VOV4.Êđê - Aguah mbruê 2/6, ti čar Gia Lai, Khua gĭt gai Đảng Tô Lâm ba anăp êpul mă bruă mơ̆ng gưl dlông nao čuă leh anăn gĭt gai mmông mă bruă hŏng Êpul khua bruă Đảng čar Gia Lai leh anăn čar Bình Định kơ boh sĭt hluê ngă hdră mtrŭn Klei kƀĭn trông tal 11 Êpul khua bruă Đảng gưl dlông gưl 13 mơ̆ng 2 alŭ wăl.

VOV4.Êđê- Hluê si tĭng, klei bi kƀĭn tal 46, Dhar bruă gĭt gai Anôk bruă kƀĭn ala brei klei blŭ kơ dŭm hdră yuôm bhăn, hlăm anăn mâo Hdră mkŏ dăp anôk bruă knŭk kna gưl čar thŭn 2025.

VOV4.Êđê- Ti kdriêk Čư̆ Pah, čar Gia Lai, bruă Đoàn êdam êra cộng sản Hồ Chí Minh mkŏ mjing leh Knăm trŭn kơ hdră êdam êra ba anăp yan mdei prŏng gưl dlông lehanăn mđing truh kơ Mlan ngă bruă kyua phung hđeh thŭn 2025

VOV4.Êđê- Ƀri hruê quốc tế phung hđeh, hruê 1/6, Khua gĭt gai Đảng Tô Lâm nao mđĭ leh ai lehanăn mđup brei mnơ̆ng kơ phung hđeh hriăm hră ti Sang hră gưl dua Nguyễn Đình Chiểu lehanăn sang hră gưl dua să Đàn, ƀuôn prŏng phŭn Hà Nội.

VOV4.Êđê- Bi mlih mrô amâo djŏ knŏng jing klei yăl dliê mŏng hlei pô, mơ̆ng ya anôk bruă kdrăp mrâo ôh, ƀiădah klei anei dôk mŭt hlăm djăp mta ra anôk hlăm klei hdĭp. Ti Dak Lak, hdră bi mlih mrô dôk mâo hlăm mnuih ƀuôn sang mtam lehanăn mphŭn kčưm hŏng dŭm boh đĭng blŭ hâo hưn ênuk mrâo lehanăn dŭm êpul Zalo mơ̆ng alŭ, ƀuôn. Bi mklă “Mnuih ƀuôn sang mrô” jing tur knơ̆ng hŏng hdră mđĭ kyar bruă yang ƀuôn mrô, mbĭt anăn bi mklă klei tŭ jing mơ̆ng hdră bi mlih mrô ti 3 mta phŭn: Bruă knŭk kna mrô, bruă duh mkra mrô lehanăn yang ƀuôn mrô, čar Dak Lak dôk mtrŭt mđĭ hdră anei.

VOV4.Êđê- Hrue mbrue 30/5, ti Anôk bruă Đảng gưl dlông, Khua gĭt gai Đảng Tô Lâm drông čhưn leh hŏng Thongsalith Mangnomek, Khua adŭ bruă gưl dlông Đảng yang ƀuôn krŭ kdơ̆ng Lào, mâo leh wưng hriê čhưn ti Việt Nam

VOV4.Êđê- Čar Daklak mđĭ hĭn leh klei hâo hưn, mkŏ mjing wăl hdĭp mda mrâo amâo mâo săp hăt ti anôk mă bruă.

VOV4.Êđê- Knơ̆ng bruă sang hră mtô bi hriăm čar Kon Tum mkŏ mjing leh êpul ksiêm dlăng nao ti dŭm sang hră čiăng đru kčĕ, mbĭt anăn akâo kơ Khua sang hră ksiêm dlăng hnơ̆ng mtô bi hriăm grăp hruê hriăm, hruê kăm hriăm.

VOV4.Êđê- Hruê 30/5, ti Japon, K’iăng Khua Knŭk kna Nguyễn Chí Dũng bi tuôm leh hĭng Khua knŭk kna Ishiba Shigeru ƀri gưl nao hlăm Klei bi kƀĭn Êdei anăp Asi tal 30.

VOV4.Êđê- Klei čih tal 2 hlăm dŭm klei čih “Hdră bi khuăt anôk bruă – Pui lông hŏng mah, klei dleh dlan lông dlăng phung knuă druh”, hmei hưn mthâo leh kơ ƀĭng găp drei pŏk rup phung knuă druh lui nah tluôn bruă pô, mphŭn čô̆ hlăm sa ktuê êlan mă bruă mrâo, lŏ mâo dŭm klei bi hdơr hlăm bruă lông dlăng ai tiê hlăm hƀuê ênuk bi kruh, mkŏ mjing čar ti lăn dap kngư, jing leh klei hriăm klei jhŏng čiăng mđĭ lar hlăm hdră bi khuăt anôk bruă hlăk dưi hluê ngă mjêč ară anei.