VOV4.Êđê- Mơ̆ng leh mâo klei hâo hưn kơ bruă bi mŭt čar Dak Lak hŏng Phú Yên, mĭn tĭng hlue ngă êlâo hruê 1/7, leh anăn anôk bruă ngă hră moar čar mrâo srăng dưm ti ƀuôn prŏng Ƀuôn Ama Thuôt, lu hruê êgao, anôk čhĭ lăn ala sang dôk ti krĭng anei mâo klei đĭ lu snăk. Ênoh lăn ala đĭ, klei mnia blei lăn ala sang dôk đĭ lu ka tuôm mâo, hŏng klei čiăng ngă hră mơar lăn ala mơ̆ng mnuih ƀuôn sang đĭ lu, ngă kơ klei lu êgao hnơ̆ng ti dŭm anôk ngă hră mơar leh anăn msir hră mơar lăn ala.

VOV4.Êđê- Hlue si Phŭn bruă ngăn prăk, mơ̆ng akŏ thŭn truh ară anei, Việt Nam mâo êbeh 42.700 hdră bruă FDI adôk dưn yua, hŏng ênoh čih anăn êbeh 510 êklai USD. Wăl duh bi liê ti Việt Nam dưi mkra mlih nanao mơ̆ng klei mkra mlih hră mơar, bi leh hdră bhiăn, mđĭ anôk bruă nah gŭ leh anăn mđĭ hnơ̆ng thâo phung mă bruă. Kyua anăn, Việt Nam jing leh anôk truh jăk mơ̆ng dŭm êpul grup prŏng. Snăn hlăm Hdră iêô jak FDI hlăm ênuk mrâo mơ̆ng Việt Nam čiăng kơ ya hdră msir?

VOV4.Êđê- Tlam mbrue 5-5 (tui si mmông alŭ wăl), Khua gĭt gai Đảng Tô Lâm lehanăn mô̆ ñu, mbĭt hŏng êpul khua kiă kriê gưl dlông truh leh kơ ala čar Kazakhstan, kčưm djăp bruă mă ti gưl knŭk kna tui si asăp jak iêo mơ̆ng khua mil čhil Kassym-Jormat Tokayev.

VOV4.Êđê- Leh Bruă kƀĭn ala bi mklă Hdră mtrŭn kơ bruă mkra mlih, mbŏ dŭm mta klei mơ̆ng Hdră bhiăn phŭn thŭn 2013, tlam 5/5, ti Sang bruă kƀĭn ala, Khua Bruă kƀĭn ala Trần Thanh Mẫn gĭt gai klei bi kƀĭn tal sa, Knơ̆ng bruă hră čih mkra mlih, mbŏ dŭm mta mơ̆ng Hdră bhiăn phŭn thŭn 2013.

VOV4.Êđê- Tlam 5/5, ti kdriêk knông lăn Đức Cơ (Gia Lai), Binh đoàn 15 mkŏ mjing klei ksiêm dlăng boh tŭ gru hmô bi mguôp kjăp plah wah gŏ êsei phung mă bruă jing mnuih Yuăn hŏng mnuih djuê ƀiă ti alŭ wăl (pia klah čŭn jing gru hmô “Bi mguôp gŏ êsei).

VOV4.Êđê- Aguah mbruê 5/5, ti sang bruă Khua lăn čar, Khua lăn čar Lương Cường gĭt gai knăm tŭ drông Khua mil čhil Sri Lanka Anura Kumara Dissanayaka hriê čhưn ti Việt Nam.

VOV4.Êđê- Tŭ ư asăp jak iêo mơ̆ng Khua mil čhil Cộng hòa Kazakhstan Kassym-Jormat Tokayev, hruê mbruê (5/5), Khua gĭt gai Đảng Tô Lâm leh anăn mô̆ ñu hŏng Êpul bi ala gưl dlông ala čar drei kbiă mơ̆ng Tač êdeh phiơr prŏng Nội Bài nao čhưn gưl knŭk kna ti Cộng hòa Kazakhstan.

VOV4.Êđê- Hruê mbruê (4/5), Khua knŭk kna Phạm Minh Chính gĭt gai Klei bi kƀĭn knŭk kna čiăng ksiêm dlăng, brei klei blŭ kơ hdră tĭng dlăng bruă duh mkra – ala ƀuôn mlan 4 lehanăn 4 mlan akŏ thŭn anei.

– VOV4.Êđê- Hŏng akŏ “Ngă klei đru dŏng – Bi lar klei khăp”, ti ƀuôn prŏng Kon Tum, Êpul hgŭm gru bi kal hrah čar Kon Tum mkŏ mjing leh knăm mtrŭt mjhar mlan đru dŏng thŭn 2025 lehanăn klei bi hdơr hrue gru bi kal hrah, lehanăn mlan wat mniă hrah dlông rŏng lăn hrue 8/5.

VOV4.Êđê- Ƀri hrue mdei 30/4 và 1/5 này, Đà Lạt – Lâm Đồng mâo leh dŭm êtuh êbâo gưl čô tue, hlăm anăn tue mơ̆ng ala tač êngao đĭ truh 75% mkă hŏng wưng anei thŭn dih.