VOV4.Bahnar - Tơ̆ pơlei tơm Đà Lạt (Lâm Đồng) jơ ‘năr hơtuch khei 9 hlôi pơgơ̆r Hop akŏm Jơnŭm chĕp pơgơ̆r tơring Tây Nguyên ‘măng mă blŭng. Hop akŏm kơ yuơ Kơ iĕng Thủ tướng Teh đak Trần Lưu Quang pơm tơm, hăm vang năm đơ̆ng kơdră tang măt rim hơnih tơm, hơnih bơ̆ jang Trung ương păng tơring, pơma dơnuh găh trong jang pơtrŭt Tây Nguyên atŏk tơ iung.

VOV4.Bahnar – Sơkơ̆t hơdah tơdrong jang hơmet pơ-‘lơ̆ng hanh chĭn jing sơnong kăp gĭt lơ̆m hơtŏk mŭk drăm – tơpôl, pơm trŏ tơdrong pơkăl sơnong jang lơ̆m chăl ‘nao, dêh char Đăk Lăk hlôi hơmet tơnap tap, pơm kiơ̆ dôm sơnong jang, trong jang vă hơtŏk tơnăp tơdrong jang hanh chĭn kŏng, pơm trong vă hơtŏk mŭk drăm – tơpôl tơ̆ tơring hơtŏk tơ-iung. Sơnăm âu ki, dêh char Đăk Lăk hlôi tŏk ah tăl 32 gah tơdrong hiôk jơhngơ̆m đơ̆ng kon pơlei, dơ̆ng mă 27 lơ̆m jâ̆p teh đak.

VOV4.Bahnar - Kơsơ̆ 28/9, Viettel Dak Lak jang hơdai hăm Anih vei lăng pơtho pơhrăm, Khŭl pơtrŭt hŏk dêh char Dak Lak pơgơ̆r tơdrong jang pơjao hŏk ƀŏng “Yua kơ oh pơnam hŏk” sơnăm hŏk 2023-2024.

VOV4.Bahnar - Hơnơ̆ng pơgơ̆r hop akŏm mă 26, năr au, năr 29/9, Hơnih bơ̆ jang chĕp pơgơ̆r Kuô̆k hô̆i hop akŏm (mă 3) ăn tơgop nơ̆r (mă 2) găh tơdrong tơgoăt iŏk, hơmet ming trong vă pơjing Khôi luơ̆t Groi teh (hơmet ming). 

VOV4.Bahnar - Kơsơ̆ ‘năr 26/9, tơ̆ Anih jang kơ ƀok Kơdră tĕh đak, Kơdră tĕh đak bơ̆n ƀok Võ Văn Thưởng tơƀâp Khul tang măt ăn Anih mong jên hŏk ƀŏng Vừ A Dính păng Khul jang yoa Hoàng Sa, Trường Sa ‘mêm kơeng.

VOV4.Bahnar - Kơsơ̆ ‘năr 26/9, Phó Thủ tướng Trần Lưu Quang sơng Khul bơngai đei kŏng kơ dêh char Kiên Giang năm ngôi tơ̆ Hà Nội.

VOV4.Bahnar - Giĕng au ki, tơ̆ Hnam Kuô̆k hô̆i, Kơdră chĕp pơgơ̆r Jơnum vei lăng Kon kông kơ Kuô̆k hô̆i Y Thanh Hà Niê Kđăm chĕp pơgơ̆r hop akom vă pơchoh trong ăn Hơnih bơ̆ jang Kuô̆k hô̆i găh tơdrong hơmet pơ ‘lơ̆ng tơnap tap, tơhlăk tơhlĭn, atŏk kơtang tơlĕch kon jên jang 3 Tơdrong jang tơm teh đak (tơ iung pơjing tơring tơrang ‘nao, tơjur dơnuh kơjăp ‘lơ̆ng păng atŏk tơ iung mŭk drăm-tơpôl tơring kon kông păng groi kông).

VOV4.Bahnar – Dang ei, dêh char Gia Lai dang ei đei hloh 38.500 unh hnam hin dơnuh. Lơ̆m kơsô̆ noh, đei jê̆ 89% ‘noh unh hnam kon kông, Dêh char tŏk bŏk oei akŏm dôm trong jang xa vă tơplih đon kơchĕng, trong pơm jang, tơgŭm kon pơlei klaih đơ̆ng hin dơnuh kơjăp sơđơ̆ng.

VOV4.Bahnar - ‘Năr 22/9, tơ̆ plt Đà Lạt, Anih tơchĕng hơlen tơdrong chih pơjing luơ̆t (găh Anih chĕp kơ̆l pơgơ̆r Quốc hội) jang hơdoi hăm Khul tang măt Quốc hội dêh char Lâm Đồng pơgơ̆r hop akŏm apŭng plenh tĕh “Tơdrong juăt jang đơ̆ng apŭng plenh tĕh găh jên hu păng chĕng hơmet tĕh”.

VOV4.Bahnar - Tơ̆ dêh char Kon Tum, tơdrong hơmet ming pơ ‘lơ̆ng dôm tơdrong oei đei, tam mă ‘lơ̆ng tơ̆ Tơdrong jang Chĕng hơmet teh ăn kon pơlei oei tơ̆ xăh Đăk Long hăm akŏp jên tơmơ̆t jang hloh 149 ti hlak jên, yua đơ̆ng Anih vei lăng kon pơlei apŭng Đăk Hà pơm tơ ‘ngla tơmơ̆t jên jang oei tŏk bŏk lơ̆m tơdrong tơhlăk.