VOV4.Bahnar - Khul kang ƀô̆ drŏ kăn chĕp pơgơ̆r hơnih jang ling lang kơrŭn đĭ jơhngơ̆m, gơ̆h hơgei, tơgop kơtang lơ̆m bơ̆ jang tơ iung pơjing Đảng, khul jang chinh trĭ, a6tŏk tơ iung mŭk drăm-tơpôl. Kang ƀô̆ drŏ kăn yak hơdoi, chĕp pơgơ̆r hơnăp jang atŭm hăm kwodră chĕp pơgơ̆r rim tơring yak hloh tơnap tap, tơdrong long. Dôm jơhngơ̆m đon ‘lơ̆ng ‘noh kăl hơtŏk kơtang hloh dơ̆ng, mă kăl lơ̆m Khul drŏ kăn tơring kon kông.

VOV4.Bahnar - Bơ̆ jang kăl hlŏh kơ ‘măng mă 1 ‘măng hop akŏm mă 6, Kuô̆k hô̆i jăl XV ‘nŏh bơ̆ jang hơpĭnh păng tơl nơ̆r hơpĭnh hăm 2 năr 1 poăt đei pơgơ̆r tôch kơ ‘lơ̆ng hơ iă. Lơ kơdră tang măt hơlen, tơdrong tơplih ‘nao hơpĭnh lơ tơdrong jang, găh nơ̆r tơl đơ̆ng rim Kơdră chĕp pơgơ̆r rim Hơnih bơ̆ jang păng rim Kơ iĕng Thủ tướng Teh đak tôch tơpăt, trŏ ƀlep rim tơdrong mă rim kơdră tang măt hơpĭnh pơm ăn tơdrong pơgơ̆r hop akŏm Kuô̆k hô̆i ‘lơ̆ng hơ iă, adoi nhen trŏ lăp hăm tơdrong hơpơi đơ̆ng bơngai tăh hla, kon pơlei.

VOV4.Bahnar – Mă tơdrong jang tơroi tơbăt gah Luơ̆t vei lăng trong nơnăm truh hăm kon pơlei kon kông tơ̆ tơring groi kông, hlôi đei khul juăt jang kơ dêh char Khánh Hòa pơm jang tơnăp, mă lei tơdrong pơm glăi sơkơ̆t trong nơnăm đơ̆ng kon pơlei tơ̆ âu adoi oei đei ƀôh lơ, pơm ăn trong nơnăm ưh đei sơđơ̆ng.

VOV4.Bahnar - Pơgê brei (10/11), Anih vei lăng kon pơlei dêh char Đắk Lắk pơgơ̆r hop akŏm pơma nuh hăm druh dăm lơ̆m dêh char hăm hơnăn “Druh dăm dêh char Đắk Lắk hăm tơdrong tơplih hăm kơmăy sô̆, jang tŏk mŭk drăm kơsô̆”.

VOV4.Bahnar - Pơbŭng hnam au kơjă kơjên hloh 150 triu hlak jên, lơ̆m au 80 triu hlak jên đei rim hơnih mơdro sa vang tơra tơgŭm; pă dôm yơ ‘nŏh kơtum kơtŏng ‘nhŏng oh chă tơgŭm ăn.

VOV4.Bahnar - Băt hơdăh teh dong băl lơ̆m ŭnh hnam ‘noh jĭ tơdrong tơm pơm ăn ưh kơ hiôk kơtang găh hơkâu jăn păng jơhngơ̆m đon ăn dôm bơngai lơ̆m ŭnh hnam, khei ‘năr âu ki, khŭl drŏ kăn xăh An Bình, apŭng Châu Thành, dêh char Tây Ninh lăng kăl tơlĕch lơ tơdrong jang vă bơ̆jang kiơ̆ đei yua luơ̆t tang găn teh dong lơ̆m ŭnh hnam ‘moi kiơ̆ hơnăp jang đơ̆ng khŭl jang, grŭp drŏ kăn đei lơ tơdrong jang hơdăh ‘lơ̆ng lơ̆m tang găn teh dong lơ̆m ŭnh hnam, tơgop pơjing ŭnh hnam phĭ tơnŏ, dơnŏ ‘lơ̆ng, hiôk chơt.

VOV4.Bahnar - Tơ̆ dêh char Bình Thuận, lơ kon pơlei kon kông nhen bơngai Chăm, K’Ho, …tơtă kiơ̆ pang găh mĕ ngăl. Drŏ kăn đei hơnăp jang gĭt kăl hăm tơdrong jang mŭk drăm kơ unh hnam kŭm nhen pơtho tơƀôh ăn kon hơ ‘lơ̆p. Tơdrong ‘nâu tơgŭm ăn drŏ kăn bơngai kon kông hơnơ̆ng đei măt lơ̆m rim tơdrong kăl, đơ̆ng tơdrong sŏng xa, hơbăn ao hrŭk truh tơdrong hŏk pơhrăm kơ kon hơ ‘lơ̆p, vei lăng hnam tơnŏ.

VOV4.Bahnar - Yom, vang jang, ‘mêm kơ eng păng vei lăng năng tông jơhngơm pran jăng, tơdrong đei iok yua ăn drŏ kăn păng hơ ioh drŏ kăn; pơjing rơvơn vă drŏ kăn đei hŏk pơhrăm, jang sa, vang bơ̆ jang tơpôl ... ‘noh dôm tơdrong jang ‘lơ̆ng hơ iă vă jang kiơ̆ hơtŏ hơnơ̆ng drŏ nglo drŏ kăn lơ̆m rim ŭnh hnam. Khei năr au ki, gơnơm jang kiơ̆ ‘lơ̆ng bơ̆ jang chă pơrô̆ pơrôp, pơtho tơbăt đơ̆ng rim hơnih bơ̆ jang, tơdrong hlôh vao kơ kon pơlei, mă kăl kon pơlei kon kông lơ̆m dêh char Thái Nguyên găh atŏk tơnơ̆ng drŏ nglo drŏ kăn hlôi đei tơplih hơ iă.

VOV4.Bahnar - “ Rim hơnih bơ̆ jang, tơring kăl iung jang kơtang jang kiơ̆ rim trong jang, hơmet pơ ‘lơ̆ng tơnap tap vă pơtrŭt kơtang jang tĕnh koăng tơlĕch kon jên teh đak tơmơ̆t jang lơ̆m dôm khei uơ oei sơnăm 2023”, ‘nau jĭ mĭnh lơ̆m dôm tơdrong đei kơdră dêh char Dak Lăk pơma hơdăh tơ̆ ‘măng hop akŏm joăt joe khei 10 pơgơ̆r lơ̆m năr brei (8/11).

VOV4.Bahnar - Tơ̆ xăh Ea Tiêu, apŭng Cư Kuin, dêh char Đắk Lắk ‘nao pơgơ̆r Năr tơguăt đĭ đăng hơdrĕch hơdrung sơnăm 2023 hăm lơ tơdrong pơm ngôi so sơ̆ tôch hơiă păng lơ tơdrong jang hue lăng truh tơdrong vei sơđơ̆ng tơdrong arih xa tơpôl tôch đei yoa. Kơdră Anih vei lăng hơdrĕch kon kông kơ Quốc hội Y Thanh Hà Niê Kdăm păng Kơdră Anih pơvih ăn Quốc hội Bùi Văn Cường vang truh akŏm hăm kon pơlei tơ̆ tơring.