VOV4.Bahnar - Pơgê au, Kuô̆k hô̆i pơgơ̆r pơtôch ‘Măng hop akŏm hatw hot mă 5. Kuô̆k hô̆i pơdrơ̆ng nơ̆r mĭnh ƀar tơdrong jang kăl.

VOV4.Bahnar - Dôm năr âu ki, tơ̆ tơring sơlam, khŭl lĭnh vei lăng tơring sơlam dêh char Gia Lai hlôi tơlĕch jang lơ tơdrong jang ‘lơ̆ng hơiă vă hơdai hăm Kon pơlei tơring vei sơđơ̆ng păng chơt hơiă pơyan puih mak sơng têt.

VOV4.Bahnar - Pơgê 16/1, tơ̆ ‘Măng hop akŏm ưh kơ ê ‘măng mă 5, Khŭl kơdră teh đak pơtruh hla ar chih Tơchơ̆t đơ̆ng kuôk hô̆i găh 1,2 trong jang tơgŭm hơdrô̆ bơ̆jang kiơ̆ tơdrong jang tơm teh đak.

VOV4.Bahnar - Pơgê 16/1, Phŏ Thủ tướng Trần Hồng Hà kŭm hăm Khŭl bơ̆jang Trung ương hlôi truh vang akŏm Tơdrong jang “Tết ngôi hơdai - Pơyan puih mak vang tơgŭm băl” tơ̆ dêh char Kon Tum.

VOV4.Bahnar - Jĭ apŭng sơlam teh đak kơ dêh char Kon Tum, Sa Thây hơnơ̆ng lăng kơjăp bơ̆ jang tơ iung pơjing Đảng tơ̆ tơring choh jang sa păng tơring kon kông. Hăm trong jang tơ iung pơjing Chi ƀô̆ pran kơtang tơklep hăm atŏk tơ iung mŭk drăm-tơpôl tơring choh jang sa, rim Chi ƀô̆ pơlei păng rim đảng viên tơpă jĭ dôm bơngai pơm jŭk yŭk trong hơlau lơ̆m tơ iung pơjing tơring tơrang ‘nao, atŏk tơ iung mŭk drăm.

VOV4.Bahnar -  Pơgê 14/1, yă Trương Thị Mai, Kơdră jang lơ̆m Anih tơm Chinh trĭ, Kơdră chĕp kơ̆l Ban Bí thư, Kơdră Anih pơgơ̆r Trung ương păng khul jang năm ngôi, hơpăh tơmam têt ăn công nhân, bơngai jang tơ̆ Tơring jang kơmăy Phú Hội, apŭng Đức Trọng, dêh char Lâm Đồng.

VOV4.Bahnar - Giĕng au ki, kơ yuơ Kơdră chĕp pơgơ̆r Kuô̆k hô̆i Vương Đình Huệ pơm tơm, Hơnih bơ̆ jang Kuô̆k hô̆i hlôi pơgơ̆r ‘Măng hop akŏm mă 29. Tơ̆ hop akŏm au, Hơnih bơ̆ jang Kuôk hô̆i ăn tơgop nơ̆r lơ̆m lơ tơdrong kăl, lơ̆m au đei bơ̆ jang hơmet ăn ‘Măng hop akŏm hăt hot ‘măng mă 5, ăn tơgop nơ̆r găh trong vă pơjing Khôi luơ̆t Groi teh (hơmet ming), ăn tơgop nơ̆r găh trong vă pơjing Khôi luơ̆t Rim hơnih jang mong jên ăn tŏk iŏk (hơmet ming), ăn tơgop nơ̆r găh trong vă pơjing Tơdrong tơchơ̆t găh mĭnh ƀar trong jang kăl vă hơmet pơ ‘lơ̆ng tơnap tap, tơlăk tơhlĭn, hơtŏk kơtang iung jang kiơ̆ rim Tơdrong jang tơm Teh đak.

VOV4.Bahnar – Tam mă truh 4 giĕng dơ̆ng noh truh Têt Nguyên đan Giáp Thìn. Khei năr âu ki, Ƀan ƀĭ thư, Jơnŭm pơgơ̆r teh đak kŭm hăm Thủ tướng teh đak adoi đei dôm hla bar pơgơ̆r jang vei sơđơ̆ng tơdrong hơrih kon pơlei gơh sơng Puih mak sô̆ hơ-iă, tơnŏ. Rim anih jang tơm, anih jang đei tơrĕk, rim tơring adoi tơlĕch lơ tơdrong jang tơgŭm têt ăn bơngai hin dơnuh, bơngai kue lơ̆m tơpôl păng bơngai tơgŭm jơhngơ̆m ăn teh đak.

VOV4.Bahnar -  Thiếu tá Ƀô̆ đô̆i Lê Thị Minh Thủy (Khul chă pơtŏ hơgăt tơring sơlam đak dơsĭ păng chă tơchĕng hơlen đak dơsĭ găh Hơnih tơm Ƀô̆ đô̆i Đak dơsĭ) hlôi atŭm hăm khul hlôi chih hơmet hla kak kơsô̆ đak dơsĭ; pơjing hơnih chih răk dôm tơdrong găh đak dơsĭ păng pơjing hla kak klŏng đak dơsĭ… Dôm tơdrong jang ưh khan lăp kăl đei hơlen tôch brĕ, trŏ ƀlep mă lei hơnăp jang tôch kăl, tơgop lơ̆m tơdrong jang vei lăng pơm tơ-‘ngla đak dơsĭ, achon đak dơsĭ kơ Teh đak.

VOV4.Bahnar- Kơhrĕng tơpu tơmam hlôi đei pơjao ăn kơ dôm ŭnh hnam kon pơlei đei tơdrong arih sa mơmat tat lơ̆m apŭng Cư Kuin găh tơdrong jang Jơnŭm kơchơ Têt ‘mêm mơnat sơnăm 2024 yua đơ̆ng Jơnŭm ‘long pơglang ƀrê dêh char Dak Lak bơ̆jang.