VOV4.Bahnar – Pơm kiơ̆ Năr cham char apŭng plenh teh 5/6, lơ tơring tơ̆ Tây Nguyên hlôi pơm Lêh pơtơm Têt pơtăm ‘long ling lang ƀlŏk bơnê kơ Ƀok Hô.

VOV4.Bahnar -  Dôm bơngai tang măt Quốc hội athei Kơdră tơm vei lăng jang kơmăy, tĕch mơdro Nguyễn Hồng Diên pơm hơdăh dôm trong jang vă găn ƀiơ̆ tơdrong pơm glăi năm truh tơdrong pơjing trong tĕch mơdro hăm điên tư, dôm tơdrong tơgŭm păng hơmet pơ ‘lơ̆ng pơmat tat ăn anih tĕch mơdro, tưk tơiung ming dơ̆ng tơdrong jang xa.

VOV4.Bahnar - ‘Năr 4/6, Khŭl dôm anih jang tơbôl pơlei tơm Hồ Chí Minh pơgơ̆r pơjao mê đai Yua kơ tơdrong rơngei, Tơbôl đơ̆ng dôm hơdrĕch hơdrŭng ăn kơ ƀok Kho Ngee Seng Roy - Kơdră tang măt Singapore tơ̆ pơlei tơm Hồ Chí Minh.

VOV4.Bahnar - Ƀlep ƀât ƀok Mohammad Bagher Ghalibaf đei pôk pơm dơ̆ng Kơdră Quốc hội teh đak Cộng hòa Hồi giáo Iran jăl 12, Kơdră Quốc hội Trần Thanh Mẫn hlôi pơtruh nơ̆r hơiă.

VOV4.Bahnar - ‘Măng thi mât hŏk lăm 10, sơnăm hŏk 2024 - 2025 tơ̆ dêh char Đắk Lắk vă pơgơ̆r lơ̆m 2 năr, ‘năr 7 păng 8/6. Sơnăm ‘nâu, mă đơ̆ng kơsô̆ hnam trưng pơgơ̆r thi lơ ƀiơ̆ ră, mă kơsô̆ hŏk pơjei băl oei ưh đei jur kiơ.

VOV4.Bahnar - Tơ̆ Anih jang Khŭl kơdră teh đak, Thủ tướng Phạm Minh Chính sơng Bơngai jang lơ̆m Anih tơm Chĭnh trĭ, Bí thư Trung ương Đảng, Kơdră Anih hơlen lăng Trung ương, Kơdră Anih tang găn sa pơgơ̆m pơjĭp Trung ương, Kơdră dăr hơlen Teh đak Lào Khamphan Phommathat păng Khŭl tang măt gĭt kăl Anih hơlen lăng Trung ương, dăr hơlen teh đak Lào tŏk bŏk năm ngôi, bơ̆jang tơ̆ Việt Nam.

VOV4.Bahnar - Kŏng ti ŭnh điên Đắk Lắk hlôi pơgơ̆r pơjao tơmam hơpăh ăn kơ đe hŏk tro iŏk đei jơnei kơ jung tơ̆ ‘măng pơlong “Hŏk tro hăm tơdrong hlôh vao yua ŭnh điên sơđơ̆ng, ‘mơ ‘met păng đei yua”.

VOV4.Bahnar – Kơsơ̆ ‘năr brei (3/6), Kơdră teh đak bơ̆n Tô Lâm, Kơdră khul linh kon pơlei, Kơdră Hô̆i đŏng Vei sơđơ̆ng tơpôl teh đak hlôi truh hơpong păng pơm jang hăm kan ƀô̆, khul linh tơ̆ Anih Linh gre păr.

VOV4.Bahnar - Pơgê năr 3/6 tơ̆ Hơnih bơ̆ jang Trung ương Đảng, pơgơ̆r Hop akŏm tơbăt hơdăh tơdrong tơchơ̆t đơ̆ng Hơnih tơm Chinh trĭ tơchơ̆t pơjao jang ăn Thượng tướng Nguyễn Duy Ngọc, Kơdră jang lơ̆m Trung ương Đảng, Kơ iĕng Kơdră chĕp pơgơ̆r Hơnih tơm Kŏng ang iŏk jang kơchư̆k Chánh văn phòng Trung ương Đảng.

VOV4.Bahnar - Kiơ̆ pơgơ̆r hop akŏm pơgê, Kơdră chĕp pơgơ̆r Hơnih tơm jang Mŭk drăm bri brăh păng Cham char tơl nơ̆r apĭnh mă blŭng.