VOV.Êđê- Leh dŭm hruê mdrơ̆ng hŏng angĭn êbŭ mrô 13 lehanăn gưl adiê hjan êa lip lêč ngă, klei hdĭp mnuih ƀuôn sang ti ktuê hang ksĭ Dak Lak ƀrư̆ ƀrư̆ lŏ wĭt msĕ aguah tlam. Ti dŭm krĭng ksĭ, ai êwa mprăp kơ yan hiu mă kan mrâo hlăk mjêč ruă hĭn. Dŭm boh hô̆ mran kă krañ kjăp kñăm mdrơ̆ng hŏng angĭn êbŭ ară anei dưi mkra, dưm nhiên liệu, mprăp nao phă êa ksĭ, ba klei čang hmăng kơ sa yan ngă bruă jăk găl, amâo mâo hiu trah mă kan soh hdră bhiăn, amâo hưn mthâo, amâo hluê ngă klei kčah mtrŭn (IUU).

VOV.Êđê- Yang hruê dơ̆ng mbruê 22/12, ti anôk bruă Khua Knŭk kna, Khua Knŭk kna Phạm Minh Chính jao leh klei bi klă tiŏ nao Lê Mạnh Hùng, Khua êpul gơ̆ng êpul grup êa pui êwa čuh Việt Nam (Petrovietnam) wĭt ngă bruă ti Phŭn bruă tuh tia leh anăn păn ngă Khua phŭn bruă tuh tia jing êjai.

VOV.Êđê- Ti Anôk bruă dhar kreh - hiu čhưn ênguê čar, Knăm mơak - klei rang mdah mnơ̆ng mđup brei, mnơ̆ng bruă tuh tia mkra mjing êdah êdi leh anăn mnơ̆ng OCOP mguôp hŏng Knăm mơak mnơ̆ng ƀơ̆ngjăk Lăn Dap Kngư thŭn 2025 klă sĭt mphŭn pŏk. Klei anei kyua Knơ̆ng bruă tuh tia mnia blei Dak Lak gĭt gai, mkŏ mjing truh hruê 25/12.

VOV.Êđê- Aguah 22/12, ti Anôk dlăng bruă Đảng, ti gŭ klei gĭt gai mơ̆ng Khua gĭt gai Đảng Tô Lâm, Klei bi kƀĭn tal 15 Anôk dlăng bruă Đảng gưl dlông tal 13 mphŭn pŏk.

VOV.Êđê- Hrue mbrue 21/12, Khua knŭk kna Phạm Minh Chính nao leh ti anôk bi kƀĭn ksiêm wĭt bruă thŭn 2025 lehanăn hlue ngă bruă kơ thŭn 2026 mơ̆ng phŭn bruă rŭ mdơ̆ng.

VOV.Êđê- Mmăt hruê 21/12, Knơ̆ng bruă Dhar kreh, Mjuăt ktang asei mlei lehanăn Hiu čhưn ênguê Dak Lak mkŏ mjing knăm mjưh ruê̆ Klei bi lông Dhar kreh čing čhar lehanăn kdrăp tông ayŭ djuê ana thŭn 2025, mjưh ruê̆ hruê mơak dhar kreh mơ̆ng êpul êya dŭm djuê ana ti čar.

VOV.Êđê- Tlam 21/12, ti Sang bruă kƀĭn ala, hŏng klei gĭt gai mŏng Khua bruă kƀĭn ala Trần Thanh Mẫn, Anôk bruă Đảng bruă kƀĭn ala mkŏ mjing klei ƀuah mkra êpul lehanăn grăp čô thŭn 2025.

VOV.Êđê- Dŭm hruê anei, mbĭt hŏng kluôm ala, dŭm alŭ wăl ti čar Dak Lak dôk kƀĭn jih hnơ̆ng kơ bruă mprăp ruah khua bi ala Bruă kƀĭn ala gưl XVI leh anăn phung bi ala Êpul gơ̆ng bruă ƀuôn sang dŭm gưl wưng 2026 – 2031. Bruă klam mkŏ mjing klei ruah khua amâo djŏ knŏng jing bruă kđi čar yuôm bhăn ôh ƀiădah lŏ jing klei lông dlăng ai tiê đua klam mơ̆ng jih bruă kđi čar mơ̆ng čar truh kơ nah gŭ.

VOV.Êđê- Dŭm hruê êgao, dŭm êbâo čô knuă druh, lĭng kahan Anôk bruă gĭt gai kahan čar Khánh Hòa hŏng dŭm anôk bruă lĭng kahan ti alŭ wăl dôk bi tiŏ êran hŏng hruê mmông, mjêč bi leh hnưm hdră kčah lŏ mdơ̆ng sang jhat rai leh gưl êa lip angĭn êbŭ hlăm “hdră bruă Quang Trung”.

VOV.Êđê - Êlan dơ̆ng ala čar mrô 27, taih 282 km, mkŏ dŭm čar Dak Lak, Lâm Đồng leh anăn Khánh Hòa, mâo bruă klam yuôm bhăn hlăm klei mđĭ kyar bruă duh mkra ala ƀuôn, rơ̆ng êđăp ênang ala čar, boh nik leh dŭm čar Lăn Dap Kngư bi mŭt hŏng dŭm krĭng ktuê hang ksĭ Dhŭng kwar Krah. Khădah snăn, êlan dơ̆ng ala čar anei dôk hlăm boh klei jhat rai kjham.