VOV.Êđê - Bruă sang čư̆ êa čar Gia Lai mrâo ba mdah hdră êlan “Bi lar bruă klam mơ̆ng phung êdam êra hlăm klei bi mlih mrô êpul êya wưng thŭn 2026 - 2030”, hŏng mta kñăm ba klei thâo yua kdrăp mrô nao giăm mnuih ƀuôn sang, knơ̆ng bruă mơ̆ng nah gŭ.

VOV.Êđê - Yang hruê dơ̆ng mbruê 5/1, Khua Knŭk kna Phạm Minh Chính drông leh Vladimir Petrovich Evtushenkov, khua êpul grŭp AFK Sistema, Russia.

VOV.Êđê - Aguah 5/1 ti Hà Nội, Anôk dlăng bruă knuă gưl dlông mkŏ mjing knăm bi hdơr 60 thŭn Hruê knhuah gru Bruă knuă Đảng (5/1/1966 - 5/1/2026) leh anăn tŭ mă Medai Hồ Chí Minh tal 2.

VOV.Êđê - Anôk bruă lĭng kahan čar kčĕ hŏng Anôk dlăng bruă Đảng čar Dak Lak mkŏ mjing mđup brei rup Khua gĭt gai Hồ Chí Minh kơ 102 să, ƀuôn hgŭm ti alŭ wăl.

VOV.Êđê - Hƀuê ênuk djuê ana Việt Nam jing ktuê êlan đoh nanao đrông mơ̆ng dŭm gru kruăk yuôm bhăn, mơ̆ng dŭm boh kdrŭt yuôm bhăn, grăp klei bi mklă pŏk leh sa wưng đĭ kyar mrâo. Hlăm ktuê êlan anăn, hdră ruah khua kluôm hruê 6/1/1946 amâo djŏ knŏng jing sa hdră kđi čar yuôm bhăn, ƀiădah lŏ jing gru kruăk yuôm bhăn pŏk kơ ênuk gưl hnŭk êngiê, êđăp ênang, ngă phŭn mil pô mơ̆ng djuê ana Việt Nam. Lŏ dlăng wĭt hdră bruă hƀuê ênuk anei hlăk ala čar drei dôk mŭt hlăm ênuk gưl kpưn đĭ mơ̆ng djuê ana, hĭn mơh drei ƀuh boh tŭ yuôm hơĭt kjăp lehanăn dŭm klei hriăm tŭ yuôm hƀuê ênuk.

VOV.Êđê - Hluê ngă kjăp hdră tă mơ̆ng Gưl dlông kơ klei hluê ngă 3 bruă phŭn, mjing tur knơ̆ng kơ klei đĭ kyar pral lehanăn hơĭt kjăp, čar Khánh Hòa dôk hluê ngă bi sĭt hŏng dŭm hdră msir klă klơ̆ng. Bruă phŭn jing mtrŭt mđĭ hdră kah mbha gưl, kah mbha klei dưi mguôp hŏng bruă mđĭ hĭn klei đua klam mơ̆ng anôk bruă mâo jao klei dưi, mkra mđĭ wăl anôk duh bi liê, mđĭ kyar klei thâo hlăm bruă duh mkra pla mjing mrâo ngă boh kdrŭt phŭn.

VOV.Êđê - Hrue mbrue (4/1), ti Sang bruă kƀĭn ala, K’iăng khua bruă kƀĭn ala Đỗ Văn Chiến nao dlăng bruă lông bi hmô knăm bi hdơr 80 thŭn hrue mkŏ mjing klei ruah khua tal êlâo bruă kƀĭn ala Việt Nam (6/1/1946 - 6/1/2926).

VOV.Êđê - Dŭm hdră êlan kơ klei mtô bi hriăm kơ krĭng mnuih djuê ƀiă, krĭng taih kbưi ba klei tŭ dưn klă mngač ti čar Gia Lai. Lu phung hđeh sang hră hmao đru kơ klei đih đăm, huă ƀơ̆ng, bi liê kơ prăk hriăm hră mơar, đru kơ ênoh hđeh sang hră nao sang hră đĭ, bi hrŏ ênoh hđeh kbiă sang hră. Lu hdră êlan đru kơ êpul nai mtô ăt đru kơ digơ̆ hơĭt ai tiê dôk mă bruă ti sang hră. Kyua anăm, bruă mtô leh anăn hriăm jăk hĭñ, hnơ̆ng jăk bruă mtô bi hriăm dưi mđĭ.

VOV.Êđê- Mŭt hlăm thŭn mrâo 2026, êjai yan hrui êmiêt kphê dưi ruĕ, ai êwa hơ̆k mơak lar bra kluôm dŭm ƀuôn êlan Lăn Dap Kngư. Leh sa thŭn mă bruă knuă, ƀĭng ngă lŏ hma hơ̆k mơak êjai êjai mă bruă mâo klei găl, boh mnga mâo boh, mâo ênoh, klei hdĭp mnuih ƀuôn sang ƀrư̆ hruê ƀrư̆ hơĭt hĭn.

VOV.Êđê- Ti dŭm ƀuôn sang krĭng taih kbưi, krĭng mnuih ƀuôn sang djuê ana ƀiă mơ̆ng Lăn dap kngư, hŏng klei mđing dlăng mơ̆ng Đảng, Knŭk kna, ai tiê hgŭm mguôp hgao jih klei dleh dlan, kpưn đĭ mơ̆ng mnuih ƀuôn sang, klei gĭr klei kriăng kơ bruă, klei hdĭp mnuih ƀuôn sang tinei ƀrư̆ hruê ƀrư̆ đĭ kyar. Kkuh drông thŭn mrâo 2026, klei mơak mâo leh ti dŭm krĭng ƀuôn sang Lăn dap kngư, hlăk mnuih ƀuôn sang dlăng klei bi mlih mơ̆ng ala čar, mơ̆ng alŭ wăl lehanăn mơ̆ng ƀuôn sang pô mtam.