VOV4.Êđê- Đỗ Việt Hưng – Khua knơ̆ng bruă ngăn prăk Gia Lai brei thâo, Knơ̆ng bruă bi hgŭm leh hŏng djăp alŭ wăl ksiêm bi ênŭm ngăn dŏ knŭk kna, lehanăn mka tĭng kơ ênoh, mkŏ mjing hdră êlan mghaih msir bi djŏ guôp.

VOV4.Êđê- Hrue mbrue (11/5), ti anôk bruă knŭk kna, Khua knŭk kna Phạm Minh Chính, Khua êpul kiă kriê gưl dlông hlue ngă bruă lăm lui sang tĭ rưč hlăm kluôm ala, kiă kriê klei bi kƀĭn tal 4 mơ̆ng êpul khua kiă kriê.

VOV4.Êđê- Kdriêk Kon Braih jing alŭ wăl tal êlâo mơ̆ng čar Kon Tum bi leh hdră msir lăm sang dôk êjai, sang tĭ ƀrôč kơ mnuih ƀuôn sang

VOV4.Êđê- Trương Ngọc Tuấn – Khua knơ̆ng ksiêm dlăng bruă knuă čar Phú Yên brei thâo, anôk bruă djŏ tuôm dôk čih mkra hdră đru kơ sang dôk, êdeh êdâo găn êrô čiăng đru kơ phung knuă druh, mnuih mă bruă hơĭt ai tiê ngă bruă.

VOV4.Êđê- Tlam mbruê (11/5) hluê mông alŭ wăl, Khua gĭt gai Đảng Tô Lâm mbĭt hŏng Mô̆ ñu lehanăn êpul bi ala gưl dlông ala čar drei truh leh ti tač êdeh phiơr prŏng Minsk mphŭn hdră hiu čhưn gưl Knŭk kna truh ti Belarus hluê asăp jak iêu mơ̆ng Khua mil čhil Alexxander lukashenko.

VOV4Êđê- Yap truh akŏ mlan 5/2025, čar Gia Lai mphŭn rŭ mdơ̆ng leh anăn mkra mlih 6.712 boh sang, mâo 82% hdră kčah lăm lui giăm 8.500 boh sang tĭ, ƀrôč ti alŭ wăl. Boh sĭt brei ƀuh, alŭ wăl ksiêm dlăng leh êlam hdră êlan prŏng mơ̆ng Gưl dlông, mbĭt anăn ƀuh mâo lu gru hmô, hdră ngă mbruă đru kơ hdră pŏk ngă pral, tŭ dưn, boh nik ti krĭng taih kbưi. Mơ̆ng anăn lar bra pral klei jăk mơak dưi hơĭt anôk dôk hlăm dŭm boh sang bi đru kơ gŏ êsei ƀun, thiăm boh kdrŭt kơ mnuih ƀuôn sang gĭr ktưn; mbĭt anăn đru ngă tŭ dưn Hdră mtrŭn mơ̆ng Knŭk kna.

VOV4.Êđê – Hlăm hdră nao čhưn klă klơ̆ng ala čar Russia leh anăn nao hlăm knăm bi hdơr 80 thŭn hruê mblah dưi hlăm klei bi blah Răng mgang lăn čar, mmăt mbruê 9/5, ti gŭ klei ktuê dlăng mơ̆ng Khua gĭt gai Đảng Tô Lâm, Knơ̆ng bruă êdeh phiơr ala čar (Vietnam Airlines) mkŏ mjing knăm ba mdah êlan phiơr kpă plah wah Hà Nội leh anăn Moscow.

VOV4.Êđê – Bruă sang čư̆ êa čar Gia Lai dôk mjêč ngă dŭm hdră êlan čiăng rơ̆ng kơ klei kriê dlăng tŭ dưn dŭm hdră êlan, hdră bruă duh bi liê bruă knŭk kna hlăm wưng mkŏ dăp, bi kluôm bruă sang čư̆ êa alŭ wăl.

VOV4.Êđê – Hruê (9/5), čar Kon Tum mkŏ mjing leh Klei bi kƀĭn trông kreh knhâo hưn mthâo kơ bruă “Tĭng dlăng boh klei mgei lăn ti Kon Tum, - Boh klei lehanăn hdră msir”.

VOV4.Êđê – Anôk bruă sang čư̆ êa čar Dak Lak mâo leh hră mơar gĭt gai dŭm knơ̆ng, dhar bruă, alŭ wăl mđĭ hdră rơ̆ng kjăp klei doh êƀăt mnơ̆ng dhơ̆ng, gang mkhư̆ klei ƀơ̆ng djŏ mnơ̆ng ruă lehanăn msir mghaih ktang klei ngă soh.