VOV4.Êđê – Khua lăn čar Lương Cường drông leh Khua gĭt gai Đảng, Khua lăn čar Lào Thongloun Sisoulith ƀri gưl ñu hriê ti Việt Nam

VOV4.Êđê - Bi hdơr 50 thŭn Hruê mtlaih êngiê kluôm kwar Dhŭng, hluh lir lăn čar, Khua gĭt gai Đảng Tô Lâm mâo klei čih yuôm bhăn hŏng akŏ “Lăn čar Việt Nam jing sa, djuê ana Việt Nam jing sa”

VOV4.Êđê - Aguah mbruê 28/4, ti să Đăk Ru, kdriêk Dak R’ Lâp, čar Dak Nông, bruă sang čư̆ êa čar mkŏ mjing knăm mphŭn pŏk hdră kdrêč mrô 2 êlan dơ̆ng êran pral Gia Nghĩa – Chơn Thành, ƀri wưng bi hdơr 50 thŭn hruê sua wĭt klei êngiê kwar Dhŭng.

VOV4.Êđê - Aguah mbruê 28/4, ti sang bruă Khua lăn čar, Khua knŭk kna Phạm Minh Chính gĭt gai knăm tŭ drông leh anăn blŭ hrăm hŏng Khua knŭk kna Japon Ishiba Shigeru klă klơ̆ng hriê čuă Việt Nam.

VOV4.Êđê – Hưn mdah Hdră mtrŭn tiŏ nao Y-Thanh Hà Niê Kdăm mă bruă hlăm Êpul bruă gĭt gai, Dhar bruă Đảng leh anăn ngă Khua dlăng bruă Đảng čar Lâm Đồng wưng 2020-2025

VOV4.Êđê - Aguah 28/4, ti să Triệu Thành, kdriêk Triệu Phong (Quảng Trị), Khua bruă kƀĭn ala Trần Thanh Mẫn nao hlăm knăm mphŭn ba yua hdră bruă răng mgang, lŏ mkra mjing Wăl kriê pioh mnơ̆ng dhơ̆ng bi hdơr kơ Khua gĭt gai Đảng Lê Duẩn.

VOV4.Êđê - Ƀri gưl bi hdơr 50 thŭn Mtlaih êngiê kwar Dhŭng, hluh lir lăn čar, aguah 28/4, Khua lăn čar Lương Cường nao myơr brui myơr bi hdơr kơ Khua gĭt gai Hồ Chí Minh t Sang 67 hlăm anôk bruă Khua lăn čar.

VOV4.Êđê - Sui hŏng anei 50 thŭn, hlăk phung kahan binh đoàn phŭn nao mtlaih êngiê Sài Gòn snăn sa êpul kahan mkăn mŏng Lĭng kahan drei găn leh krĭng êa ksĭ, nao mtlaih êngiê plao ksĭ Trường Sa. Tơdah hdră mblah Hồ Chí Minh mâo mă boh tŭ dưi ti krĭng lăn hang snăn hdră mtlaih êngiê Trường Sa đru mguôp bi kluôm ênŭm pŏk rup ala čar – mơ̆ng lăn hang truh ti plao ksĭ. 50 thŭn leh hruê mtlaih êngiê, anôk bruă nah gŭ, ala ƀuôn ti kdriêk plao ksĭ Trường Sa, čar Khánh Hòa dưi duh bi liê mđrăm mbĭt, ƀrư̆ ƀrư̆ jing anôk bruă phŭn hlăm hdră dhar kreh, duh mkra ti krĭng lăn êa ksĭ mơ̆ng kluôm ala čar.

VOV4.Êđê - 50 thŭn êgao leh, mơ̆ng hruê mtlaih êngiê kwar Dhŭng, hluh lir lăn čar. Hŏng phung kahan hđăp tuôm nao hlăm hdră mblah Hồ Chí Minh hƀuê ênuk, dŭm klei bi hdơr kơ hdră mblah ktang phĭt ti kđông kahan Đồng Dù, Củ Chi amâo dah Dinh Độc Lập ăt dôk mâo hlăm ai tiê grăp čô mnuih ƀuôn sang.

VOV4.Êđê - Kluôm 218 să, ƀuôn hgŭm, wăl krah ti alŭ wăl čar Gia Lai mđrăm mbĭt mkŏ mjing hdră mđing êmuh klei mĭn mơ̆ng mnuih ƀuôn sang kơ Hdră mkŏ dăp anôk bruă knŭk kna gưl să. Hluê anăn, čar Gia Lai leh bi mŭt mbĭt srăng dôk 77 să. Anei jing knhuang nao yuôm bhăn hlăm bruă hluê ngă hdră êlan prŏng mơ̆ng Gưl dlông kơ bruă mkŏ dăp anôk bruă knŭk kna hluê hdră khuăt, ngă bruă tŭ dưn ti alŭ wăl.