VOV4.Êđê- Ti Dak Nông, thŭn 2025, pŏk ngă Hdră mtrŭn mơ̆ng Knŭk kna, čar ăt mkra mlih hdră kñăm đĭ kyar jing 8,11%, lu hĭn dua blư̆ mkă hŏng hnơ̆ng đĭ kyar 4,87% thŭn thŭn 2024. Dŭm hdră bruă dŭm êklai đôlar Mi bi liê hlăm bruă bôxit ksueh jing anôk čiăng kơ čar đăo knang dưi mâo klei anei, boh nik mâo hnơ̆ng đĭ kyar jing dua ênoh mrô hlăm dŭm thŭn kơ anăp.

VOV4.Êđê- Thŭn 2025 čar Kon Tum mâo Knŭk kna jao hnơ̆ng đĭ kyar GRDP 10%, lu hĭn krĭng Lăn Dap Kngư. Gĭr bi leh hdră kñăm, dŭm gưl, dŭm dhar bruă mơ̆ng čar dôk gĭr pŏk ngă lu hdră msir, hlăm anăn mâo bruă mjing thiăm klei jăk kơ Wăl hiu čhưn ênguê dliê knŭk kna mkuôm Măng Đen čiăng đru mđĭ kyar 2 ênoh mrô.

VOV4.Êđê- Hlăm hdră mă bruă ti Tuyên Quang, aguah 18/3 Khua Anôk bruă kƀĭn ala Trần Thanh Mẫn djă akŏ Êpul mă bruă Gưl dlông nao čuh brui mngưi, dưm kwang mnga hdơr kơ Khua gĭt gai Hồ Chí Minh ti Sang hlang Nà Nưa, hlăm Wăl knhuah gru ala čar Tân Trào.

VOV4.Êđê- Aguah mbrue (18/3) ti anôk bruă knŭk kna, Khua knŭk kna Phạm Minh Chính, Khua êpul kiă kriê bruă knŭk kna gĭt gai klei knŭk kna bi kƀĭn kơ bruă kreh knhâo, kdrăp mrâo, bi mlih hŏng klei knhêč, bi mlih mrô, lehanăn mta bruă mrô 06, jing klei bi kƀĭn tal sa.

VOV4.Êđê- Hruê mbruê 17/3, hlăm gưl nao ngă bruă ti Angle, K’iăng Khua knŭk kna Nguyễn Hòa Bình mâo leh mmông bi tuôm hjăn hŏng Tony Blair, Khua knŭk kna hđăp Angle, khua gĭt gai anôk bruă Tony Blair kyua klei bi mlih tar rŏng lăn.

VOV4.Êđê-Mđing bi hdơr 80 thŭn Hruê ruah khua kluôm tal êlâo ruah Bruă kƀĭn ala Việt Nam, aguah 17/3, ti Sang bruă kƀĭn ala, Khua bruă kƀĭn ala Trần Thanh Mẫn bi tuôm leh hŏng Êpul bi ala Bruă kƀĭn ala čar Sóc Trăng.

VOV4.Êđê- Tlam (17/3) ti Anôk bruă Đảng gưl dlông, Khua gĭt gai Đảng Tô Lâm gĭt gai mmông mă bruă hŏng Anôk bruă ksiêm dlăng knŭk kna leh anăn dŭm anôk bruă djŏ tuôm kơ klei msir mgaih klei bi kčŭt hưn dleh ktuê dlăng, sui hlăm wưng êgao.

VOV4.Êđê- Aguah 17/3, Khua bruă kƀĭn ala Trần Thanh Mẫn gĭt gai klei bi kƀĭn mơ̆ng Dhar bruă Đảng Bruă kƀĭn ala kơ dŭm boh phŭn djŏ tuôm kơ Hdră tă ruah phung bi ala Bruă kƀĭn ala gưl XVI leh anăn phung bi ala Êpul gơ̆ng bruă ƀuôn sang dŭm gưl wưng 2026 – 2031.

VOV4.Êđê- Aguah mbruê 17/3, ti anôk bruă knŭk kna, Khua gĭt gai Đảng Tô Lâm mă bruă hŏng Êpul bruă duh mkra ala ƀuôn Klei kƀĭn kluôm tal 14 mơ̆ng Đảng.

VOV4.Êđê- Sui hŏng anei 50 thŭn, hlăm hdră mblah Lăn dap kngư hƀuê ênuk, hruê 16/3/1975 čar Kon Tum dưi mtlaih êngiê. Mđĭ lar knhuah gru jhŏng ktang hlăm hdră kdơ̆ng mblah, bruă Đảng, lĭng kahan lehanăn mnuih ƀuôn sang dŭm djuê ana čar Kon Tum gĭr ktưn kpưn đĭ ktang phĭt, mâo hnơ̆ng đĭ kyar pral êdi krĭng Lăn dap kngư, mjing dŭm krĭng lăn jhat rai kyua boh ƀom, min ngă, mta êa drao ruă, êa drao hóa học hlăm rrnuk bi mblah jing dŭm krĭng lăn čăt jing.