VOV.Bahnar – Dêh char Lâm Đồng oei bơ̆ jang, chă hơlen năng vă hơmet ming trong jang atŏk tơiung tơring jang kơmăy đơ̆ng 2026- 2030 păng trong jang đơ̆ng rŏng kơ sơnăm 2030 kiơ̆ trong akŏm tơring jang kơmăy tơ̆ tơring tơter đak dơsĭ.

VOV.Bahnar - Tơ̆ dêh char Đắk Lắk, tơdrong jang đoan oei tŏk pran đơ̆ng jang kiơ̆ khul jing tơlĕch lơ tơdrong jang tôch hơdăh, tơklep kơjăp hăm tơdrong ‘mĕh vă tơ̆ yăn âu kơ tơring. Đơ̆ng tơgŭm ăn kon pơlei pơm bơ̆n hla ar trư̆k tuyê̆n, hơtŏk tơdrong tơplih ‘nao rơgei, tơplih hăm kơmăy sô̆, truh năm bơ̆ jang tơgŭm mưh đei tơdrong sar bar, lơ tơdrong jang ‘nao đei tơlĕch, pơm hơtŏk đon jang tơnăp, gơ̆h hơgei đơ̆ng đe đoàn viên, druh dăm, kiơ̆ đơ̆ng noh tơƀôh hơdăh hơnăp jang đơ̆ng sơnăm mơlôh lơ̆m chăl jang tŏk ‘nao.

VOV.Bahnar – Kơsơ̆ năr 2/4, tơ̆ Hơnih jang Jơnŭm pơgơ̆r teh đak, Thủ tướng teh đak bơ̆n Phạm Minh Chính hlôi sơng Kơdră Hơnih jang Hơlen sơkơ̆t tư phap Belarus Volkov Alexei Aleksandrovich tŏk bŏk oei tơmang păng pơm jang tơ̆ Việt Nam.

VOV.Bahnar – 'Năr brei (2/4), Khul jang tang măt ăn Kuô̆k hô̆i dêh char Đăk Lăk pơgơ̆r Hop akŏm pơma đam hơdrol kơ 'Măng hop akŏm mă Mônh, Kuô̆k hô̆i jăl 16, vă akŏm nơ̆r pơtruh đơ̆ng kon pơlei tơ̆ tơring, tơgop keh đang tơchơ̆t tơgŭm jang, khôi luơ̆t teh đak păng hơtŏk mŭk drăm – tơpôl.

VOV.Bahnar - Tơ̆ Anih bơ̆jang kơ Khŭl kơdră teh đak, Thủ tướng Phạm Minh Chính hlôi sơng ƀok Choi Young Sam, Bơngai tang măt ăn Hàn Quốc tơ̆ Việt Nam vă pơma dơnuh găh dôm trong jang pơtrŭt pơvei Jang hơdai Gĭt kăl tôm tơdrong kŭm nhen jang hơdai vei sơđơ̆ng ŭnh hơyuh đơ̆ng 2 teh đak.

VOV.Bahnar – Pơgê 'năr brei (2/4), tơ̆ Hơnih gru gra kăp gĭt kơ teh đak Thành cổ Quảng Trị, Jơnŭm pơgơ̆r kơ teh đak gah chơ chă sir kôch akŏm păng sơkơ̆t hơdah hơnăn linh lôch tang đei pơgơ̆r kăp gĭt Lêh pơtơm “Tơdrong jang 500 măng năr hơtŏk kơtang tơdrong chơ chă, kôch akŏm păng sơkơ̆t hơdah hơnăn linh lôch tang”.

VOV.Bahnar – Kơsơ̆ 'năr brei (01/04), tơ̆ Hơnih jang Jơnŭm pơgơ̆r teh đak, Thủ tướng teh đak bơ̆n Phạm Minh Chính pơgơ̆r tơdrong Hop akŏm jơ̆p teh đak gah tơdrong jang tang găn păng tơjră tŏ 'mi kial pơrăm sơnăm 2025.

VOV.Bahnar – Tơdrong pơlong Pơre nơ̆r jơ̆p teh đak 'măng mă 17 pơgơ̆r tơ̆ Quảng Ninh đơ̆ng năr 11–14/4/2026, hăm hơnăn “Pơre nơ̆r kơyuơ Việt Nam pran kơtang, jơnap”, rim hơnih jang kơpal kơ dêh char Quảng Ninh tŏk bŏk oei hơdrin tơnăp hloh vă năr pơlong Pơre nơ̆r jơ̆p teh đak đei pơgơ̆r keh kong.

VOV.Bahnar – Hăm tơdrong tơroi đơ̆ng kon pơlei gah tơdrong mă minh ƀar hơnih tĕch đak xăng đak dou tơ̆ xah Tà Hine răk vei đak xăng đak dou, pơm ưh kơ mah đak xăng đak dou vă tĕch, Hơnih jang vei lăng kon pơlei dêh char Lâm Đồng hlôi pơgơ̆r hăm hơnih jang kơpal dah tenh kuăng hơlen lăng tơdrong jang tĕch đak xăng đak dou lơ̆m tơring ou.

VOV.Bahnar - Pơgê 1/4, Khŭl tang măt Quốc hội dêh char Đắk Lắk pơgơ̆r hop akŏm iŏk nơ̆r tơgop hăm 4 luơ̆t tơchĕng hơdrol pơtruh ăn tơ̆ ‘Măng hop akŏm mă mônh, Quốc hội jăl XVI.