VOV.Êđê- Êpul mă bruă mơ̆ng čar Dak Lak nao čhưn, hơêč hmưi Tết kơ Anôk bruă gĭt gai kahan răng mgang knông lăn.

VOV.Êđê- Amâo guôn asăp mtrŭn mơ̆ng dlông, kăn dôk guôn klei čiu hnô, dŭm ktuê êlan ti să Ia Hiao, čar Gia Lai dưi pŏk mlar mơ̆ng klei čŏng pô myơr lehanăn klei sa ai mơ̆ng mnuih ƀuôn sang. Mơ̆ng bruă myơr grăp met lăn, ruh mltiah mnư̆ mnang, klei đăo knang mơ̆ng Đảng hŏng mnuih ƀuôn sang dưi ksŭl mbŭ, mjing dŭm ktuê êlan mâo anăn “Ktuê êlan sa ai hŏng Đảng mơ̆ng mnuih ƀuôn sang”, pŏk klei čang hmăng đĭ kyar mrâo kơ krĭng lăn ƀuôn sang leh bi mŭt mbĭt.

VOV.Êđê- Tlam 03/02, ti Anôk bruă Đảng gưl dlông, Khua gĭt gai Đảng Tô Lâm drông Khua Anôk bruă kƀĭn ala nah gŭ Jordan Mazen Turki El Qadi ƀri gưl hriê čhưn ti Việt Nam.

VOV.Êđê- Hrue mbrue (3/2), ti čar Daklak, êpul ngă bruă mơ̆gn knơ̆ng kiă kriê bruă kčĕ lĭng kahan yang ƀuôn Việt Nam mâo Trung tướng Nguyễn Bá Lực, K’iăng khua kčĕ bruă lĭng kahan, ngă khua êpul nao ksiêm bruă mprăp kơ klei hriăm mjuăt thŭn 2026 ti Lữ đoàn Đặc công 198 - Binh chủng Đặc Công.

VOV.Êđê- Tlam mbrue (03/02) ti Anôk bruă knŭk kna, Khua knŭk kna Phạm Minh Chính drông chcưn leh hŏng nai prĭn Philipp Rösler –Khua êpul hgŭm klei duh mkra Switz - Việt Nam (SVEF) mbĭt hŏng 20 phung duh mkra hriê mơ̆ng ala čar Switz lehanăn Ơrôp hrie duah klei čiăng bi hgŭm duh bi liê ti Việt Nam.

VOV.Êđê- Mlam mmăt mbrue (3/2), ti Sang muiñ Hồ Gươm (Hà Nội), bi hdơr 96 thŭn hrue mkŏ mjing Đảng Cộng sản Việt Nam (3/2/1930 – 3/2/2026), Êpul bruă mkŏ mjing gưl dlông hgŭm hŏng hră klei mrâo Tạp chí Cộng sản, hră klei mrâo Nhân Dân, Sang mđung rup Việt Nam lehanăn êpul hgŭm bruă klei mrâo Việt Nam mkŏ mjing klei pah mni kơ phung khua bruă Đảng tŭ kdlưn, lehanăn bi êdah klei pah mni klei bi lông kmŭt mnia êa mah gưl tal 10 thŭn 2025.

VOV.Êđê- Hŏng akŏ “Dak Lak – Ñŭ kma lehanăn Đĭ kyar” thŭn 2026, čar Dak Lak dôk pŏk ngă lu hdră mtrŭt mđĭ bruă hiu čhưn ênguê hluê dŭm knăm mơak, hdră bruă dăl hlăm jih thŭn.

VOV.Êđê- Ƀri bi hdơr 96 thŭn Hruê mkŏ mjing Đảng Cộng sản Việt Nam (3/2/1930 – 3/2/2026), aguah 3/2, Êpul bi ala Anôk kriê dlăng bruă Đảng gưl dlông, bruă kƀĭn ala, Khua lăn čar, Knŭk kna, Dhar bruă Mặt trận Việt Nam nao dưm leh kwang mnga lehanăn nao čuă Msat Khua gĭt gai Hồ Chí Minh.

VOV.Êđê- Bi hdơr 96 thŭn hrue mkŏ mjing Đảng Cộng sản Việt Nam, kkuh mơak klei bi kƀĭn prŏng phung bi ala kluôm ala gưl 14 mâo leh klei tŭ jing jăk siam, aguah mbrue 3/2, ti anôk bruă Đảng gưl dlông mkŏ mjing leh knăm mđup brei anăn knăl 45 thŭn Đảng kơ Khua gĭt gai Đảng Tô Lâm, Khua knơ̆ng hlăm êpul khua gĭt gai Đảng Cộng sản Việt Nam.

VOV.Êđê- Anôk ba čhĭ Tết ti čar Dak Lak mphŭn kdrăm kơah hŏng ai ktang đăo knăl đĭ hlăm brô 30% mkă hŏng hnơ̆ng kah knar grăp mlan. Ti anăp klei čiăng blei đĭ, bruă djŏ tuôm ti Dak lak hŏng dŭm êpul bruă, phung mnia blei dŭm mta mnơ̆ng dhơ̆ng duh kơ Tết ngă leh leh anăn dôk pŏk ngă lu hdră bi hơĭt ênoh ênil, pral mkăp mnơ̆ng dhơ̆ng, ñĕ klei kpăk mnơ̆ng mkăp, amâo brei mâo klei hin mnơ̆ng dhơ̆ng, mơ̆ng anăn rơ̆ng klei dưi leh anăn ngă djŏ klei čiăng blei mnơ̆ng kơ mnuih ƀuôn sang.