Bruk ba tabiak danak dak padang ngak mblang kapal haoh pakat dunya Long Thành di dom urang khik ramik saong tacei ba bruk taneh ia, hu dom urang ilamu, chuyên gia kinh tế ginum biai, hu tuk kamlah gauk, pasang iek biak catang. Danak dak hu Thủ tướng rajaei mbaoh tangin brei ngak di bilan 6-2011, hu ba tagok ginum biai di Quốc hội saong brei tapa dalam mbang nyaom bilan 6-2015. Sa bruk pilih ruah hadah krah brei mboh jalan maong atah di dom urang pan akaok Đảng, Karja saong Quốc hội. Kadha vak “Mblang kapal haoh Long Thành – bruk salih bahrau khang di harei hadei” di urang vak Dương Trọng Dật di mangaok báo SGGP:

Dalam dom mbang pa-atah di gauk kayua jit Covid-19, Ninh Thuận hu 14.000 urang ngak meng dom tỉnh, ban gah Meraong mai veik palei. Tuk jit ruak hu pasang iek tani tanat, langiu dom urang ngak nao veik labik ngak bruk, hu oh takik urang ngak daok veik palei duah bruk ngak. Piah daong ka rahra atah bruk ngak nong min oh nao atah palei, karja palei kham merat pambuak bruk, ba mbuan lagaih ka dom doanh nghiệp mai ngak mbang, pato bruk ngak ka urang ngak… Kadha vak di Minh Triều, urang pambuak bruk haong danak dak, hu ndom ka bruk ini:

Điểm pilih ruah iek tui học bạ di rilo sang bac ĐH thun ini tagok khang duk haong thun dahlau, saong hu oh takik gah bac, điểm piah hu pilih ruah daok yam tapa 30 điểm, tui nan, rilo anek saih hu 30 điểm oh tame hu ĐH tuk pilih ruah tui jalan ini. “Pilih ruah anek saih thun 2022: điểm pilih ruah iek tui học bạ tagok glaong” lac kadha vak di urang vak Minh Hường.

Mai meng hatai caong khin khik ramik yaom kaom kaya ngui praong glaong alak ragam ragu meng kan jaman dalau di bangsa, rilo thun tapa, nghệ nhân ưu tú Thổ Đồng - urang main ragam ragu bangsa Cam daok di xã Phan Thanh, huyện Bắc Bình, tỉnh Bình Thuận tuk halei jeng kham marat pato padar brei ka dom urang ranaih tapa bruk duah jalan ngak bahrau, khik ramik dom ragam ragu jaman muk kei meng kan di bangsa. Kadha cih vak di Khánh Vĩnh ba tagok online Bình Thuận ndem mayai tal ong Thổ Đồng:

Bruk pala bingu kiểng lac sa dalam dom janih pandap hu prein khang di urang ngak nong palei bingu ban sit Sa Đéc, tỉnh Đồng Tháp. Ban sit Sa Đéc hu jaik 700 ha taneh pala bingu kiểng gam haong 2.300 sang pala saong pablei salih bingu kiểng. Dalam dom thun jaik di ini, bruk pamaong tal pala do janih bingu kiểng sit, mekre ngak pandap alin hadiah daok jeng jalan nao bahrau daong ka urang ngak nong tagok jien mek tame. Kadha vak “Urang ngak nong Sa Đéc sahneng duah bgak brei bingu kiểng jeng pandap alin hadiah” di urang vak Thanh Nghĩa mangaok báo Đồng Tháp.

Tỉnh Bình Thuận urak ini hu 35 bangsa, dalam nan bangsa Cam hu labaih 40.000 urang. Dom thun jaik di ini, tỉnh hu peih ngak siam lagaih sarak nagar di bruk khik ramik saong patagok dom yaom glaong inem krung ilamu di bangsa takik saong bhum ceik di dalam tỉnh. Dalam nan, bruk khik ramik kadha adaoh, kadha tamia, alak ragam ragu di dom bangsa takik jeng hu brei sangka tal. Jaik taong abih di nyu nan lac dom bangsa takik dalam tỉnh jeng daok khik ramik ilamu ragu bangsa di drei dalam raidiuk rahra. Kadha vak di Jasi- urang vak di rayo sap ndem VN daok di ban raya HCM hu ndem tal:

Kaya glai dak harei dak takik nao, kaya nong ngak tabiak kan pablei atau pala drak hu takik, yaom lap, nan ye dak harei dak hu rilo mikva urang bangsa takik dalam tỉnh Ninh Thuận nao ngak công nhân piah duah jien pasiam raidiuk. Kadha vak “Tuk urang bangsa takik klaak ceik nao ngak công nhân” di Ninh Chính mangaok báo Ninh Thuận hu khan ka bruk nan.

Bruk lac bhum taneran kraong Cuu Long lavik lavik nao mbuan ralai lahik kayua kurang phù sa saong cuah oh daok lac panuac ndom angaok dom harak pathau khan ilamu khoa học. Anak meta mboh lac urak ini meng bhum akaok kraong Cửu Long tal jhung Mũi Cà Mau, bruk glut jaleih takai kraong, takai tasik dak harei dak khang, dak trak. Kayua halei bhum taneran kraong Cuu Long glut jaleih dak harei dak khang, lac kadha vak di Chí Nhân mangaok báo Thanh Niên.

Bilan 7 yaok thun, dom urang daok dalam hòa bình, sron mbon bhain mai tal dom labik inem mek sajarah kak kajap haong dom bruk cách mạng hào hùng di bangsa drei piah hadar tal saong thau dhar phor rai dahlau dang tagok mesruh metak, rik daong prein yava, ralow darah saong suan yava di drei brei ka độc lập, tự do, sron mbon di taneh ia. Inem mek sajarah Chiến khu Đ – labik kak kajap haong angan “Miền Đông glaih glar min anh dũng” lac sa dalam dom labik piah nao tal. Pamaong tal bruk pahadar 75 thun Harei TBLS (27/7/1947 – 27/7/2022), da-a mikva saong taong abih gauk pang kadha vak: Bilan 7 mai ravang Chiến khu Đ “Miền Đông glaih glar min anh dũng” di Duy Phương – urang vak di rayo sap ndom VN daok di ban raya HCM.

Lac sa labik ngak nong, min urak ni, Bình Dương mbeik drei jeng sa tỉnh ngak cong, dịch vụ đô thị. Kinh tế patagok, bhap bini jeng tabiak truh kan kathaot. Hu yau nan, lac meng hu Bình Dương peih ngak samu gauk rilo sarak, dalam nan hu bruk sangka patagok dom HTX , piah dong ka bhap bini pambuak gauk patagok bruk ngak mbang, tui jalan ngak prong. Kadha vak “Oh daok sang kathaot meng patagok HTX” di Tùng Lâm mangaok Tạp chí điện tử kinh doanh.