VOV.Êđê- Mmăt 26/11, Knơ̆ng bruă ruah khua čar Dak Lak mkŏ mjing klei bi kƀĭn tal sa čiăng pŏk ngă bruă mprăp kơ klei ruah khua phung bi ala bruă kƀĭn ala gưl XVI leh anăn phung bi ala Êpul gơ̆ng bruă ƀuôn sang dŭm gưl, wưng 2026 – 2031.

VOV.Êđê- Mmăt (26/11), čar Dak Lak bi hgŭm hŏng dŭm dhar bruă leh anăn jih jang dŭm să ƀuôn hgŭm krĭng êa lip nah Ngŏ čiăng gĭt gai bruă klam mjêč msir mgaih leh gưl êa lip ka tuôm mâo mrâo êgao, mbĭt anăn mdrơ̆ng hŏng angĭn êbŭ mrô 15 kơ anăp.

VOV.Êđê- Lŏ dơ̆ng hlăm klei kƀĭn Bruă Kbĭn ala, brei klei blŭ mguôp kơ Hdră ala čar kñăm bi mrâo mrang, mđĭ hnơ̆ng jăk bruă sang hră mơar wưng thŭn 2026 - 2035, Hdră ala čar kñăm kơ bruă kriê dlăng klei suaih pral, ênoh mnuih ƀuôn sang leh anăn mđĭ kyar wưng thŭn 2026 - 2035, Khua Bruă Kbĭn ala Trần Thanh Mẫn mñă ktang, anei jing dua hdră hmăo klă anăp kơ mnuih ƀuôn sang, tơdah dưi ngă jăk, mnuih ƀuôn sang srăng 4 hrăm mbĭt anăn mnuih ƀuôn sang thâo, mnuih ƀuôn sang bi trông, mnuih ƀuôn sang ksiêm dlăng, mnuih ƀuôn sang dưn.

VOV.Êđê- Knơ̆ng bruă sang čư̆ êa čar Dak Lak mrâo mâo hră mơar gĭt gai mjêč msir mgaih boh jhat adiê hjan êa lip, hơĭt kjăp klei hdĭp mda mnuih ƀuôn sang.

VOV.Êđê- Aguah (26/11) ti ƀuôn prŏng Hồ Chí Minh mphŭn pŏk Klei bi kƀĭn bruă duh mkra yan hla luh thŭn 2025, hŏng akŏ “Mlih mrô mtah hlăm Ênoh mlih mrô”.

VOV.Êđê- Aguah mbrue (25/11), Knơ̆ng bruă sang čư̆ êa čar Lâm Đồng mkŏ mjing leh klei bi kƀĭn kơ bruă mkă tĭng klei jhat rai êlan klông hmăi amâo mâo jăk mơ̆ng ưl hjan prŏng êa lêč.

VOV.Êđê- Tlam mbrue (25/11), ti Hà Nội, Sang hră ksiêm hriăm kơ bruă kđi čar ala čar Hồ Chí Minh, Anôk bruă kiă kriê klei hâo hưn lehanăn đru čung ba mnuih ƀuôn sang gưl dlông, Êpul gơ̆ng bruă hlak mblang gưl dlông, Êpul hgŭm phung ngă bruă klei mrâo Việt Nam, Hră klei mrâo Cộng sản, Hră klei mrâo Nhân dân lehanăn sang mđung rup Việt Nam hgŭm mkŏ mjing klei bi kƀĭn ksiêm wĭt 5 thŭn mkŏ mjing klei bi lông hlak mblang kơ bruă răng mgang klei mĭn mơ̆ng Đảng (2021-2025).

VOV.Êđê- Tlam mbrue 25/11, ti anôk bruă khua lăn čar, Khua lăn čar Lương Cường kiă kriê leh klei bi kƀĭn kơ bruă grăp tuôr adŭ bruă khua lăn čar ksiêm wĭt bruă hlăm wưng leh êgao, hlue ngă bruă hlăm wưng tinăp.

VOV.Êđê- Hruê mbruê (25/11), Êpul ngă bruă mơ̆ng Lĭng kahan răng mgang knông lăn čar Dak Lak lehanăn Êpul kahan ksiêm truh mdjiê klei pui ƀơ̆ng, đru dŏng mnuih mâo klei truh mrô 6, Kahan ksiêm čar nao leh ti să knông lăn Ƀuôn Đon čiăng đru kơ mnuih ƀuôn sang msir mghaih klei truh mơ̆ng adiê hjan êa lip lêč ngă.

VOV.Êđê- Mmăt 25/11, ti Ƀuôn prŏng Hồ Chí Minh, Khua knŭk kna Phạm Minh Chính gĭt gai Klei kƀĭn online tal 23, Anôk gĭt gai hdră bi kdơ̆ng hŏng klei hiu mă kan hdang soh hdră bhiăn amâo hưn mthâo djŏ si klei kčah mtrŭn IUU.