VOV4.bahnar - Vă jê̆ Têt Nguyên đán Giáp Thìn, khei năr au ki, khul ƀô̆ đô̆i Vei lăng sơlam teh đak rim dêh char tơring Tây Nguyên hlôi pơgơ̆r “Puih mak sơlam teh đak-Chhơp jơhngơ̆m kon pơlei”, hăm lơ tơdrong pơgơ̆r ‘lơ̆ng hơ iă vă atŭm hăm kon pơlei tơring vei lăng sơđơ̆ng păng chơt hơ iă puih mak sơng Têt. Hloh đơ̆ng au, pơm hơtŏk loi dơ̆ng jơhngơ̆m đon tơgoăt tơgoăl dih băl kơjăp đơ̆ng “Ƀô̆ đô̆i Ƀok Hô” hăm kon pơlei tơring sơlam teh đak.

VOV4.Bahnar - Oei pă 20 năr dơ̆ng ‘nŏh truh Têt Nguyên đán Giáp Thìn. Khei ‘năr âu ki, kơdră chĕp kơ̆l Đảng păng Teh đak hơnơ̆ng năm ngôi, hơpăh tơmam têt ăn công nhân, bơngai jang tơ̆ tơring Tây Nguyên.

VOV4.Bahnar - Pơgê au, Kuô̆k hô̆i pơgơ̆r pơtôch ‘Măng hop akŏm hatw hot mă 5. Kuô̆k hô̆i pơdrơ̆ng nơ̆r mĭnh ƀar tơdrong jang kăl.

VOV4.Bahnar - Dôm năr âu ki, tơ̆ tơring sơlam, khŭl lĭnh vei lăng tơring sơlam dêh char Gia Lai hlôi tơlĕch jang lơ tơdrong jang ‘lơ̆ng hơiă vă hơdai hăm Kon pơlei tơring vei sơđơ̆ng păng chơt hơiă pơyan puih mak sơng têt.

VOV4.Bahnar - Pơgê 16/1, tơ̆ ‘Măng hop akŏm ưh kơ ê ‘măng mă 5, Khŭl kơdră teh đak pơtruh hla ar chih Tơchơ̆t đơ̆ng kuôk hô̆i găh 1,2 trong jang tơgŭm hơdrô̆ bơ̆jang kiơ̆ tơdrong jang tơm teh đak.

VOV4.Bahnar - Pơgê 16/1, Phŏ Thủ tướng Trần Hồng Hà kŭm hăm Khŭl bơ̆jang Trung ương hlôi truh vang akŏm Tơdrong jang “Tết ngôi hơdai - Pơyan puih mak vang tơgŭm băl” tơ̆ dêh char Kon Tum.

VOV4.Bahnar - Jĭ apŭng sơlam teh đak kơ dêh char Kon Tum, Sa Thây hơnơ̆ng lăng kơjăp bơ̆ jang tơ iung pơjing Đảng tơ̆ tơring choh jang sa păng tơring kon kông. Hăm trong jang tơ iung pơjing Chi ƀô̆ pran kơtang tơklep hăm atŏk tơ iung mŭk drăm-tơpôl tơring choh jang sa, rim Chi ƀô̆ pơlei păng rim đảng viên tơpă jĭ dôm bơngai pơm jŭk yŭk trong hơlau lơ̆m tơ iung pơjing tơring tơrang ‘nao, atŏk tơ iung mŭk drăm.

VOV4.Bahnar -  Pơgê 14/1, yă Trương Thị Mai, Kơdră jang lơ̆m Anih tơm Chinh trĭ, Kơdră chĕp kơ̆l Ban Bí thư, Kơdră Anih pơgơ̆r Trung ương păng khul jang năm ngôi, hơpăh tơmam têt ăn công nhân, bơngai jang tơ̆ Tơring jang kơmăy Phú Hội, apŭng Đức Trọng, dêh char Lâm Đồng.

VOV4.Bahnar - Giĕng au ki, kơ yuơ Kơdră chĕp pơgơ̆r Kuô̆k hô̆i Vương Đình Huệ pơm tơm, Hơnih bơ̆ jang Kuô̆k hô̆i hlôi pơgơ̆r ‘Măng hop akŏm mă 29. Tơ̆ hop akŏm au, Hơnih bơ̆ jang Kuôk hô̆i ăn tơgop nơ̆r lơ̆m lơ tơdrong kăl, lơ̆m au đei bơ̆ jang hơmet ăn ‘Măng hop akŏm hăt hot ‘măng mă 5, ăn tơgop nơ̆r găh trong vă pơjing Khôi luơ̆t Groi teh (hơmet ming), ăn tơgop nơ̆r găh trong vă pơjing Khôi luơ̆t Rim hơnih jang mong jên ăn tŏk iŏk (hơmet ming), ăn tơgop nơ̆r găh trong vă pơjing Tơdrong tơchơ̆t găh mĭnh ƀar trong jang kăl vă hơmet pơ ‘lơ̆ng tơnap tap, tơlăk tơhlĭn, hơtŏk kơtang iung jang kiơ̆ rim Tơdrong jang tơm Teh đak.

VOV4.Bahnar – Tam mă truh 4 giĕng dơ̆ng noh truh Têt Nguyên đan Giáp Thìn. Khei năr âu ki, Ƀan ƀĭ thư, Jơnŭm pơgơ̆r teh đak kŭm hăm Thủ tướng teh đak adoi đei dôm hla bar pơgơ̆r jang vei sơđơ̆ng tơdrong hơrih kon pơlei gơh sơng Puih mak sô̆ hơ-iă, tơnŏ. Rim anih jang tơm, anih jang đei tơrĕk, rim tơring adoi tơlĕch lơ tơdrong jang tơgŭm têt ăn bơngai hin dơnuh, bơngai kue lơ̆m tơpôl păng bơngai tơgŭm jơhngơ̆m ăn teh đak.