VOV4.Bahnar - Tơ̆ ‘măng hop akŏm mă 6, Kuô̆k hô̆i jăl XV au ki hlôi ‘măn khei ‘năr vă dăr lăng hơlen kơtang găh tơdrong jang “Tơdrong tơlĕch jang kiơ̆ rim Tơdrong tơchơ̆t kơ Kuô̆k hô̆i găh rim Tơdrong jang tơm Teh đak. Tơ̆ rim dêh char lơ̆m tơring Tây Nguyên, ‘măng hop akoưm hơtuch sơnăm 2023 jei lăng ba kơjăp găh tơdrong au. Tơdrong mă au đei ƀôh, đơ̆ng Trung ương truh tơ̆ tơring tŏk bok akŏm hơmet pơ ‘lơ̆ng tơnap tap, tơhlăk tơhlĭn, tơgŭm tơlĕch rim Tơdrong jang tơm Teh đak jang keh đang ‘lơ̆ng, ƀlep khei ‘năr pơkă, pơjing đei jơhngơ̆m đon lui kiơ̆ păng tơdrong hơrih sa hơnŭk hơnoa kơ kon pơlei.

Lơ sơnăm au ki, ‘ngoăih tơdrong jang vei lăng kơjăp iăp kơtang sơđơ̆ng tơring sơlam teh đak, Ƀô̆ đô̆i vei lăng sơlam teh đak dêh char Gia Lai oei iung jang hơdoi hăm hơnih đảng, hơnih bơ̆ jang tơring, khul jang tơgŭm ăn kon pơlei tơring sơlam teh đak atŏk tơ iung mŭk drăm-tơpôl, xut xa pơngot rơvĕt, tơjur dơnuh, tơ iung pơjing tơring tơrang ‘nao.

VOV4.Bahnar – Tơ̆ Hà Nội, Anih jangh gah Kon kông pơgơ̆r, jang atŭm hăm Anih tơm Pơtho Pơhrăm, Trung ương Đoan Hơdruh tơdăm cộng sản Hồ Chí Minh pơgơ̆r tơdrong Pôk hơpah 143 hŏk tro, sinh viên, hơdruh tơdăm kon kông hơgei ‘măng mă 10 sơnăm 2023.

VOV4.Bahnar - Ƀlep ƀât Tết Nguyên đán 2024, Trung ương Jơnŭm ‘long pơglang ƀrê Việt Nam hlôi tơlĕch tơdrong jang “Gơih tơmam tơgop Tết” lơ̆m teh đak.

VOV4.Bahnar – Năr 24/12/2023, Thủ tướng teh đak bơ̆n Phạm Minh Chính hlôi pơtruh Hla bar kăp gĭt gah tơdrong tang găn păng tơjră tơngiĕt, hơngeo đunh năr.

VOV4.Bahnar - Tơdrong iŏk unh om hrôih mă đơ̆ng ưh kơ đei ‘nao kiơ mă lei oei hơnơ̆ng tơtŏ tơ̆ apŭng Đức Cơ, dêh char Gia Lai jing đei lơ tơdrong răm ưh kơ ‘lơ̆ng hăm unh hnam păng tơpôl. Tơ̆ hơnăp tơdrong ‘nâu apŭng Đức Cơ adrin jang hrơ̆ch ‘lơ̆ng lơ trong jang vă găn pơđĭ tơdrong ‘nâu.

VOV4.Bahnar - Jang kiơ̆ tơdrong jang bơ̆ jang sơnăm 2023, giĕng au ki, Hơnih bơ̆ jang Trung ương pơgơ̆r Hop akŏm lơ̆m teh đak pơtôch 5 sơnăm jang kiơ̆ Tơdrong tơchơ̆t kơsô̆ 35-NQ/TW, năr 22/10/2018 kơ Hơnih tơm Cinh trĭ jăl XII găh “Atok kơtang vei lăng tơdrong jang jơhngơm đon kơ Đảng, iung tơjră tang găn rim nơ̆r pơdăr, pơm tơblĕk lơ̆m chăl hle" păng pơtôch bơ̆ jang sơnăm 2023, tơlĕch jang sơnăm 2024. Kơdră chĕp pơgpơ̆r Teh đak Võ Văn Thưởng, Kơdră Hơnih Pơrô̆ jang 35 Trung ương vang năm chĕp pơgơ̆r Hop akŏm.

VOV4.Bahnar - Lơ̆m dôm sơnăm tơjê̆ au, tơdrong jang kmăi kmŏk păng tơring kơdrơ̆m kơ Việt Nam tŏk kơtang, sơđơ̆ng ŭnh hơyuh pơma hơdrô̆, sơđơ̆ng hơyuh pơma atŭm ‘nŏh tơdrong kăl hloh tơlĕch ăn mưh tơlĕch jang kiơ̆ rơgoh ‘lơ̆ng păng sơđơ̆ng kơjăp. Lăng dơ̆ng sơnăm 2023 đei lơ tơdrong kăl pơma truh tơdrong sơđơ̆ng ŭnh hơyuh tơ̆ teh đak bơ̆n.

VOV4.Bahnar – Kơsơ̆ ‘năr brei (22/12), tơ̆ Hà Nội, Anih tơm Kŏng an păng Anih tơm Asong jang Việt Nam pơgơ̆r Hop akŏm pôk hơpah kơ dôm bơngai hơgei lơ̆m jang hơvơn tôm kon pơlei vei sơđơ̆ng tơpôl teh đak jăl sơnăm 2018-2023.

VOV4.Bahnar - Oei lơ̆m tơring sơlam teh đak Thuận Hạnh, apung Dak Song, dêh char Dak Nông, dôm sơnăm au ki, kơđông ƀô̆ đô̆i vei lăng sơlam teh đak Dak Song hlôi iung jang hơdoi kơjăp hăm kơdră đảng, kơdră chĕp pơgơ̆r kơ tơring păng kon pơlei hơrih sa, jang sa tơ̆ bro sơlam teh đak vang iung jang đĭ đăng kon pơlei vang vei lăng pơm tơ-‘ngla groi teh, ve lăng sơđơ̆ng tơring sơlam teh đak, tơ iung pơjing hơnih jang pran kơtang kon pơlei vang vei lăng sơlam teh đak kơjăp iăp kơtang.