VOV.Êđê- Angĭn êbŭ mrô 13 (Kalmaegi) tlă ngă luič liê kjham hlăm hdră duh mkra, boh nik hŏng dŭm gŏ sang rông mnơ̆ng hlăm êa ti krĭng ksĭ Sông Cầu, čar Dak Lak (wăl krah Sông Cầu, čar Phú Yên êlâo adih). Leh gưl angĭn êbŭ, bruă knŭk kna alŭ wăl bi hgŭm hŏng dŭm êpul bruă brei čan prăk lehanăn dŭm anôk bruă djŏ tuôm mjêč ksiêm dlăng klei luič liê lehanăn pŏk ngă dŭm hdră đru klă klơ̆ng, đru kơ mnuih ƀuôn sang hnưm bi hơĭt klei hdĭp.

VOV.Êđê- “Mtrŭt mđĭ ai lehanăn răng mgang phung knuă druh pral kdal, jhŏng mĭn, jhŏng ngă, mâo klei đua klam kyua boh tŭ dưn mbĭt” jing sa hlăm dŭm bruă klam dưi hưn mdah hlăm 3 bruă phŭn hlăm Klei čih mkra bruă kđi čar mơ̆ng Anôk dlăng bruă Gưl dlông tal XIII, ba mdah kơ Klei bi kƀĭn tal XIV mơ̆ng Đảng. Hdră êlan anei bi êdah ai tiê mlih mrâo, klă mngač, mdidng kơ dŭm klei kpăk gun hlăm bruă hluê ngă bruă – anôk amâo djŏ ƀiă ôh phung knuă druh dôk huĭ, amâo jhŏng đua klam, huĭ soh.

VOV.Êđê- Anôk bruă kƀĭn ala lui leh aguah anei, 10/11 čiăng bi kƀĭn kơ hdră knuă druh, ti Klei bi kƀĭn tal 10.

VOV.Êđê- Ti Knơ̆ng bruă sang čư̆ êa čar Gia Lai, K’iăng khua knŭk kna Hồ Quốc Dũng mbĭt hŏng êpul mă bruă ngă leh bruă mdrơ̆ng hŏng boh jhat mơ̆ng angĭn êbŭ mrô 13.

VOV.Êđê- Aguah mbrue 9/11, mkŏ mjing knăm mphŭn rŭ mdơ̆ng truh 72 boh sang hră knŭk kna čiêm rông sang hră gưl 1, lehanăn 2 ti dŭm boh ƀuôn hgŭm knông lăn.

VOV.Êđê- Khua bruă Đảng čar Dak Lak Lương Nguyễn Minh Triết nao čuă, mđĭ ai dŭm gŏ sang luič liê kyua angĭn êbŭ mrô 13 ngă ti ƀuôn hgŭm Sông Cầu lehanăn să Đồng Xuân.

VOV.Êđê-Angĭn êbŭ 13 tuh hriê hlăm Gia Lai leh anăn Dak Lak mlam 6/11, mâo angĭn ktang leh anăn adiê hjan prŏng, ngă kơ lu krĭng ktuê hang ksĭ bi ktlah, dŭm êtuh boh sang kpŏk čuôr, êngăp êlam.

VOV.Êđê- Mmăt mbruê (06/11), ti Anôk bruă Knŭk kna, Khua knŭk kna Phạm Minh Chính drông khua gĭt gai dŭm anôk bruă duh mkra bán dẫn hlăm Êpul hgŭm bruă duh mkra bán dẫn kluôm rŏng lăn.

VOV.Êđê- Bi mlih mrô hlăm anôk bruă knơ̆ng prăk hlăk jing bruă čiăng êdi, đru mguôp yuôm bhăn hlăm bruă hluê ngă mta kñăm bruă ngăn prăk ala čar kluôm dhuôm, đru ba anôk bruă knơ̆ng prăk truh giăm hĭn hŏng mnuih ƀuôn sang ti djăp krĭng kwar. Ti Dak Lak, giăm 70% ênoh mnuih hdĭp hŏng bruă lŏ hma, bruă mtrŭt mđĭ hdră knơ̆ng prăk mrô hlăk lehanăn dôk pŏk mlar klei găl dưi mă čan prăk, tĭng tla lehanăn pŏk hdră ngăn prăk mrâo mrang truh grăp krĭng ƀuôn sang, đru kơ mnuih ƀuôn sang bi mlih klei mưng tĭng tla, mđĭ boh tŭ dưn klei hdĭp:

VOV.Êđê- Aguah mbruê 6/11, ti alŭ wăl mơ̆ng Từ Nham, ƀuôn hgŭm Sông Cầu, čar Dak Lak - anôk đăo tĭng srăng hmăi klă anăp mơ̆ng angĭn êbŭ mrô 13, Bruă sang čư̆ êa alŭ wăl ngă klei mbĕ đuê̆ jih jang dŭm gŏ sang kbiă mơ̆ng krĭng êa ksĭ đĭ leh anăn sang dôk êjai ktuê hang ksĭ.