VOV4.Êđê- Hrue mbrue 25/3, Êpul khua kiă kriê hlăm êpul gơ̆ng bruă djuê ana čar Gia Lai mkŏ mjing leh klei bi tuôm, bi blŭ hrăm plah wah phung khua kiă kriê êpul gơ̆ng bruă ƀuôn sang čar hŏng phung hđeh hriăm hră thŭn 2025 hŏng akŏ "Mjing klei êđăp ênang kơ phung hđeh Gia Lai nao sang hră mơar.

VOV4.Êđê- Tlam mbrue 25/3, Êpul khua kiă kriê gưl dlông bruă bi kdơ̆ng hŏng klei ƀơ̆ng ngăn, klei bi liê pliă plia, mâo leh klei bi kƀĭn ksiêm wĭt boh tŭ dưn bruă hlue ngă, dŭm klei klah čŭn mơ̆ng khua gĭt gai Đảng Tô Lâm mơ̆ng leh klei bi kƀĭn tal 27 mơ̆ng êpul khua kiă kriê truh ară anei.

VOV4.Êđê- Aguah 25/3, Khua gĭt gai Đảng Tô Lâm gĭt gai leh klei bi kƀĭn tal 4 Êpul mă bruă čiăng ksiêm dlăng dŭm boh phŭn mkra mlih, mbŏ hră čih Hdră êlan mnuih mă bruă hlăm Klei bi kƀĭn tal 14 mơ̆ng Đảng.

VOV4.Êđê- Aguah 25/3, ti Sang bruă kƀĭn ala mphŭn pŏk Klei bi kƀĭn phung bi ala Bruă kƀĭn ala thơ̆ng tal 7 čiăng bi trông kơ hră čih Hdră bhiăn hưn mdah hŏng bruă kƀĭn ala hlăm klei bi kƀĭn tal 9.

VOV4.Êđê-Khua knŭk kna Phạm Minh Chính mrâo mâo leh klei bi tuôm hŏng phung êdam êra, hŏng akŏ “Êdam êra Việt Nam ba anăp mđĭ kyar bruă kreh knhâo kdrăp mrâo, mlih mrâo hŏng klei knhêč, lehanăn bi mlih mrô”.

VOV4.Êđê- Thŭn 1945, hdră Mnuih ƀuôn sang ksiêm hriăm kơ kdrăp mrô mâo Khua gĭt gai Hồ Chí Minh mtrŭt mjhar mjing leh boh kdrŭt hlăm bruă mtô bi hriăm, đru kơ Việt Nam msir lăm klei amâo thâo hră hlăm dŭm hruê tal êlâo mkŏ mjing ala čar. Hlăm wưng ară anei, hlăk Việt Nam dôk mtrŭt mđĭ hdră ba yua kdrăp kreh knhâo, mrâo mrang lehanăn bi mlih mrô, boh tŭ yuôm hƀuê ênuk anei ăt dưi krơ̆ng kjăp msĕ êlâo. Êpul hgŭm phung êdam êra Việt Nam mtrŭt mjhar leh dŭm gưl bruă Đoàn hdră “Mnuih ƀuôn sang ksiêm hriăm kơ kdrăp mrô” dưi pŏk ngă truh kơ grăp čô êdam êra.

VOV4.Êđê - Ti čar Dak Lak, leh êbeh 20 hruê pŏk ngă, kahan ksiêm čar tŭ mă lehanăn msir mghaih leh êbeh 1.500 hră akâo mkăp mrâo lehanăn lŏ wĭt mkăp hră dưi mgăt êdeh kơ mnuih ƀuôn sang.

VOV4.Êđê - Hruê 24/3, ti Hà Nội, Khua knŭk kna Phạm Minh Chính gĭt gai Klei kƀĭn “Rơ̆ng kjăp klei êđăp ênang mkăp kơ hdră mđĭ kyar bruă duh mkra – ala ƀuôn ti alŭ wăl Yŭ Dưr lehanăn krĭng djiêu gah”

VOV4.Êđê - Tlam mbruê 24/3, ti sang bruă Khua lăn čar, Khua lăn čar Lương Cường drông leh Kamram bayram Aliyev, Khua anôk bruă phat mkra gưl dlông Azerbaijan dôk mâo gưl hriê čhưn leh anăn mă bruă ti Việt Nam.

VOV4.Êđê - Hlăm klei čih “Mkŏ mjing jăk Klei bi kƀĭn bruă Đảng dŭm gưl wưng 2025-2030", Khua gĭt gai Đảng Tô Lâm lač klă klei mĭn: Bruă mprăp mnuih mă bruă amâo djŏ knŏng kơ sa klei bi kƀĭn ôh; ƀiădah kbưi hĭn, anăn jing klei mprăp kơ mnuih mă bruă kơ êdei anăp đĭ kyar mơ̆ng êpul bruă Đảng, klei đĭ kyar mơ̆ng dhar bruă, alŭ wăl; êlam hĭn anăn jing bruă klam mơ̆ng Đảng, klei adôk mơ̆ng klei bhiăn leh anăn klei đĭ kyar mơ̆ng lăn čar, djuê ana. Khua gĭt gai Đảng Tô Lâm mtă brei mđĭ bruă klam phung ba anăp hlăm bruă kčĕ, hưn mthâo mnuih mă bruă. Phung đảng viên dưi ruah brei klă sĭt jing phung khua gĭt gai phŭn hlăm bruă kđi čar, jing pô bi ala kơ phung đảng viên leh anăn mâo phung ƀuôn sang khăp hơiêng, đăo knang…