VOV4.Êđê- Êbeh 6000 čô mnuih ƀuôn sang 11 alŭ ti să knông lăn Ia Đal, kdriêk Ia H’ Drai, čar Kon Tum bi knông hŏng ala čar Campuchia dưi dưn kluôm ênŭm klei mơak leh anăn ai êwa drông Tết djuê ana. Hdră “Yan mnga knông lăn hơuh mđao ai tiê mnuih ƀuôn sang” leh anăn “Knăm mơak điŏ mtah” kyua Anôk bruă lĭng kahan răng mgang knông lăn čar Kon Tum bi hgŭm hŏng bruă sang čư̆ êa hŏng dŭm êpul alŭ wăl mkŏ mjing ba leh Tết hnưm hŏng mnuih ƀuôn sang knông lăn.

VOV4.Êđê- Giăm Nguyên đán Ất Tỵ 2025 giăm truh, boh klei čhĭ mnia phao mơar soh hŏng hdră bhiăn ti knông lăn kdriêk Đức Cơ (Gia Lai) dleh ktuê dlăng. Dŭmm êpul bruă djŏ tuôm dôk bi hgŭm kjăp čiăng gang mkhư̆ klei ngă soh hŏng hdră bhiăn ti knông lăn.

VOV4.Êđê- Ƀri gưl Donald Trump klă sĭt đĭ păn ngă Khua mil čhil tal 47 mơ̆ng Mi, hruê 21/1 (hlue si mmông Việt Nam), Khua gĭt gai Đảng Tô Lâm, Khua lăn čar Lương Cường leh anăn Khua knŭk kna Phạm Minh Chính mơĭt hră hơêč hmưi.

VOV4.Êđê- Aguah mbruê (21.1),ti ƀuôn prŏng Cần Thơ, Khua bruă kƀĭn ala Trần Thanh Mẫn drông leh Khua Êpul hgŭm bruă kƀĭn ala blŭ klei Prăng (APF), K’iăng Khua gĭt gai tal sa bruă kƀĭn ala Cameroon Hilariong Etong ƀri gưl nao hlăm Klei bi kƀĭn bruă kƀĭn ala bi hgŭm blŭ klei Prăng kơ bruă lŏ hma hơĭt kjăp, djăp mnơ̆ng ƀơ̆ng huă leh anăn mdrơ̆ng hŏng klei bi mlih yan adiê.

VOV4.Êđê – Mmăt mbruê 20/1, ti Sang kdŏ mmuñ Hồ Gươm Hà Nội, ƀri wưng bi hdơr 95 thŭn hruê mkŏ mjing Đảng Cộng sản Việt Nam (3/2/1930 - 3/2/2025), Êpul bruă mkŏ mjing gưl dlông bi mguôp hŏng hră klei mrâo Nhân dân, hră klei mrâo Cộng Sản, Sang mđung rup Việt Nam, Êpul hgŭm phung čih klei mrâo Việt Nam mkŏ mjing knăm ba mdah leh anăn mđup brei klei pah mni klei bi lông bruă klei mrâo kluôm ala kơ bruă mkŏ mjing Đảng ( mâo anăn Kmŭt mniă êa mah) gưl tal 9 thŭn 2024.

VOV4.Êđê – Ƀri wưng Tết Nguyên đán Ất Tỵ 2025, tlam mbruê 20/1, Khua lăn čar Lương Cường, khua gĭt gai êpul lĭng kahan yang ƀuôn, Khua êpul gơ̆ng bruă lĭng kahan leh anăn klei êđăp ênang mbĭt hŏng êpul bruă Gưl dlông nao čuă, hơêč hmưi Tết lĭng kahan Đặc Công.

VOV4.Êđê – Tlam (20/1) ti Anôk bruă Đảng gưl dlông, Khua gĭt gai Đảng Tô Lâm, Khua Anôk bruă gĭt gai Gưl dlông kơ hdră mđĭ kyar bruă kdrăp mrâo, mlih mrâo lehanăn mlih mrô gĭt gai leh Klei bi kƀĭn tal sa mơ̆ng Anôk bruă čiăng pŏk ngă bruă klam hlăm wưng ti anăp.

VOV4.Êđê – Aguah ưm hruê 21/1 hluê mmông Việt Nam, êdeh phiơr mdiăng Khua knŭk kna Phạm Minh Chính lehanăn Mô̆ mbĭt hŏng phung khua gưl dlông Việt Nam truh ti Zurich mphŭn nao ti Klei bi kƀĭn WEF (klei kƀĭn trông bruă duh mkra tar rŏng lăn) lehanăn mă bruă ti Thụy Sĩ.

VOV4.Êđê - Dhar bruă djuê ana mrâo mkŏ mjing klei kƀĭn trông online kluôm ala ksiêm wĭt bruă djuê ana thŭn 2024 leh anăn hluê ngă bruă klam thŭn 2025. Blŭ hrăm hlăm klei kƀĭn, k’iăng Khua knŭk kna Nguyễn Hòa Bình mñă klă, bruă djuê ana leh anăn hdră êlan djuê ana mâo nanao Đảng leh anăn knŭk kna uêñ mĭn hŏng dŭm hdră ala čar kñăm truh leh hlăm klei hdĭp mnuih ƀuôn sang djuê ƀiă leh anăn krĭng čư̆ čhiăng.

VOV4.Êđê - Hluê ngă hdră bi khuăt klei ngă bruă hluê si hdră êlan mơ̆ng gưl dlông, 6 čô k’iăng khua knơ̆ng bruă ti čar Dak Nông ngă hră akâo mdei êlâo kơ jih thŭn.