VOV4.Bahnar – Giĕng âu ki, 'măng hop akŏm mă 28 Anih Juăt jang Kuôk hô̆i hlôi tơgop nơ̆r lơ̆m Tơdrong jang kơ sơnăm 2024 đơ̆ng Anih juăt jang Kuôk hô̆i păng tơgop nơ̆r lơ̆m chih akŏm tơdrong jang hơvơn pơtho kon pơlei kơ Kuôk hô̆i khei 10 păng khei 11 sơnăm âu.

VOV4.Bahnar - Pơgê brei (14/12), Anih jang Đảng dêh char Dak Nông pơgơ̆r hop akŏm pơtôch 10 sơnăm bơ̆jang kiơ̆ tơdrong jang pơjing khŭl jang tơm lơ̆m tơring kon pơlei kon kông păng pôk pơ ư dôm bơngai jang ‘lơ̆ng.

VOV4.Bahnar – Vă vei sơđơ̆ng tơdrong asong, tĕch răt đơ̆ng kon pơlei tơ̆ tơring, Anih jang vei lăng kon pơlei dêh char Đăk Lăk tơlĕch tơdrong sơđơ̆ng kơjă dôm tơmam drăm kăl tĕch răt ah hơtuch sơnăm 2023 păng Têt Nguyên đan Giáp Thìn 2024.

VOV4.Bahnar - Khei ‘năr đơ̆ng dang ei truh Tết ưh pă lơ, tơdăh Kuôk hô̆i đei ‘măng hop akŏm ưh kơ ê ‘noh lơ̆m tŏk bŏk giĕng khei 1/2024. Vă tŭn pran tơdrong jang hơmet ăn, Anih chĕp kơ̆l pơgơ̆r Kuôk hô̆i rŏng lăng gô hop akŏm dơ̆ng dôm ‘măng ưh kơ ê".

VOV4.Bahnar - Pơgê 12/12, Khul tang măt Quốc hội dêh char Gia Lai pơgơ̆r Hop akŏm tơƀâp bơngai tăh hla đơ̆ng rŏng kơ Hop akŏm mă 6, Quốc hội jăl XV tơ̆ xăh Ia Hrú, apŭng Chư Pưh.

VOV4.Bahnar - Hăm kơsô̆ jên tơmât jang hlŏh 408 rơbâu ti, 3 tơdrong jang tơm kơ teh đak đei pơtih jĭ tơdrong tơchơ̆t pơih trong ăn kon pơlei tŏk klăih đơ̆ng nuh hin, đơ̆ng rŏng hlŏh 2 sơnăm bơ̆ jang hlôi iŏk đei lơ tơdring ‘lơ̆ng hơiă. Mă lei, tơdrong dăr lăng đơ̆ng Quốc hội đei tơroi ‘nao âu tơ̆ Hop akŏm mă 6 tơƀôh hơdăh: truh dang ei đĭ hlŏh 1 puăt jăl trong bơih mă lei tơdrong pơgơ̆r bơ̆ jang oei tơƀâp lơ pơmat tat. Lơ tơring, dôm anih jang tơm, tơring tơrang oei pơvĭnh tơƀâp tơdrong tơhlăk mưh bơ̆ jang 3 tơdrong jang tơm kơ teh đak pơm ăn tơdrong tơlĕch jên jang tôch hiơ̆, ƀât lăp đei tơring jên jang đei mă lei ưh gơ̆h tơlĕch, măh apinh pơdreu dơ̆ng ăn teh đak.

VOV4.Bahnar - Đơ̆ng ‘năr 5-10/12, tơ̆ dêh char Khammouan, tơring tŏk bŏk teh đak Lào, Khŭl tơbôl Việt Nam-Lào pơlei tơm Hồ Chí Minh jang hơdai hăm Hnam trưng Đại học Y khoa Phạm Ngọc Thạch păng Anih jang găh Bơngai Việt Nam oei tơ̆ teh đak đe pơlei tơm Hồ Chí Minh pơgơ̆r tơdrong jang khăm jĭ, asong pơgang păng asong tơmam ăn kon pơlei đơ̆ng teh đak bơ̆n oei tơ̆ teh đak đe păng kon pơlei đei tơdrong arih sa mơmat tat tơ̆ âu.

VOV4.Bahnar – Lơ̆m giĕng âu ki, dôm dêh char Tây Nguyên hlôi pơgơ̆r ‘măng hop akŏm Hô̆i đŏng kon pơlei ah hơtuch sơnăm, akŏm sơkơ̆t tơdrong jang đei jơnei sơnong jang hơtŏk mŭk drăm – tơpôl sơnăm 2023, tơlĕch trong jang, sơnong jang sơnăm 2024. Tơroi tơ̆ dôm hop akŏm ăn ƀôh lơ tơnap tap, minh ƀar tơchơ̆t jang mŭk drăm tơpôl lơ̆m tơring ưh đei jơnei nhen tơlĕch jang. Tơ̆ hop akŏm âu, rim bơngai tang măt sơkơ̆t hơdah gah tơdrong jang đei jơnei sơnăm 2023, tơgop nơ̆r ăn tơchơ̆t hơtŏk kơ sơnăm 2024.

VOV4.Bahnar - Pơgê 8/12, Khŭl bơ̆jang kơ Anih tơm vei lăng găh choh jang sa păng hơtŏk tơiung tơring tơrang yua đơ̆ng Phŏ kơdră tơm Nguyễn Quốc Trị pơm kơdră Khŭl truh năm ngôi, vang sơ ‘ngon hăm ŭnh hnam kang ƀô̆ vei lăng bri Hơnih vei lăng tơmam bri brăh Ea Sô (Dak Lak) đei đe prăh lôch ƀơ̆t kơplăh bơ̆jang.

VOV4.Bahnar - Kơsơ̆ brei (7/12), tơ̆ Anih jang kơdră teh đak, Phŏ kơdră teh đak Võ Thị Ánh Xuân hlôi pơgơ̆r Hop akŏm Jơnŭm vei lăng tơgŭm Anih mong jên vei lăng tơgŭm hơioh Việt Nam mơ̆ng tơ roi tơbăt pơtôch bơ̆jang kiơ̆ hơnăp jang đơ̆ng Anih mong jên lơ̆m sơnăm 2023 păng tơlĕch trong jang sơnăm 2024.