VOV4.Êđê - Aguah 10/3, ti wăl knhuah gru đang kphê CADA, să Êa Yông, kdriêk Krông Pač, mkŏ mjing leh “Knăm mơak Kphê dưi mkŏ mjing ti đang kphê thŭn 2025” hŏng akŏ “Hrăm mbĭt lehanăn kah mbha”.

VOV4.Êđê - Aguah mbruê (10/3), ti Sang bruă kƀĭn ala, mphŭn pŏk Klei bi kƀĭn tal 43, klei kƀĭn tal êlâo dưi hluê ngă hŏng klei mprăp mơ̆ng dŭm anôk bruă leh mkŏ dăp wĭt mơ̆ng Anôk bruă kƀĭn ala, Knŭk kna.

VOV4.Êđê - Khua gĭt gai Đảng Tô Lâm nao ti Klei bi blŭ hrăm anôk bruă duh mkra gưl dlông ƀri bi hdơr 70 thŭn Hruê mkŏ mjing klei bi mjĕ Việt Nam-Indonesia.

VOV4.Êđê - Hluê ngă Klei klah čŭn mrô 127, hruê 28/2/2025 mơ̆ng Phŭn bruă kđi čar, Anôk dlăng bruă Đảng, čar Kon Tum mdei êjai bruă mkŏ mjing Klei bi kƀĭn bruă Đảng gưl să lehanăn gưl kdriêk.Hŏng dŭm bruă Đảng să, wăl krah 10 kdriêk, ƀuôn prŏng mơ̆ng čar mkŏ mjing leh Klei bi kƀĭn, bruă pŏk hluê ngă dŭm mta kñăm mđĭ kyar hlăk dôk mjêč hluê ngă, amâo mâo klei mĭn dôk čang guôn hlăm bruă lŏ wĭt mkŏ dăp anôk bruă.

VOV4.Êđê- Hlăm hdră nao čhưn ti Indonesia, tlam 9/3 ti Ƀuôn prŏng phŭn Jakarta, Khua gĭt gai Đảng Tô Lâm bi tuôm leh hŏng phung khua Êpul grŭp lehanăn anôk bruă duh mkra mrô sa Indonesia lehanăn nao ti Knăm hưn mthâo ktuê êlan phiơr klă anăp mŏng Vietnam Airlines plah wah ƀuôn prŏng Hồ Chí Minh lehanăn Denpasar.

VOV4.Êđê- Hruê anei 10/3, čar Dak Lak mphŭn pŏk knăm mơak kphê Ƀuôn Ama Thuôt tal 9 mbĭt hŏng knăm bi hdơr 50 thŭn sua wĭt klei êngiê ƀuôn prŏng, 50 thŭn hdră mblah Lăn Dap Kngư, pŏk kơ hdră mblah Hồ Chí Minh hƀuê ênuk, sua wĭt klei êngiê kwar Dhŭng, hluh hlir lăn čar.

VOV4.Êđê- Tlam mbruê 9/3, klei kƀĭn tal 16 mơ̆ng Êpul gĭt gai knŭk kna dŭm hdră kñăm ala čar, hdră kñăm bruă êlan klông leh anăn dŭ mdiăng dưi mkŏ mjing ti gŭ klei gĭt gai mơ̆ng Khua knŭk kna Phạm Minh Chính.

VOV4.Êđê- Tlam mbruê 9/3, Khua gĭt gai Đảng Tô Lâm mbĭt hŏng mô̆ ñu leh anăn Êpul bi ala gưl dlông ala čar drei truh leh ti Jakartar nao čhưn gưl knŭk kna ti Indonesia hluê si klei iêo jak mơ̆ng Khua mil čhil Indonesia Prabowo Subianto leh anăn nao čuă klă klơ̆ng Êpul khua kiă kriê ASEAN hluê si klei iêo jak mơ̆ng khua kiă kriê ASEAN Kao Kim Hourn.

VOV4.Êđê- Dŭm hruê anei, mnuih ƀuôn sang dŭm djuê ana čar Dak Lak bi hơ̆k kdơ̆k, ktưn hưn kyua đru mguôp mkŏ mjing klei tŭ dưn Ƀuôn Ama Thuôt hƀuê ênuk 50 thŭn êlâo. Mbĭt anăn, mnuih ƀuôn sang ăt bi hơ̆k mơak tŭ drông knăm mơak kphê Ƀuôn Ama Thuôt tal 9 jing “Anôk jưh jơ̆ng mơ̆ng kphê tar rŏng lăn”. Mbĭt hŏng ai tiê bi hdơr 50 thŭn hruê mblah dưi Ƀuôn Ama Thuôt, mnuih ƀuôn sang dŭm djuê ana čar Dak Lak ăt bi êdah klei đăo knang leh anăn hmăng hmưi kơ dŭm boh tŭ dưn mơ̆ng knăm mơak phê Ƀuôn Ama Thuôt dưi ba wĭt.

VOV4.Êđê - Tlam 7/3, Khua knŭk kna Kyrgyzstan Adylbek Kasymaliev kbiă leh mơ̆ng Hà Nội, mjưh ruê̆ jăk siam gưl hiu čhưn ti Việt Nam mơ̆ng hruê 6 – 7/3, hluê asăp jak iêu mơ̆ng Khua knŭk kna Phạm Minh Chính.