Dom harei ini jit ruak Covid-19 daok tamuh khang, hu dom bruk ngak oh cang peih ngak prong, bo daok ngak brei pambak prong bruk daong ka bol bhap rah ra. Bruk 6 doanh nghiệp - lac 6 sàn pablei salih điện tử prong ba gauk daong ka mikva urang nong di pasak jit Bắc Giang pablei baoh vải thiều lac sa bruk pagap yau nan. Oh njauk lac tok piah pablei samar, pablei drah tuk vải thiều daok tame bilan paik baoh saong daok pataom mbuk kayua jit ruak ngak kan kandah tal bruk pablei tabiak, dom Sàn pablei salih điện tử kham merat daong ka mikva dom bruk ngak ba mai rilo kein laba jang – di anak meta saong suai lavik. Urang vak Thu Trang hu kadha vak brei thau ka jalan pablei salih ini:

Jit ruak mai meng njaom mbak di labik kapul truyền giáo Phục Hưng ngak ka dom manuac njaom Covid-19 dalam bhap bani di bal raya HCM tagok samar oh ka bhian mboh, hu tuk hu 50 urang ruak dalam sa harei. Meng jalan njaom mbak ini njauk ba tabiak rilo kadha piah bac megru ilamu dalam bruk pacang caga Covid-19. Urang vak di rayo sap ndom Viet Nam daok di bal raya HCM hu kadha vak ndom ka bruk bac megru hu meng bruk ini:

Meyah dom thun dahlau diah, rilo anek saih oh ka randap haong bruk palih ruah meng học bạ, ye bilan palih ruah thun ini, dalam tukvak jit COVID-19 daok tamuh khang, bruk ini jeng jalan palih ruah dahlau di rilo anek saih saong amaik ame. Tui urang lambaok dom sang bac Đại học, bruk palih ruah meng học bạ gam patagok jalan hu palih ruah tame sang bac đại học drei takre, gam patrun trak damak ka anek saih tuk pakacah tamat trung học phổ thông. Kadha vak di urang vak Minh Hường hu ndom ka bruk ini:

Harei 4/6, UB bhap bani tỉnh Đồng Nai patabiak sarak 6180/UBND-KGVX ka bruk brei daok karei urang mai, nao meng bal raya Hồ Chí Minh, hu ba tabiak ngak tui meng mon 12 kreih melam 5/6. Tui nan, Đồng Nai brei daok karei di sang atau di dom labaik brei daok pataom dalam tỉnh 21 harei taong abih urang meng bal raya Hồ Chí Minh mai veik, nao tal Đồng Nai. Bruk ini ngak ka dom doanh nghiệp hu jabat, sang mac saong urang ngak diuk rai, ngak bruk di dua tỉnh bal ini gaok biak rilo kan kandah, doanh nghiệp kan si ngak bruk hu saong meda njauk khat lahik biak prong. Dom cuang kandah ini hu urang dang akaok dua tỉnh bal ini samar drah ba tabiak dom jalan langyah yau habar, da-a mikva saong taong abih gauk pang kadha vak hadei in di Xuân Anh angaok báo điện tử di Thông tấn xã Viet Nam:

Dalam bruk mesruh pacang Covid-19, taong abih dom kham merat di gah chức năng meda tuh trun kraong, trun tasik tuk tok hu sa urang kurang sahneng saong oh ngak njauk tui. Kayua yau nan ye, bruk ngak siam tui 5 paka di Mintri Y tế; bhian khan brei thau dom kadha bahrau, tacei pato bahrau bahrau di karja saong gah y tế, sa bruk ngak siam, sa hatai saneng njauk saong thau hu bruk ngak di drei dalam pacang caga jit di tuk ini meda lac sa mbang “vắc xin” biak siam piah pacang cakak bruk njaom mbak di jit Covid-19 dalam bhap bani. Kadha vak di Huy Toàn angaok báo Bình Thuận meda daong ka kol drei thau cambaih jang ka yaom glaong di jalan saneng njauk saong bruk njauk ngak di yaok urang khaol drei dalam pacang caga jit Covid-19:

Piah sumu bruk pasang iek dom jalan njom mbak dalam bhap bini, peih ngak siam dom jalan pacang caga jit Covid-19, ban sit La Gi, tỉnh Bình Thuận samar padang dom Kapol “pasang iek saong pathau khan pacang caga Covid-19 di bhap bini”, (eiw katut lac Kapol Covid bhap bini) saong samar ba tame ngak. Meng di tuk peih tabiak ngak bruk, dom kapul pasang iek hu ngak siam bruk pathau khan, pasang iek menuac tame tabiak dalam ban sit saong pasang iek bruk pacang caga jit ruak di dom labik bhap bini daok. Kadha vak di Rạng Đông angaok mbao Binh Thuan hu daong ka mikva saong grauk ayut hu thau cambaih jang bruk ngak di dom Kapol Covid bhap bini”:

Pathau mikva saong taong abih gauk! 110 thun dahlau, harei 5-6-1911, urang likei dam anit ranam taneh ia angan Nguyễn Tất Thành tabiak truh bến cảng Nhà Rồng nao duah jalan daong taneh ia meng hatai anit ranam bangsa biak praong dalam. Urang tabiak nao haong hatai caong peih paha bangsa tabiak truh bruk ngak halin halak ka kol thực dân, đế quốc. Bruk nao atah nan rah tabiak dalam luac 30 thun, nao tapa 4 châu lục haong jaik 30 taneh ia hu ba Urang nao tal Chủ nghĩa Mác – Lênin, học thuyết salih bahrau ba akaok nao dahlau thời đại. Hadah mbaok meta lac labik Wa tabiak nao duah jalan daong taneh ia. Hadah mbaok meta lac labik hu takai yam di Wa dahlau di tuk tabiak truh taneh ia, TPHCM tuk halei jeng kham merat “Nao dahlau, mai hadei” dalam dak padang taneh ia. Nan lac asal kadha vak hadei ini di Thu Hường haong Mai Hoa angaok Báo Sài Gòn Giải Phóng, da-a mikva saong taong abih gauk tui pang:

Anak bruk jit ruak Covid-19 srwau kadau, gam saong bruk kham merat di taong abih urang Đảng, abih bhap bini, dom harei tapa, rilo bruk ngak halan tian biak lagaih saong bruk pacang caga jit Covid-19 patui bruk peih ngak di rilo labik hu mbaok di rilo kapol nyaom, urang, pambuak atah dom bruk ngak pahala. Meng anek saih, sinh viên tal urang taha sa hatung hatian saong gauk rik daong prein, daong pandap ka bruk pacang caga jit Covid-19. Kadha vak di Kim Thanh, urang vak di Rayo sap ndem Viet Nam ka bruk nan:

Tuk jit rah tabiak srau kadau, dom urang njom tagok samar, ban raya .HCM brei pa atah di gauk dalam 2 adit. Tui dom urang ilamu, pa atah di gauk 2 adit hu dong ka ban raya HCM pacang cakak jit ruak njom mbak. Min, brei hu tacei pato cambaih laih ka bruk pa atah di gauk brei bhap bini thau. Daa mik va song tong abih gauk pang kadha vak di Hoài Thu - Mỹ Hà angaok mbao Ilamu song rai duik hu ndom ka bruk nan:

Harei dunya uraniah 1/6 thun ini, yaom lac oh peih bruk pataom gauk ngak bui, me-in sambai kayua jit ruak Covid-19 rah tabiak srau kadau, min meng hatai “Kayua uranaih anit ranam”, Hội đồng Đội ban Cần Thơ hu ba tabiak jalan ngak cambaih laih piah ka yaok puk palei peih ngak ka nyu lagaih, abih di nyu lac padang rilo mblang me-in online piah ba chreih chrai bahrau ka dom adei. Urang vak Hồng Phương, daok di bhum taneran kraong CL hu kadha vak brei thau ka bruk ini, da-a……..tui pang: