕch dôm trong jang ƀơm tơsŭl tơsăl ưh 'lơ̆ng đơ̆ng tơblah tơblŭng tơ̆ Trung Đông.