VOV4.Êđê- Ti Anôk bruă Khua lăn čar, Khua lăn čar Lương Cường gĭt gai leh Knăm hưn mdah leh anăn mđup brei hdră mtrŭn mơ̆ng Khua lăn čar ruah phung K’iăng Khua adŭ bruă Khua lăn čar.

VOV4.Êđê- Aguah mbruê 9/5, ti anôk bruă knŭk kna, Khua knŭk kna Phạm Minh Chính gĭt gai klei kƀĭn knŭk kna kơ bruă mkŏ dăp anôk bruă knŭk kna dŭm gưl leh anăn mkŏ mjing klei bi hmô bruă sang čư̆ êa 2 gưl.

VOV4.Êđê- Ƀri wưng knăm Phật đản - Phật lịch 2569 – Dương lịch 2025, Aguah mbruê 9/5, êpul ngă bruă mơ̆ng bruă Đảng čar, Êpul gơ̆ng bruă ƀuôn sang, bruă sang čư̆ êa, dhar bruă mặt trận čar Dak Lak nao čuă, hơêč hmưi kơ êpul khua kiă klei đăo yơng Việt Nam hlăm čar leh anăn đa đa anôk bruă Yơng ti Ƀuôn Ama Thuôt.

VOV4.Êđê- Dŭm klei gĭr mơ̆ng Êpul hgŭm đăo yơng Việt Nam leh anăn bruă Sang čư̆ êa ƀp HCM hlăm bruă mkŏ mjing Knăm mơak prŏng Vesak Êpul hgŭm lu ala čar thŭn 2025 mâo Êpul phung đăo yơng čih yap leh anăn bi mni. Mơ̆ng anăn brei ƀuh Êpul hgŭm đăo yơng Việt Nam ƀrư̆ hruê ƀrư̆ jing hla čhiăm gru ba anăp tă hdră kơ dŭm bruă ngă lu ala čar mơ̆ng đăo yơng, hlăm bruă bi mni kơ ênoh yuôm đăo yơng mơ̆ng yang Yơng kyua klei êđăp ênang leh anăn duh kơ mnuih ƀuôn sang hlăm boh klei dlông rŏng lăn hruê anei.

VOV4.Êđê – Hrue mbrue 08/5/2025, ƀri Singapore mkŏ mjing tŭ jing klei ruah khua bruă kƀĭn ala tal 14 hŏng klei dưi mơ̆ng Đảng yang ƀuôn mă bruă (PAP), Khua knŭk kna Phạm Minh Chính mâo leh klei bi blŭ hrăm hŏng khua gĭt gai PAP, Khua knŭk kna Singapore Lawrence Wong.

VOV4.Êđê – Tlam mbrue 8/5 (tui si mmông alŭ wăl), Khua gĭt gai Đảng Tô Lâm mbĭt hŏng mô̆ lehanăn phung khua bi ala gưl dlông ala čar drei truh leh kơ tač êdeh phiơr Vnukovo 2, Moscow kčưm klei nao čhưn kơ ala čar Russia, lehanăn nao hlăm knăm bi hdơr 80 thŭn hrue mblah dưi răng mgang ala čar, tui si klei jak iêo mơ̆ng khua mil čhil Russia Vladimir Putin.

VOV4.Êđê – Tlam mbruê (8/5), ti Anôk bruă Knŭk kna Russia ti ƀuôn prŏng phŭn Moscow, Khua gĭt gai Đảng Tô Lâm mâo leh hdră bi trông hŏng Khua knŭk kna Russia Mikhail Mishustin.

VOV4.Êđê - Hlăm sang pô ti ƀuôn prŏng Thủ Đức, Ƀuôn prŏng Hồ Chí Minh, kahan hđăp Lâm Xuân Quang lui leh tal gŭ sang prŏng hlăm brô 300m2 čiăng mkra Wăl anôk dhar kreh Hồ Chí Minh". Hdră anei mâo ñu dôk bi mĭn čiăng ngă mkra leh giăm 50 thŭn. Ñu amâo djŏ knŏng čiăng djă pioh kơ pô ƀiădah ñu lŏ pŏk ƀăng drông lu tuê hiu čhưn hlăm lehanăn êngao ala čar hriê dlăng, tui ksiêm kơ klei hdĭp Khua gĭt gai Hồ Chí Minh.

VOV4.Êđê - Hruê 8/5, bruă sang čư̆ êa ƀuôn prŏng Hồ Chí Minh mkŏ mjing knăm ksiêm wĭt boh sĭt bruă duh mkra ala ƀuôn mlan 4, bruă klam, hdră êlan mlan 5.

VOV4.Êđê - Hruê mbruê 8/5, ti anôk bruă knŭk kna, k’iăng Khua knŭk kna Nguyễn Chí Dũng bi kƀĭn hŏng dŭm phŭn dhar bruă kơ bruă mkra mlih, bi mbŏ hdră mtrŭn kơ bruă bi klă knơ̆ng bruă.