Urak ini, daok tame bilan hajan, di An Giang jeng yau rilo tỉnh, ban di bhum taneran kraong Cuu Long, bruk jaleih takai kraong rah tabiak rilo. Karja saong bhap bini daok kham merat peih ngak rilo jalan piah pacang caga bruk glut jaleih piah khik siam mekre, salamat saong tani tanat raidiuk. Kadha vak di Phan Ánh hu khan ka bruk nan, da-a mikva saong grauk ayut tui pang:

Binh Duong hu rilo doanh nghiep, labik ngak kong hu 1 trieu 200 ribau urang ngak. Piah khik salamat ka urang ngak anak jit ruak Covid-19, dom doanh nghiep di Binh Duong brei caga dahlau jit ruak pak di sang xuong. Gah chuc nang di Binh Duong brei patagok glong abih bruk kakei dahlau ka jit ruak saong caga jalan cakak klaoh bruk njom mbak jit ruak dalam doanh nghiep. Thiên Lý, urang vak di rayo sap ndom VN daok di ban raya HCM hu kadha vak brei thau ka bruk ini:

Piah duh ka bruk klauk vaccine Covid-19 praong abih meng dahlau mai ini, ngan saong 836.000 mbang dalam 7 harei, gah y tế Ban raya HCM ieu pataom labaih 5.000 urang ngak gah y tế meng yaok rituh đơn vị y tế di karja, gah langiu karja saong di bol lin, công an dalam ban raya. Dom urang y tế gam taduan bruk dut iek, duah urang ruak, gam ba abih prein yawa tabiak duh ka bruk klauk vaccine praong abih kuhria meng dahlau mai di TPHCM, saong hatai jia lac samar jayah jit praong Covid-19. Urang vak Kim Dung hu kadha vak brei thau ka bruk ini:

Mai tal xã bhum atah bayah Tân Phước di huyện Phú Riềng (Bình Phước), rilo rai anek saih bhian bac di pak ni jeng daok kanal hadar cambaih urang abih hatai haong bruk pato bac, nan lac nai gru Mã Trà Quyên di sang bac Tiểu học saong Trung học cơ sở Trần Phú. Labaih 13 thun ngak bruk di bhum taneh bhong gah timur, nai gru urang bangsa Nùng hu caik veik dalam hatai rilo anek saih saong mikva pak ini ka thaot binguk urang gru pato anit bruk ngak, ranam anek saih. Kadha manuac ghieh bruk siam adit ni, khol drei pang dalikan ka nai gru Mã Trà Quyên pato akhar di bhum bhap bini bangsa S’Tiêng tapa kadha vak di K’Guih di mangaok báo Tin Tức:

Jit Covid-19 tamuh tabiak ngak ka raidiuk rilo sang urang ngak di Binh Dương laik tame kan kandah. Piah daong ka sang urang ngak yam tapa kan kandah anak meta, karja saong doanh nghiep di Binh Duong hu daong meng rilo bruk yau alin pandap, alin jien piah urang hu mbuan suak yava kuhria ka anek bik yaok harei. Di tuk pahadar harei baoh sang Viet Nam 28/6, Thiên Lý –urang vak di Rayo sap ndem Viet Nam hu kadha vak brei thau ka sang urang ngak bilan Covid-19, da-a mikva saong grauk ayut tui pang:

Ong amuk yau kreih camin, anek taco thau akaok thau iku. Nan lac panuac ndom bo rilo bhap bani di palei Tanat Bình Thắng, xã Phan Hoà, huyện Bắc Bình, tỉnh Bình Thuận brei ka baoh sang ong Mai Văn Tiền saong amuk Bá Thị Ngọc Nha. Langiu di nan, di baoh sang ini daok abih drei haong bruk ngak di puk palei. Di tuk Pahadar harei Baoh sang Việt Nam (28/6), khaol drei mai rivang baoh sang ini tapa kadha vak di Jasi – urang vak di Rayo sap ndom Viet Nam daok di bal raya HCM.

Tui mBan tacei pato pacang caga jit Covid-19 tỉnh Tiền Giang, ban sit Mỹ Tho lac sa dalam dom gah ngak siam bruk pacang caga jit Covid-19 njaom mbak dalam ban sit, abih di nyu lac bruk pathau khan, brei thau. Dalam nan, dom rayo papar sap puk palei, rayo papar sap – papar binguk ban sit Mỹ Tho ba akaok nao dahlau dalam bruk pacang caga jit praong Covid 19 hu siam lagaih. Nhật Trường – urang vak di rayo sap ndom Viet Nam daok di bhum taneran kraong Cuu Long hu kadha vak brei thau ka dom kham merat ini.

Piah klak gar tavak bruk duah labik pablei tabiak, urang nong having akaok oh thau pala phun hagait, raong anek hagait saong manuac sia oh daok ba gauk blei daong kaya nong, tui rilo urang ilamu, gah ngak nong brei jhul samar dom jalan ngak sumu gauk yau trun yaom laba jien sraiy, sarak daong jien pah taneh, brei thau ka bruk ngak tabiak kaya nong di dunya. Kadha vak di Thanh Hải angaok mbao SGGP brei thau ka bruk nan saong dom jalan ngak piah lang talaih dom kan kandah nan:

Kapul Hội thánh truyền giáo Phục Hưng hu maong lac sruh jit ruak praong abih di Ban raya HCM dalam mbang tamuh jit ka 4 ini hu pacang khik. Yau nan min daok hu rilo urang ruak F0 dalam bhap bini oh ka thau njom meng halei mai. Jit ruak kan si thau dahlau tuk dom urang ruak mboh hu di dom labik san xuat, ngak pandap panda, tame tal dom sang iek ruak. Ini lac kan kandah oh sit ngan saong gah y te saong karja Ban raya HCM dalam bruk pacang njaom mbak di jit Covid -19. Kadha vak di Kim Dung –urang vak di Rayo sap ndem Viet Nam daok di Ban raya HCM brei thau ka bruk ini:

Pablei salih điện tử cak rok patagok khang, oh lac daok ngak brei salih bahrau bruk bhian randap dalam blei pandar di bhap bani saong darak pasar, patagok jien mek tame, patagok kein laba ka urang nong saong doanh nghiệp, bo dom DN daok thau pambuak bruk haong gauk – daong meyaih khan pablei pandap Việt angaok dunya, ngak jeng labik pablei salih điện tử Việt Nam. Urang vak Thu Trang daa mikva saong taong abih gauk duah thau bruk padang Gian hàng Việt trực tuyến, ngak jeng “takai khang” padang labik pablei salih điện tử Việt Nam: