VOV4.Êđê - Ti čar Dak Lak, êpul phung đảng viên mda asei ƀrư̆ hruê ƀrư̆ mñă klă bruă klam ba akŏ, jing gru mngač hlăm djăp mta ra bruă. Hŏng ai tiê hur har, jih ai tiê kơ bruă, mĭn mrâo lehanăn đua klam, diñu amâo djŏ knŏng bi leh jăk bruă klam mâo kčah jao ƀiădah lŏ nao hgŭm hlăm dŭm hdră kyua êpul êya, đru bi lar dŭm boh tŭ yuôm jăk siam mơ̆ng Đảng hlăm klei hdĭp ala ƀuôn.

VOV4.Êđê - Mơ̆ng akŏ thŭn truh kơ ară anei, ti čar Dak Nông mâo leh 14 klei mngăt êa, ngă 18 čô hđeh djiê, đĭ lu êdi mkă hŏng wưng anei thŭn 2024. Kñăm bi hrŏ klei truh hlăm wưng yan mdei prŏng thŭn 2025 anăp anei, boh nik klei djiê mngăt êa, anôk bruă djŏ tuôm ti čar dôk bi hgŭm hŏng phung amĭ ama pŏk ngă kjăp dŭm hdră msir răng mgang phung hđeh anăp klei truh djiê êka, hlăm anăn mâo klei mngăt hlăm êa.

VOV4.Êđê - Aguah mbruê 26/5, Khua knŭk kna Phạm Minh Chính mbĭt hŏng phung khua gĭt gai kčưm hlăm dŭm mta bruă hlăm klei kƀĭn trông gưl dlông ASEAN tal 46 leh anăn dŭm klei kƀĭn trông djŏ tuôm dưi mkŏ mjing ti ƀuôn prŏng phŭn Kuala Lumpur, Malaysia.

VOV4.Êđê - Aguah 26/5, K’iăng Khua Knŭk kna Nguyễn Hòa Bình nao leh anăn blŭ hrăm hlăm knăm mphŭn pŏk Klei bi kƀĭn phung bi ala bruă đảng Êpul grup Dang Kông Việt Nam (VNPT) tal 25, wưng 2025–2030.

VOV4.Êđê - Aguah 26/5, ti Anôk bruă Khua lăn čar, Khua lăn čar Lương Cường leh anăn mô̆ ñu gĭt gai leh knăm drông Khua mil čhil Prăng Emmanuel Macron leh anăn mô̆ gơ̆ hriê čhưn ti Việt Nam.

VOV4.Êđê - Aguah 25/5, ti Adŭ bruă Khua lăn čar, Khua lăn čar Lương Cường drông leh Men Sam On – Khua kiă kriê Êpul hgŭm ala čar Mặt trận hgŭm mguôp đĭ kyar Ala čar Campuchia, Khua Êpul hgŭm bi mjĕ mjuk Campuchia - Việt Nam – djă akŏ Êpul bi ala gưl dlông Campuchia hriê čang ênuh leh Khua lăn čar hđăp Trần Đức Lương.

VOV4.Êđê - Tlam mbrue 25/5, ti Anôk bruă knŭk kna Malaysia, Khua knŭk kna Anwar Ibrahim kiă kriê leh knăm drông khua knŭk kna Phạm Minh Chính, mô̆ ñu lehanăn phung khua bi ala gưl dlông Việt Nam nao čhưn kơ ala čar Malaysia.

VOV4.Êđê - Anei jing anôk jưh jơ̆ng tal êlâo hlăm, klei đuĕ hiu ti Ngŏ dhŭng Asi mơ̆ng Khua mil čhil Prăng, bi êdah leh klei yuôm bhăn mơ̆ng Prăng mâo klei mđing hĭn kơ ala čar Việt Nam.

VOV4.Êđê - Klei bi lông hriăm jih gưl 3 thŭn 2025 dôk giăm truh. Anei jing gưl tal êlâo klei bi lông dưi mkŏ mjing hlue si Hdră mtô bi hriăm gưl 3 thŭn 2018 hŏng lu klei mrâo kơ boh phŭn leh anăn hdră bi lông. Bruă sang hră leh anăn mtô bi hriăm čar Dak Lak pral pŏk ngă lu hdră msir mđĭ hnơ̆ng jăk hriăm mjuăt, mprăp jăk kơ ai tiê leh anăn klei thâo hđeh sang hră mŭt hlăm klei bi lông yuôm bhăn anei.

VOV4.Êđê - Hruê 20 mlan 5 thŭn 2025, Khua lăn čar hđăp Trần Đức Lương tloh ai ti Hà Nội, hdĭp jŏk 88 thŭn. Ñu đuĕ nao jing leh sa klei luič liê prŏng hŏng Đảng, Knŭk kna, mnuih ƀuôn sang Việt Nam drei. Trần Đức Lương jing sa čô khua kiă kriê jăk ênang, thâo knhăk, khădah ngă ya bruă, mơ̆ng sa čô ksiêm hriăm hdră kdrăp bruă lăn êa truh kơ păn ngă Khua kiă kriê ala čar, ñu lui leh lu gru kruăk, duh myơr, đru mguôp prŏng kơ hdră mkŏ mkra lehanăn mđĭ kyar, răng mgang Ala čar.