VOV4.Êđê-Hlăm dŭm thŭn mlan bi blah ktang snăk, ti kdrăn bi blah Dưr Lăn Dap Kngư, phung knuă druh, lĭng kahan hlăm êpul kahan dưi hmư̆ lu kơ mniê rông kahan mnuih Sêdang, Y Buông. Hlăm klei khăp hŏng ƀĭng kahan, ti krah boh ƀom phung roh mniê êra Y Buông amâo uêñ kơ boh ƀom, boh phao, klei huĭ hyưt, đru kơ phung lĭng kahan mâo djăp êsei huă djam ƀơ̆ng, suaih asei mlei bi blah. Ñu jing mniê jhŏng ktang sa anăn ti Kon Tum, wăt tơdah thŭn khua leh, ƀiădah ăt hur har ai tiê cách mạng, jing klei mđĭ ai kơ ênuk mda asei tui hriăm, hlue ngă

VOV4.Êđê- Aguah 26/7, ti Anôk bruă Knŭk kna, Khua knŭk kna Phạm Minh Chính bi tuôm leh hŏng Khua gĭt gai Đảng, Khua lăn čar Lào Thongloun Sisoulith leh anăn mô̆ ñu ƀri gưl hriê ti Việt Nam nao hlăm Knăm čang ênuh Khua gĭt gai Đảng Nguyễn Phú Trọng.

VOV4.Êđê- Knăm bi hdơr kơ Khua gĭt gai Đảng Nguyễn Phú Trọng dưi mkŏ mjing hlăk 1 mmông tlam hruê 26/7 ti Sang čang ênuh ala čar mrô 5 Trần Thánh Tông (Hà Nội); mkŏ mjing hlăm mmông anăn mơh ti Sang bi kƀĭn Thống Nhất (ƀuôn prŏng Hồ Chí Minh) leh anăn ti ƀuôn sang Đông Hội, kdriêk Đông Anh (Hà Nội).

VOV4.Êđê-Aguah mbruê 26/7, Knăm bi hdơr kơ Khua gĭt gai Đảng Nguyễn Phú Trọng mâo mnuih Sêdang ti 86 alŭ, ƀuôn mơ̆ng kdriêk Tu Mơ Rông, čar Kon Tum bi mkŏ mjing 8 mmông aguah mbruê 26/7/2024 ti sang Rông dŭm alŭ, ƀuôn.

VOV4.Êđê- Aguah mbrue 25/7, mnuih ƀuôn sang djăp djuê ana, êpul êya ti lu alŭ wăl hlăm lăn dap kngư hŏng klei mpŭ lehanăn ênguôt dôk ktue dlăng knăm čang ênuh kơ Khua gĭt gai Đảng Nguyễn Phú Trọng mơ̆ng hdră mđung asap lehanăn mđung rup ti mmông anăn mtam.

VOV4.Êđê- Knăm čang ênuh kơ khua gĭt gai Đảng Nguyễn Phú mâo mkŏ mjing hŏng klei mpŭ êdi.

VOV4.Êđê- Hrue mbrue 25/7, ti anôk bruă knŭk kna, khua knŭk kna Phạm Minh Chính drông leh khua kiă kriê Vương Hộ Ninh, jing khua bi ala kơ knŭk kna kiă kriê bruă mặt trận ala čar China, jing pô bi ala kơ khua gĭt gai China Tập Cận Bình djă akŏ Đảng Cộng sản China hriê kơ Việt Nam nao hlăm knăm čang ênuh kơ khua gĭt gai Đảng Nguyễn Phú Trọng.

VOV4.Êđê- Knăm bi hdơr kơ klei hdĭp Khua gĭt gai Đảng Nguyễn Phú Trọng dưi mkŏ mjing 1 mmông tlam hruê anei 26/7 ti Sang čang ênuh ala čar, mrô 5 êlan Trần Thánh Tông, ƀuôn prŏng Hà Nội. Knăm dơr djiê mkŏ mjing 3 mmông tlam hlăm hruê ti Msat Mai Dịch, ƀuôn prŏng Hà Nội

VOV4.Êđê- Tlam mbruê 25/6, ti sang bruă Khua lăn čar, Khua lăn čar Tô Lâm drông leh Êpul bi ala gưl dlông mơ̆ng Đảng, knŭk kna Lào mơ̆ng Thongloun Sisoulith, Khua gĭt gai Đảng, Khua lăn čar Lào ba anăp hriê čang ênuh Khua gĭt gai Đảng Nguyễn Phú Trọng.

VOV4.Êđê- Khua knŭk kna Phạm Minh Chính drông čhưn leh hŏng khua kčĕ bruă răng mgang klei êđăp ênang India Ajit Doval ƀri pô anei hriê hlăm knăm čang ênuh kơ khua gĭt gai Đảng Nguyễn Phú Trọng.