VOV4.Êđê- Tlam mbruê (4/2), Khua knŭk kna Phạm Minh Chính nao čhưn, h’êč hmưi Têt êpul dôk gak răng mă bruă klam ƀri wưng Têt Nguyên đán ti Cần Thơ.

VOV4.Êđê- Mơ̆ng hruê 2/2, Êpul kahan ksiêm êlan klông čar Dak Nông hluê ngă hdră “Hrăm mbĭt hŏng phung găn êlan klông wưng tết”, mbha êa mnăm, mnơ̆ng ƀơ̆ng, mlih đuôn mgang kŏ tŭ jăk đru kơ phung đi êdeh êdâo mơ̆ng dŭm čar krĭng Dhŭng wĭt ƀơ̆ng tết găn čar Dak Nông.

VOV4.Êđê- Ƀri Wưng Tết Nguyên đán Giáp Thìn 2024, hluê si knhuah gru djuê ana, Khua lăn čar Võ Văn Thưởng nao myơr brui mgưi, bi hdơr kơ phung khua gĭt gai Đảng, knŭk kna leh djiê leh anăn nao čuă đa đa phung khua gĭt gai Đảng, knŭk kna hđăp ti ƀuôn prŏng Hà Nội

VOV4.Êđê- Hŏng klei găl mơ̆ng lăn ala, yan adiê, knhuah gru dhar kreh, čar Dak Lak dôk mâo lu klei găl bi lar ai ktang mơ̆ng lăm, iêo jak klei duh bi liê, ƀrư̆ ƀrư̆ đĭ kyar hŏng klei kjăp. Boh nik hŏng klei čuăn mkă čar Dak Lak wưng thŭn 2021 – 2030, tă hdră truh thŭn 2050 mrâo mâo Khua knŭk kna bi klă hlăm Klei bi klă mrô 1747/2023, srăng jing tur knơ̆ng hdră bhiăn yuôm bhăn čiăng čar bi klă dŭm hdră êlan mđĭ kyar bruă duh mkra ala ƀuôn, iêo jak klei duh bi liê, bi bluh ai dưi, hluê ngă klei hmăng hmưi ba bruă duh mkra Dak Lak hlăm Êpul 25 čar ba anăp hlăm lăn čar ti thŭn 2050

VOV4.Êđê- Ƀri bi hdơr 94 thŭn hrue mkŏ mjing Đảng Cộng sản Việt Nam (3/2/1930 - 3/2/2024), aguah mbrue (02/02), ti ƀuôn prŏng phŭn (Phnom Penh), bruă Đảng ti Campuchia kdrăm k’ah mkŏ mjing knăm čuh brui mngưi bi hdơr kơ khua gĭt gai Hồ Chí Minh, mâo lu knuă duh, đảng viên nao hgŭm.

VOV4.Êđê- Tlam mbruê 2/2, ti ƀuôn prŏng Kon Tum, Êpul khua bruă Đảng čar Kon Tum mkŏ mjing klei bi tuôm hŏng 155 čô phung hriăm lu, phung kdŏ mmuñ, phung čih klei mrâo êdah êdi akŏ yan mnga Giáp Thìn 2024.

VOV4.Êđê- Tlam mmăt mbruê 2/2, ti anôk bi kƀĭn Thống Nhất, ƀuôn prŏng Hồ Chí Minh, mkŏ mjing hdră kdŏ mmuñ yan Mnga Ƀuôn Sang thŭn 2024, sa mta kñăm dhar kreh leh anăn klei kdŏ mmuñ hlăm ai tiê mnuih Việt Nam hdĭp ti lăn tač tač leh anăn mnuih ƀuôn sang ƀuôn prŏng Hồ Chí Minh.

VOV4.Êđê- Grăp čô phung hriăm gưl prŏng, êdam êra srăng jing sa čô bi ala lar bra ênoh yuôm dhar kreh leh anăn knhuah djuê ana jăk siam hŏng ƀĭng găp hlăm ala čar leh anăn ala tač êngao. Anei jing klei čang hmăng mơ̆ng phung khua gĭt gai ƀuôn prŏng Ƀuôn Ama Thuôt, čar Dak Lak hlăm hdră bi tuôm, pah mni kơ phung hriăm gưl prŏng, phung êdam êra djuê ƀiă leh anăn phung mâo klei đăo êdah êdi thŭn 2024.

VOV4.Êđê- Ƀri Tết Nguyên đán Giáp Thìn, bi hdơr 94 thŭn hrue mkŏ mjing Đảng, hrue 2/2, Khua bruă kƀĭn ala Vương Đình Huệ nao čuă lehanăn hơêč hmưi Tết knuă druh, kahan răng mgang knông lăn.

VOV4.Êđê- Blŭ ti knăm jao klei pah mni Kmŭt mniă kñĭ tal VIII, Khua knŭk kna Phạm Minh Chính mñă, brei mđing lehanăn mtrŭt mđĭ hĭn hdră mkŏ mkra, ƀư̆ mkra Đảng kluôm dhuôm.