VOV.Bahnar - Pơgê năr 30/7, tơ̆ Geneva, Thuỵ Sỹ, ƀlep lơ̆m jơ ‘năr vang năm Hop akŏm IPU 6, Kơdră chĕp pơgơ̆r Kuô̆k hô̆i Trần Thanh Mẫn hlôi tơƀơ̆p Kơ iĕng Kơdră chĕp pơgơ̆r Kuô̆k hô̆i Lào Sounthone Xayachack. 

VOV.Bahnar - Kơsơ̆ năr 30/7, tơ̆ Hơnih bơ̆ jang Trung ương Đảng, Tổng Bí thư Tô Lâm hlôi sơng pơma dơnuh hăm ƀok Gautam Adani, Kơdră chĕp pơgơ̆r Grŭp jang Adani Ấn Độ.

VOV.Bahnar - Khei 7/2025 - khei mă blŭng đơ̆ng rŏng kơ Đắk Lắk jang đang tơmơ̆t hơdai dêh char păng xăh - khŭl kơdră chĕp kơ̆l tơring hơnơ̆ng đei bơ̆jang sơđơ̆ng, vei ‘lơ̆ng dôm tơdrong hơgăt hơtŏk tơiung mŭk drăm - tơpôl, hơdai hăm akŏm ‘lơ̆ng ăn tơdrong jang hơmet ăn Hop akŏm Đảng bộ dêh char ‘măng mă XVIII, jăl jang 2025-2030.

VOV.Bahnar - Kơmăng hei (30/07), kiơ̆ athei đơ̆ng păih teh đak Malaysia, Thủ tướng Phạm Minh Chính hlôi đei jơ pơma điên thoăi hăm Thủ tướng Malaysia Anwar Ibrahim.

VOV.Bahnar - ‘Năr 30/7 tơ̆ Anih bơ̆jang Trung ương Đảng, Tổng Bí thư Tô Lâm pơgơ̆r jơ bơ̆jang hăm Khŭl chih hơmet hla ar, kơdră pơgơ̆r dôm khŭl jang hơmet ăn Hop akŏm 14 kơ Đảng păng Khŭl pơgơ̆r jang Pơtôch 40 sơnăm tơplih ‘nao, vă jang đang dôm hla ar pơtruh iŏk nơ̆r tơgop đơ̆ng hop akŏm Đảng bộ rim tơring.

VOV.Bahnar – Pơma ah 'măng Pơma đam atŭm kơ Hop akŏm rim Kơdră Kuôk hô̆i apŭng plenh teh 'măng mă 6 pơgơ̆r tơ̆ Geneva, Thụy Sĩ, Kơdră Kuôk hô̆i Trần Thanh Mẫn ră hơdah, Ngĭ viê̆n rim teh đak kăl hơtŏk pơma đam păng pơjing đon lui.

VOV.Bahnar – Đơ̆ng rŏng pơm kiơ̆ pơkăp hơmet anih jang hanh chinh păng tơplih jơnŭm pơgơ̆r 2 tăl, truh dang ei, jơnŭm pơgơ̆r tơring tơ̆ dêh char Gia Lai hlôi pơm jang sơđơ̆ng.

VOV.Bahnar - Tơ̆ jơ tơƀâp, Kơdră Quốc hội Trần Thanh Mẫn pơma hơdăh Việt Nam hơnơ̆ng tơgŭm ăn trong jang lơ pang păng vă hơnơ̆ng vang bơ̆ jang, tơgop roi đunh roi ‘lơ̆ng ƀiơ̆ lơ̆m dôm tơdrong jang kơ Liên hợp quốc.

VOV.Bahnar - ‘Năr 29/7, Anih vei lăng kon pơlei dêh char Gia Lai pơgơ̆r hop akŏm trư̆k tuyê̆n hăm 77 xăh, phường tơ̆ tơring găh Pơmât dêh char – păih dêh char Gia Lai so adrol kơ tơmât hơdai ki.

VOV.Bahnar - Tơdrong kơtơ̆ng ang kơsơ̆ ‘nâu đei dôm tơdrong tơm tơ̆ hơla âu: - Kơdră Quốc hội Trần Thanh Mẫn tơƀâp Kơdră chĕp kơ̆l Anih jang kơ Liên hợp quốc tơ̆ Thụy sỹ. - Thủ tướng Phạm Minh Chính sơng dôm kơdră chĕp kơ̆l Grŭp jang mŭk drăm tih kơ teh đak Hàn Quốc. - Anih vei lăng kon pơlei dêh char Gia Lai ‘nao pơgơ̆r pơma nuh vă chă mơ̆ng, hơmet pơ ‘lơ̆ng pơmat tat ăn tơpôl bơngai tĕch mơdro. - Anih vei lăng kon pơlei dêh char Lâm Đồng athei bơ̆ jang mă pran, hrơ̆ch ‘lơ̆ng dôm trong jang tang găn jĭ klak nhŭng châu Phi. - Việt Nam ‘mĕh iŏk jang ‘lơ̆ng ƀiơ̆ vă tơgŭm ăn Thái Lan păng Campuchia pơm kiơ̆ tơdrong drơ̆ng nơ̆r pơdơ̆h tơblăh.