VOV.Êđê - Hruê mbruê 2/2, Dhar bruă mặt trận čar Dak Lak mkŏ mjing klei kƀĭn gưl tal 2, tŭ ư hdră anăn 22 čô mgơ̆ng asei pô bi ala Bruă Kbĭn ala gưl 16, wưng thŭn 2026 - 2031.

VOV.Êđê - Tlam 2/2 ti Anôk bruă Knŭk kna, Khua knŭk kna Phạm Minh Chính drông Pô bi ala Đảng Cộng sản, Knŭk kna Cuba, Khua hlăm Phŭn bruă kđi čar, Khua phŭn bruă hŏng tač êngao Bruno Rodríguez Parrilla hriê čhưn leh anăn mă bruă ti Việt Nam.

VOV.Êđê - Tlam mmăt mbruê 2/2 ti Hà Nội, Khua gĭt gai Đảng Tô Lâm, Khua knơ̆ng gĭt gai lĭng kahan gưl dlông nao hgŭm hlăm knăm ksiêm wĭt, mđup brei klei pah mni bruă klei mrâo “Kjăp ti gŭ hla čhiăm gru Đảng” čih kơ Đảng, kơ Awa Hồ.

VOV.Êđê - Tlam 2/2 ti Hà Nội, Phŭn bruă dhar kreh, mjuăt asei mlei leh anăn hiu čhưn ênguê bi hgŭm hŏng Knơ̆ng bruă sang čư̆ êa čar Gia Lai bi kƀĭn hŏng phung čih klei mrâo hưn mthâo Thŭn hiu čhưn ênguê ala čar – Gia Lai 2026.

VOV.Êđê - Mơak drông klei tŭ jing Klei bi kƀĭn tal XIV mơ̆ng Đảng leh anăn bi hdơr 96 thŭn Hruê mkŏ mjing Đảng Cộng sản Việt Nam (3/2/1930-3/2/2026), aguah 2/2, ti Hà Nội, Khua gĭt gai Đảng Tô Lâm, Khua lăn čar Lương Cường nao hlăm Knăm mphŭn ba yua hdră bruă mkra mđĭ, mkra mrâo anôk mă bruă Anôk bruă Khua lăn čar.

VOV.Êđê - Aguah 2/2, ti Sang bruă kƀĭn ala, ƀri gưl bi hdơr 96 thŭn Hruê mkŏ mjing Đảng 3/2, Khua dlăng bruă Đảng Bruă kƀĭn ala, Khua bruă kƀĭn ala Trần Thanh Mẫn gĭt gai Knăm mđup brei Anăn knăl 45 thŭn, 30 thŭn Đảng mơ̆ng Bruă Đảng bruă Kƀĭn ala.

VOV.Êđê - Knăm mơak yan mnga 2026 mphŭn pŏk aguah mbruê 2/2 ti Anôk bruă rang mdah Việt Nam hŏng akŏ “Mkŏ klei mdrŏng sah - drông yan mnga kdrưh kơăm”.

VOV.Êđê - Leh Klei bi kƀĭn phung bi ala kluôm ala čar tal XIV mơ̆ng Đảng tŭ jing, dŭm alŭ wăl hlăm krĭng lăn dap kngư lehanăn krĭng ktuê hang ksĭ dhŭng kwar krah mjêč bi sĭt dŭm hdră êlan mtrŭn hŏng hdră bruă, hdră kčah klă klơ̆ng. Hluê anăn, čar Dak Lak gĭr bi hrŏ ƀun hơĭt kjăp, đru kơ hdră duh ƀơ̆ng kơ mnuih ƀuôn sang djuê ƀiă, Čar Khánh Hòa gĭr mđĭ hnơ̆ng đĭ kyar, mkra mlih wăl anôk duh bi liê, anôk bruă nah gŭ. Êpul kahan răng mgang knông lăn dŭm alŭ wăl rơ̆ng kjăp klei dưi kiă kriê, rơ̆ng klei êđăp ênang ti krĭng wăl.

VOV.Êđê - Čiăng mâo ba wĭt dŭm boh tŭ dưn yuôm bhăn, dăl hlăm ktuê êlan krŭ kgŭ kdơ̆ng 96 thŭn, Đảng Công sản Việt Nam mâo leh lu gru kruăk bi êdah klei mlih mrâo. Mlih mrâo hlăm bruă ruah hdră êlan mơ̆ng leh mkŏ mjing ăt msĕ mơh hlăm bruă hluê ngă klei đua klam yuôm bhăn atăt ala čar drei hgao djăp klei dleh dlan, lông dlăng, ba hdră krŭ kgŭ kdơ̆ng ala čar drei ba wĭt boh tŭ dưn anei truh kơ boh tŭ dưn êdei. Dăl hlăm ktuê êlan 96 thŭn, Đảng amâo mdei mlih mrâo, bi mlih pô čiăng ngă jăk hĭn bruă mâo kčah jao, năng jing bruă klam ba akŏ, bi mklă djăp klei tŭ dưi mơ̆ng Hdră krŭ kgŭ kdơ̆ng Việt Nam.

VOV.Êđê – Mbĭt hŏng kluôm ala, dŭm boh čar, kwar krah lehanăn lăn dap kngư hlăk mprăp jăk kơ klei ruah khua phung bi ala bruă kƀĭn ala gưl XVI lehanăn phung bi ala êpul gơ̆ng bruă ƀuôn sang djăp gưl wưng thŭn 2026–2031.