VOV4.Êđê- Hlăm wưng hjan lu hĭn, dŭm pluh gŏ sang ti să Quảng Sơn, kdriêk Dak Glŏng, čar Dak Nông dôk hdĭp hlăm klei hŭi hyưt êjai knơ̆ng kdơ̆ng êa mâo ênoh 137 êklai prăk Dak N’ting amâo mâo thâo mmông srăng klưh rai. Knơ̆ng kdơ̆ng êa anei tuôm mâo klei ksăk dlưh hlăk yan hjan thŭn dih, ƀiădah mgaih msir êmưt, ngă truh klei hjat rai kjham hĭn leh anăn arưp aram mâo nanao

VOV4.Êđê- Djŏ tuôm hŏng klei dŭm êbâo drei êmô mă êa ksâo ruă leh anăn djiê. Tlam mbruê 9/8, bruă sang čư êa čar Lâm Đồng mâo hră mtrŭn mjêč mñă kơ Knơ̆ng bruă lŏ hma leh anăn mđĭ kyar krĭng ƀuôn sang, bruă sang čư êa dŭm kdriêk, ƀuôn prŏng hlăm čar tĭo nao phung mdrao kơ mnơ̆ng rông kơ dŭm kdriêk mâo klei ruă, kñăm hluê ngă dŭm hdră êlan gang mkhư̆ klei ruă tian hlăm êmô.

VOV4.Êđê- Tlam mbruê, Khua gĭt gai Đảng, Khua lăn čar Tô Lâm ba anăp êpul bi ala gưl dlông nao čuă leh anăn gĭt gai mmông mă bruă hŏng Êpul khua Đảng ƀuôn prŏng Hà Nội

VOV4.Êđê- Hŏng mta kñăm hmao mâo klei hưn čiăng duah hdră êlan ruh mgaih klei dleh dlan kơ knơ̆ng bruă, tlam mbruê 9/8, khua gĭt gai čar Kon Tum mâo leh mmông mă bruă hŏng phung bi ala lu knơ̆ng bruă mkra mjing, mnia mblei ti alŭ wăl čar.

VOV4.Êđê- Ti êlan dơ̆ng mrô 14, 14C, êlan dơ̆ng mrô 28 găn čar Dak Nông leh anăn đa đa êlan dơ̆ng čar, dhar bruă êlan klông bi klă mâo 18 anôk kreh luč klei êđăp ênang hlăm êlan klông. Ti dŭm anôk anei kreh mâo lu klei bi drăm kjham, ngă kơ lu mnuih djiê. Giăm anei hĭn jing mâo sa boh êdeh kŏ đoh drăm hlăm sang mnuih ƀuôn sang ti anôk čhĭ mnia mrô 312, să Dăk R’La, kdriêk Dak Mil, ngă kơ 3 čô djiê, 1 čô êka. Anôk bruă djŏ tuôm čar Dak Nông dôk mjêč ngă dŭm hdră êlan rơ̆ng kơ klei êđăp ênang hlăm êlan klông.

VOV4.Êđê- Mđing truh bi hdơr 80 thŭn hruê mkŏ mjing Lĭng kahan yang ƀuôn Việt Nam leh anăn 25 thŭn hruê jih jang mnuih ƀuôn sang răng mgang klei êđăp ênang lăn čar, ti sang bruă Khua lăn čar, Khua gĭt gai Đảng, Khua lăn čar Tô Lâm mrâo bi tuôm hŏng Êpul blŭ hrăm knhuah gru Sư Đoàn 308 – Êpul kahan nao êlâo.

VOV4.Êđê- Aguah mbruê 9/8, čar Dak Nông mkŏ mjing klei kƀĭn kluôm bi lông tŭ dưn Êpul lĭng kahan wưng thŭn 2019 – 2024 hŏng 76 čô bi ala kơ dŭm êpul êya, grăp čô êdah êdi hlăm dŭm mta bruă.

VOV4.Êđê- Mŭt hlăm yan hjan hlĭm, knơ̆ng bruă pui kmlă Dak Lak ngă leh dua gưl lông ksiêm klei êđăp ênang ti dŭm anôk mlih hnơ̆ng pui kmlă, ksiêm dlăng bi doh dŭm kdrăp yua čiăng bi êran pui kmlă êđăp ênang leh anăn tŭ dưn.

VOV4.Êđê- Hrue mbrue 9/8, Võ Thị Ánh Xuân, K’iăng khua lăn čar nao ksiêm leh bruă mghaih msir boh mơ̆ng klei yan adiê ngă, lehanăn klei kluh lăn ti čar Sơn La

VOV4.Êđê- Aguah mbrue 9/8, Êpul hgŭm bruă mniê gưl dlông Việt Nam bi hgŭm leh hŏng êpul hgŭm bruă mniê čar Daklak mkŏ mjing klei hâo hưn, bi kdơ̆ng hŏng klei ngă jhat hlăm găp djuê krĭng mnuih djuê ƀiă ti dŭm kdriêk Ea Sup lehanăn Krông Pač.