VOV4.Êđê- Aguah mbruê 25/7, ti Anôk bi kƀĭn Thống Nhất ƀuôn prŏng Hồ Chí Minh mkŏ mjing knăm čang ênuh Khua gĭt gai Đảng Nguyễn Phú Trọng.

VOV4.Êđê- Mâo leh lu êpul mơ̆ng lăn čar tač êngao hriê čang ênuh Khua gĭt gai Đảng Nguyễn Phú Trọng.

VOV4.Êđê- Khua gĭt gai dŭm ala čar bi êdah klei hnĭng ênguôt ti anăp klei djiê mơ̆ng Khua gĭt gai Đảng Nguyễn Phú Trọng, mơĭt klei bi juh leh anăn mđĭ ai truh kơ Khua lăn čar Tô Lâm, Khua gĭt gai Đảng, knŭk kna leh anăn mnuih ƀuôn sang Việt Nam.

VOV4.Êđê- Leh hmư̆ hing kơ Khua gĭt gai Đảng Nguyễn Phú Trọng djiê, khua gĭt gai Êpul hgŭm lu ala čar (Antonio Guterres) hriê hlăm klei čang ênuh Khua gĭt gai Đảng ti anôk bruă êpul bi ala knŭk kna Việt Nam hlăm Êpul hgŭm lu ala čar ti New York.

VOV4.Êđê- Dhar kreh jing mngăt êwa grăp djuê ana. Jiă kma klei mĭn anăn mơ̆ng Đảng leh anăn hdơr kơ klei blŭ mơ̆ng Khua gĭt gai Đảng Nguyễn Phú Trọng “Dhar kreh adôk snăn djuê ana adôk, dhar kreh luč snăn djuê ana luč, hlăm dŭn thŭn êgao, gưl bruă đảng, bruă sang čư̆ êa leh anăn mnuih ƀuôn sang dŭm djuê ana hlăm kluôm ala mđing nanao kơ bruă răng mgang, mđĭ lar dŭm ênoh yuôm dhar kreh kñăm mjing klei ktang mđĭ kyar.

VOV4.Êđê- Hlăk dôk hdĭp, Khua gĭt gai Đảng Nguyễn Phú Trọng jing sa gru mngač kơ knuih hdĭp giăm mnuih ƀuôn sang, sa čô khua gĭt gai jih ai tiê hŏng bruă mă kơ ala čar mdrŏng sah, mnuih ƀuôn sang trei mđao leh anăn jăk mơak, jih ai tiê hŏng bruă mkŏ mjing Đảng, sa klei mĭn pral, thâo ƀuh pral dŭm bruă adôk mâo hlăm Đảng čiăng ƀư̆ mkra. Khua gĭt gai Đảng Nguyễn Phú Trọng đuĕ nao leh hlăm klei ênguôt hơưi mơ̆ng Đảng, Knŭk kna leh anăn Mnuih ƀuôn sang Việt Nam ƀiădah ăt adôk mơh rup Khua gĭt gai Đảng Nguyễn Phú Trọng –sa gru mngač tui hriăm leh anăn hlue ngă knhuah mngač Hồ Chí Minh.

VOV4.Êđê- Hŏng dŭm djuê ana Lăn Dap Kngư, rup Khua gĭt gai Nguyễn Phú Trọng jĕ giăm hŏng mnuih ƀuôn sang kyua klei jăk siam, êdu êun. Rup anăn ngă phung knuă druh, đảng viên leh anăn mnuih ƀuôn sang djuê ƀiă ti Lăn Dap Kngư hdơr êlam snăk kơ grăp blư̆ ktưn hưn dưi drông Ñu wĭt čhưn. Leh anăn djăp klei Khua gĭt gai Đảng jing boh kdrŭt đru kơ phung knuă druh leh anăn mnuih ƀuôn sang gĭr hriăm gĭn.

VOV4.Êđê- Hrue 24/7/2024, ti Adŭ bruă knŭk kna, khua knŭk kna Phạm Minh Chính drông leh êpul khua prŏng Đảng, Knŭk kna Cu-ba do mâo khua bruă kƀĭn ala (Esteban Lazo Hernandez) djă akŏ hriê bi juh lehanăn nao hlăm knăm čang ênuh kơ Khua gĭt gai Đảng Nguyễn Phú Trọng.

VOV4.Êđê- Ƀri bi hdơr 77 thŭn hrue kahan êka êkeh – phung êngiă asei (27/7/1947 – 27/7/2024), Tlam anei, Khua lăn čar Tô Lâm mbĭt hŏng êpul khua prŏng nao čuă lehanăn mđup brei leh mnơ̆ng ti anôk rông ba kahan êka êkeh Thuận Thành ti să Ninh Xã, kdriêk Thuận Thành, čar Bắc Ninh.

VOV4.Êđê- Knăm čang ênuh Khua gĭt gai Đảng Nguyễn Phú Trọng dưi mkŏ mjing hŏng klei bhiăn čang ênuh gưl ala čar.