VOV4.Êđê- Jing sa hlăm dŭm alŭ wăl mâo lu mnuih ƀuôn sang djuê ƀiă hdĭp mda, hŏng êbeh 63%, 9/11să, wăl krah dôk hlăm klei dleh dlan. Bruă Đảng kdriêk Lăk, čar Dak Lak bi mkllă hdră mđĭ kyar Đảng viên hlăm krĭng mnuih djuê ƀiă jing bruă brei ngă nanao lehanăn yuôm bhăn. Grăp čô đảng viên jing pô phŭn, jing gru mngač, ba akŏ hlăm hdră bi ktưn đru mkŏ mkra anôk bruă kđi čar nah gŭ kjăp ktang.

VOV4.Êđê- Hlăm klei nao čhưn ti New Zealand, mlam mmăt mbrue 10/3, Khua knŭk kna Phạm Minh Chính bi tuôm leh hŏng phung knuă druh, mnuih ngă bruă anôk bruă bi ala knŭk kna lehanăn mnuih ƀuôn sang hdĭp ti New Zealand.

VOV4.Êđê- Hdră bruă mkăp êa krĭng kƀah êa ti alŭ Tiến Cường, să Quảng Tiến, kdriêk Čư̆ Mgar, čar Dak Lak dưi bi liê giăm 73 êklai prăk ƀiădah hdră pŏk ngă mčah nanao đĭng êa. Sa thŭn êgao, Phŭn bruă lŏ hma leh anăn mđĭ kyar krĭng ƀuôn sang hŏng Knơ̆ng bruă sang čư̆ êa čar Dak Lak gĭt gai jih ai tiê, dŭm tĭng djŏ tuôm mkra, msir mgaih klei kƀah. Wưng anei, êa hdră bruă truh ti đang pla mjing ƀĭng lŏ hma, duh kơ bruă čiăng mkăp êa krih hlăm yan không.

VOV4.Êđê- Leh mâo klei ngă măk ƀai bi kdơ̆ng hŏng bruă sang čư̆ êa ti kdriêk Čư̆ Kuiñ, knơ̆ng bruă sang čư̆ êa să Čư̆ Pơ̆ng, kdriêk Krông Ƀŭk mkŏ mjing mtam klei “Mkŏ mjing mtam mtrŭt mjhar mnuih ƀuôn sang bi đru răng mgang klei êđăp ênang lăn čar”. Blŭ hrăm ti anei, Kahan hđăp Ama Bhim bi êdah klei pưng myưng lač, Čư̆ Pơ̆ng jing krĭng phŭn krŭ kdơ̆ng, mâo mđup brei leh anăn knăl lĭng kahan yang ƀuôn jhŏng ktang. Dŭm gưl aê ama pô êlâo kgŭ kdơ̆ng bi blah hŏng roh plah ala, mâo lu gŏ sang truh kơ 3 čô êngiă asei...

VOV4.Êđê- Hlăm wưng nao hiu mă bruă leh êgao, êpul čih klei mrâo anei mâo leh mmông bi tuôm hŏng H’Bliăk Niê – Pô mâo kơhưm ti ƀuôn Kram, să Êa Tiêu, kdriêk Čư̆ Kuiñ, čar Dak Lak. Tuôm păn ngă lu bruă hlăm Anôk bruă knŭk kna (mơ̆ng Khua anôk bruă čư̆ êa să truh kơ K’iăng khua anôk bruă sang čư̆ êa kdriêk, leh wĭt kơ ƀuôn sang, hŏng klei thâo mơ̆ng pô, H’Bliăk Niê mâo mnuih ƀuôn sang bi mni jing Mnuih mâo kơhưm, dưi bi hmô msĕ si “Mniê khua mduôn” ti ƀuôn Kram.

VOV4.Êđê- Tlam mbruê (8/3), ti Hà Nội, Anôk bruă hră mơar Klei bi kƀĭn tal 14 mơ̆ng Đảng mâo Nguyễn Xuân Thắng, Khua hlăm Phŭn bruă kđi čar, Khua Sang hră kđi čar ala čar Hồ Chí Minh, Khua Êpul gơ̆ng hlak mblang gưl dlông, Khua Anôk bruă čih mkra hră mơar Klei bi kƀĭn tal 14 ngă Khua êpul, mâo leh mmông mă bruă hŏng Anôk bruă duh mkra gưl dlông.

VOV4.Êđê- Hlăm hdră nao čhưn klă sĭt ti Australia, tlam 8/3, (mmông alŭ wăl), ti Canberra, Khua knŭk kna Phạm Minh Chính drông leh đa đa khua dŭm Êpul grup, anôk bruă duh mkra mrô sa Australia hlăm dŭm bruă bi liê ngăn prăk leh anăn mđĭ kyar anôk bruă nah gŭ; ba yua, mkra mjing mnơ̆ng hlăm gŭ lăn; mkra mjing, mbha mnơ̆ng ƀơ̆ng huă… dôk čang hmăng bi hgŭm, bi liê ti Việt Nam.

VOV4.Êđê- Tlam mbruê 8/3, Khua bruă kƀĭn ala Vương Đình Huệ drông leh pô bi ala China Hùng Ba ti sang bruă Kƀĭn ala kñăm bi trông kơ klei mjĕ giăm dua Đảng, dua lăn čar leh anăn anôk bruă hdră bhiăn 2 knŭk kna.

VOV4.Êđê- Aguah mbruê 8/3, ti ƀuôn prŏng Hải Phòng, Êpul bi lông 5 ƀuôn prŏng gưl dlông mâo: ƀuôn prŏng Hồ Chí Minh, Hà Nội, Hải Phòng, Đà Nẵng, Cần Thơ mkŏ mjing klei kƀĭn trông ksiêm wĭt bruă hluê ngă klei kuôl kă bi lông bi ktưn thŭn 2023 leh anăn bi klă klei kuôl kă bi lông bi ktưn thŭn 2024.

VOV4.Êđê- Aguah mbrue 8/3 (hlue mmông alŭ wăl), ti ƀuôn prŏng Calberra, hlăm hdră hiu čhưn ti ala čar Australia, Khua knŭk kna Phạm Minh Chính nao čuă leh anôk bruă ksiêm duah klei kreh knhâo lehanăn tuh tiă êpul mdrŏng sah mbĭt (CSIRO)