VOV4.Bahnar - Pơgê brei (7/11), Anih vei lăng kon pơlei dêh char Đắk Lắk pơgơ̆r Lêh tơlĕch tơdrong thi trư̆k truyê̆n chă hơlen năng tơdrong hơmet ming trong pơm hla ar dêh char Đắk Lắk sơnăm 2023.

VOV4.Bahnar - Dôm sơnăm âu ki, dôm tơdrong jang tơgŭm găh tơđăh ‘long, kon yŏng, phŏng săy păng ki thuơ̆t vei rong ‘long, kon tơrong ăn kon pơlei kon kông tơ̆ dêh char Kon Tum vang tơgop ‘lơ̆ng, pơjing tơdrong hiôk hian vă tơgŭm ăn đe sư jang tŏk klăih đơ̆ng pơngot rươvĕt, tơnuh hin. Lơ̆m nŏh jên asong tŏk iŏk đơ̆ng dôm Anih mong jên tơgŭm tơpôl păng Anih mong jên choh jang xa păng atŏk tơiung tơring tơrang đei yoa tôch 'lơ̆ng.

VOV4.Bahnar - Tơ̆ rim apŭng groi kông dêh char Quảng Nam roi năr roi đei lơ đảng viên yŭk trong hơlau lơ̆m atŏk tơ iung mŭk drăm, atŏk tơ iung pơm pơdrŏng. Ư̆h khan lăp pơm pơdrŏng ăn ŭnh hnam, rim đảng viên oei tơgŭm ăn kon pơlei Kơ Tu jang sa yak hloh dơnuh hin kơjăp ‘lơ̆ng.

VOV4.Bahnar - Tơdrong jang pơgang păng pơtho pơhrăm ‘nŏh ƀar tơdrong  jang đei bơngai tăh hla lơ̆m teh đak lăng ba kơjăp hloh; păng giĕng au ki, ƀar tơdrong au hlôi đei Kuô̆k hô̆i chă pơma dơnuh kơtang tơ̆ hop akom mă 6, Kuô̆k hô̆i jăl XV. Mă hơdăh, tơdrong pơm tơlĕch kơsơ̆p hla bơar hŏk pơhrăm kiơ̆ trong tơpôl vang iung jang, đơ̆ng noh pơm ăn truh vei lăng ưh kơjăp kơsơ̆p hla bơar hŏk, kơjă tŏk măt kơtang. Lơ̆m tơdrong jang pơgang, kăl hơmet pơ-‘lơ̆ng dôm tơdrong ưh kơlăp găh ưh kơmăh pơgang, tơmam drăm jang pơgang.

VOV4.Bahnar – Pơgê âu (02/11), pơtoi tơdrong hop akŏm 'Măng mă 6, pơgê âu, Kuôk hô̆i pơma đam ah hnam hop akŏm sơkơ̆t hơdah tơdrong jang kiơ̆ pơkăp jên mong kơ teh đak sơnăm 2023; Sơkơ̆t hơdah ah tong anê̆ jăl jang pơm kiơ̆ Tơchơ̆t asong jang jăl sơnăm 2021 – 2025; Tơchơ̆t jên mong kơ teh đak păng jên tŏk iŏk, kla hre teh đak 5 sơnăm đơ̆ng 2021 – 2025.

VOV4.Bahnar - Atŏk tơdrong pơm tơm kơdih jang mŭk drăm păng hơnih dơ̆ng kơ drŏ kăn ‘moi kiơ̆ atŏk tơ-iung tơgoăt choh jang sa păng tĕch răt tơmam drăm Gai xanh (Brang chăm) kơ yuơ drŏ kăn pơm tơm ‘noh tơdrong vă jang iĕ lơ̆m Tơdrong vă jang “Pơtrŭt kơtang hơtŏ hơnơ̆ng drŏ nglo drŏ kăn ‘moi kiơ̆ atŏk kơtang đei iŏk yua kơjăp choh jang sa păng atŏk tơ iung tơmang pơhiơ̆ tơ̆ dêh char Lào Cai păng Sơn La”. Lơ̆m 2 sơnăm tơlĕch jang kiơ̆ tơdrong jang au đei iŏk yua kơjăp, ưh khan lăp pơjing hơyak ‘nao lơ̆m atŏk tơ iung choh jang sa mă lei oei atŏk kơtang hơtŏ hơnơ̆ng drŏ nglo drŏ kăn lơ̆m tơring kon kông.

VOV4.Bahnar - Hơnih vei lăng kon pơlei dêh char Dak Nông ‘nao pơtruh ăn Jơnŭm vei lăng kon pơlei dêh char lăng hơlen pơdrơ̆ng kiơ̆ kĭ tơchơ̆t 622 hla bơar pơkăp vă hơmet pơ ‘lơ̆ng ưh kơ măh ƀok thây kô pơtho.

VOV4.Bahnar - Atŏk kơtang jang kiơ̆ kmăi kmŏk kơtơ̆ng ang păng sơkơ̆t hơdăh trong tơ iung pơjing hơnih mong răk dôm tơdrong chih tơbăt găh đak vă tơlĕch jang ‘lơ̆ng lơ̆m tơjră tang găn tơplih tŏ ‘mi kial păng tơdrong tơplih ưh kơ ‘lơ̆ng kơ groi teh, tŏ ‘mi kial. ‘Nau tơdrong tơm đei kơdră tang măt Kuô̆k hô̆i akŏm pơma dơnuh lơ̆m ‘măng hop akŏm giĕng au ki hơdrol vă pơma dơnuh găh trong vă pơjing Khôi luơ̆t găh đak hơmet ming.

VOV4.Bahnar - Pơgê brei (24/10), tơ̆ Anih tơm pơgơ̆r Khŭl linh dêh char Kon Tum, Anih pơgơ̆r jang 515 dêh char Kon Tum pơ gơ̆r pơm Lêh iung jang ăn kơ Đội K53 năm jang hơnăp jang tơchă, iŏk akŏm kơting lĭnh lôch dŏng teh đak lĭnh năm jang tơgŭm păng bơngai joăt jang Việt Nam lôch hơchăng lơ̆m dôm khei ‘năr tơblăh vang tơ̆ teh Lào păng Campuchia.

VOV4.Bahnar - Jang kiơ̆ tơdrong jang “Kơ yuơ đe hơ ioh ‘mêm kơ-eng”, Hơnih Đoàn dêh char Gia Lai hlôi pôk ăn hloh 50 trong jang sa ăn rim hơ ioh hŏk tro ‘noh bơngai kon kông ŭnh hnam tơnap tap.