VOV4.Bahnar – Anih jang vei lăng kon pơlei dêh char Đăk Lăk ‘nao tơlĕch Tơchơ̆t asong jên năm hơpong păng asong tơmam ăn dôm anih jang, bơngai jang lơ̆m Têt Nguyên Đan Giáp Thìn sơnăm 2024.

VOV4.Bahnar - Kŭm hăm dôm tơdrong tơgŭm, tơdrong jang tơjur tơnuh hin đơ̆ng Đảng, teh đak, dêh char Gia Lai hlôi krao hơvơn đĭ đăng anih jang chinh trĭ vang tơlĕch jang lơ trong mă lăp hăm yăn âu tơ̆ rim tơring, tơgŭm ăn unh hnam tơnuh hơtŏk tơdrong jang xa, đei iŏk yoa kơjăp, pơm hơtŏk tơdrong arih xa, gơnơm thoi nŏh kơsô̆ unh hnam tơnuh dar dĕh jur kiơ̆ sơnăm. Hơdrô̆ sơnăm 2023, lơ̆m dêh char đei hlŏh 9000 unh hnam klăih đơ̆ng tơnuh hin, lơ̆m nŏh đei hlŏh 8000 unh hnam bơngai kon kông, pơm ăn tơdrong jang tơjur tơnuh hin tơ̆ dêh char jang đei lơ hlŏh kơsô̆ hơgăt đei tơlĕch. 

VOV4.Bahnar - Tơ̆ hop akŏm Khul sinh viên Việt Nam ‘măng mă XI ‘nao pơgơ̆r khei 12 sơnăm 2023 âu ki, lơ bơngai tang măt tơƀôh hơdăh đon hơpơi ‘mĕh, đon adrin đơ̆ng sinh viên Việt Nam lơ̆m tơdrong pơjing păng vei lăng teh đak. Hơpơi ‘mĕh tơlĕch đei lơ tơdrong pơchĕh rơgei vă pơjing Trung ương Khul pran kơjăp.

VOV4.Bahnar -  Gơnơm lăng kơjăp bơ̆ jang pơjing khul vă tơmơ̆t jang đảng, atŏk ‘lơ̆ng đảng viên ‘nao bơngai kon kông tơ̆ apŭng Lăk, dêh char Đăk Lăk roi năr roi ‘lơng hơ iă. Tơdrong mă au ưh khan lăp tơgop hơmet pơ ‘lơ̆ng khul jang chinh trĭ tơ̆ tơring, hơtŏk tơdrong chĕp pơgơ̆r, jơhngơ̆m iung tơjră đơ̆ng khul Đảng păng đảng viên mă lei oei pơm hơtŏk ăn tơdrong atŏk tơ iung mŭk drăm-tơpôl, hơtok hơrih sa ‘lơ̆ng hơ iă ăn kon pơlei.

VOV4.Bahnar - Kiơ̆ trong jang tơdra hơdrol ‘Măng hop akŏm hăt hot mă 5, Kuô̆k hô̆i lăng hơlen pơdrơng kiơ̆ Tơdrong vă pơjing Khôi luơ̆t Groi teh (hơmet ming). Mă lei, Hơnih bơ̆ jang Mŭk drăm kơ Kuô̆k hô̆i akhan: trong bơ̆ jang tôch kơ lơ, khei ‘năr kơ đeh dơ̆ng, tơdrong pơtruh ăn Kuô̆k hô̆i pơdrơ̆ng kiơ̆ ‘noh jĭ tơdrong long tôch kơtang. Kơdră chĕp pơgơ̆r Kuô̆k hô̆i Vương Đình Huệ ‘noh pơma hơdăh: Ư̆h kơ gơ̆h pơđunh dơ̆ng jơ ‘năr pơdrơ̆ng kiơ̆ Khôi luơ̆t Groi teh (hơmet ming).

VOV4.Bahnar - Hăm tơdrong tơm hơnơ̆ng tơplih ‘nao, sơnăm 2023, tơdrong jang dăr lăng đơ̆ng Quốc hội đei tơlĕch jang hrơ̆ch ‘lơ̆ng, tôm tơdrong, Quốc hội hlôi iŏk yoa rim trong jang dăr lăng kăl hlŏh đơ̆ng Quốc hội đei luơ̆t hơgăt nhen: Hơlen năng hla ar chih tơroi đơ̆ng dôm anih jang kơ teh đak; apinh jet păng tơl nơ̆r apinh jet; hơlen năng kiơ̆ tơdrong jang; iok kơphĭu lui dăh mă ưh… tơiung đei jơhngâm đon jang tơnăp, tơgop pơm tơplih ‘lơ̆ng rim tơdrong găh đon hlôh vao, đon tơnăp đơ̆ng rim anih jang kơpal păng tơdrong đei dăr lăng. Năr ‘nâu, Tơbăt 78 sơnăm năr Pôk rơih Quốc hội mă blŭng (6/1), đei ƀai chih tơroi truh tơdrong jang dăr lăng sơnăm 2023 đơ̆ng Quốc hội.

VOV4.Bahnar - “Tơring tơm ƀrơ̆m phao pơgang pơrăm” ‘noh hơnăn mă lơ kon pơlei lơ̆m tơring joăt chă krao tơring cham gre păr A So, tơring Đông Sơn, apŭng A Lưới, dêh char Thừa Thiên Huế. Lơ̆m khei năr đunh tơblăh vang, cham gre păr A So hlôi răm kơtang đơ̆ng ƀrơ̆m phao pơgang dioxin pơm ăn. Đơ̆ng mĭnh “hơnih hli hlơt” găh ‘mê̆ ‘mach pơgang pơnhul Dioxin, cham gre păr A So hrei au hlôi hơmet pơ ‘lơ̆ng sơđơ̆ng, rơgoh, tơgŭm ăn kon pơlei sơđơ̆ng hơnih sa păng jang sa.

VOV4.Bahnar - Kơsơ̆ năr 1/1, tơ̆ Hậu Giang, Kơdră chĕp pơgơ̆r Teh đak Võ Văn Thưởng vang năm Pơm lêh et hơtŏk, pơjao 1.400 pơbŭng hnam Tơgoăt tơgoăl, mĭnh tơdrong pơgơ̆r kơ kuh chơt hơ iă 20 sơnăm pơjing dêh char Hậu Giang (01/01/2004 - 01/01/2024).

VOV4.Bahnar - Khei năr au ki, bơ̆ jang atŏk tơ iung đảng viên ‘noh bơngai lui khop tơ̆ dêh char Dak Lăk hlôi iŏk jơnei hơ iă, tơgop pơm tơplih pơ prŏ tơmơ̆t bơngai đảng viên, atŏk kơtang hơnăp jang chĕp pơgơ̆r, jơhngơ̆m pran kơ rim hơnih đảng. Đơ̆ng noh jơhngơ̆m pran tơgoăt tơgoăl pôm nơ̆r ƀơ̆r đon rim hơdrech hơdrung, lui khop roi năr roi hơtŏk kơtang, tơgop lơ̆m tang găn tơdrong hơlĕnh pơdăr, twochă tơdrong đơ̆ng ayăt oei pơgơ̆m tơdrong lui khop vă pơm chere, pơm ưh sơđơ̆ng tơdrong tơgoăt tơgoăl pôm nơ̆r ƀơ̆r đon hơdrĕch hơdrung. 

VOV4.Bahnar - Khei năr au ki, bơ̆ jang atŏk tơ iung đảng viên ‘noh bơngai lui khop tơ̆ dêh char Dak Lăk hlôi iŏk jơnei hơ iă, tơgop pơm tơplih pơ prŏ tơmơ̆t bơngai đảng viên, atŏk kơtang hơnăp jang chĕp pơgơ̆r, jơhngơ̆m pran kơ rim hơnih đảng. Đơ̆ng noh jơhngơ̆m pran tơgoăt tơgoăl pôm nơ̆r ƀơ̆r đon rim hơdrech hơdrung, lui khop roi năr roi hơtŏk kơtang, tơgop lơ̆m tang găn tơdrong hơlĕnh pơdăr, twochă tơdrong đơ̆ng ayăt oei pơgơ̆m tơdrong lui khop vă pơm chere, pơm ưh sơđơ̆ng tơdrong tơgoăt tơgoăl pôm nơ̆r ƀơ̆r đon hơdrĕch hơdrung.