VOV4.Êđê - Tlam mbruê 29/1, ti sang bruă Khua lăn čar, Khua lăn čar Võ Văn Thưởng drông leh phung bi ala dŭm lăn čar Poland, Español, Banglades hriê ba hră hưn mdah mơ̆ng lăn čar, drông pô bi ala Mozambique hriê bi tuôm legh jih wưng păn bruă.

VOV4.Êđê - Hlăm ai êwa mprăp drông yan mnga mrâo leh anăn bi hdơr hruê mkŏ mjing Đảng cộng sản Việt Nam, aguah 29/1, ti sang Bruă kƀĭn ala, Khua bruă kƀĭn ala Vương Đình Huệ bi tuôm leh hŏng phung khua hđăp Bruă kƀĭn ala ; Khua hđăp hlăm Dhar Bruă kƀĭn ala .

VOV4.Êđê - Aguah 29/1, K’iăng Khua lăn čar Võ Thị Ánh Xuân hŏng êpul mă bruă nao čhưn leh anăn mđup brei mnơ̆ng Tết ti čar Quảng Nam.

VOV4.Êđê - Aguah 29/1, Khua knŭk kna Phạm Minh Chính gĭt gai klei bi kƀĭn knŭk kna kơ klei mkŏ mjing hdră bhiăn mlan 1/2024.

VOV4.Êđê - Hlăm ai êwa hơ̆k mơak mprăp yan mnga Giáp Thìn 2024, mrâo êgao, Êpul êdam êra Cộng Sản Hồ Chí Minh bi hgŭm hŏng bruă êdam êra čar Gia Lai leh anăn bruă êdam êra čar Kon Tum mkŏ mjing hdră “Tết kah mbha, thŭn Anak rai mlih mrâo” leh anăn Hdră “Yan mnga knông lăn - Tết plao ksĭ”. Dŭm hnư mnơ̆ng bi êdah klei khăp, bruă klam mơ̆ng phung mda asei hŏng mnuih djuê ƀiă, lĭng kahan ti krĭng knông lăn Dưr Lăn Dap Kngư.

VOV4.Êđê - Aguah mbruê 28/1, Y Thanh Hà Niê Kđăm, Khua hlăm bruă Đảng gưl dlông, Khua kiă kriê êpul gơ̆ng djuê ana mơ̆ng bruă Kƀĭn ala mâo leh klei nao čuă, mđup brei hnư mnơ̆ng tết kơ đa đa anôk bruă ti čar Dak Lak.

VOV4.Êđê - Tlam mbruê 28/1, Khua knŭk kna Phạm Minh Chính mâo leh klei nao čuă, mđup brei hnư mnơ̆ng kơ dŭm gŏ sang Khua knŭk kna dlăng ba, gŏ sang ƀun, phung ngă bruă ti anôk bruă tuh tia Hoàng Long, ƀuôn prŏng Thanh Hoá.

VOV4.Êđê - Hruê 28/1, K’iăng Khua knŭk kna Lê Minh Khái hŏng êpul mă bruă nao čhưn leh anăn mđup brei mnơ̆ng Tết kơ dŭm gŏ êsei ƀun, gŏ sang knŭk kna dlăng ba ti kdriêk Nậm Pồ leh anăn Mường Chà, čar Điện Biên.

VOV4.Êđê - Knŏng 2 hruê kăm truh yơh Têt djuê ana Giáp Thìn, khăsnăn, ai êwa blei mprăp mnơ̆ng dhơ̆ng Têt ti Dak Lak ăt dôk kriêp êyăng, phung čhĭ mnơ̆ng lehanăn anôk mkăp mnơ̆ng dôk guôn hdră nao blei mnprăp mơ̆ng mnuih ƀuôn sang hlăm hruê kăm knhal tuič êlâo kơ Têt.

VOV4.Êđê- Tlam mbruê (26/1), ti ƀuôn prŏng Ƀuôn Ama Thuôt, Anôk bruă sang čư̆ êa čar Dak Lak mkŏ mjing leh Klei bi kƀĭn ksiêm wĭt 5 thŭn hluê ngă “Hruê jih jang mnuih ƀuôn sang răng mgang knông lăn” lehanăn bi mni kơ 56 êpul, mnuih mâo boh tŭ hlăm hdră mkŏ mkra krĭng knông lăn kjăp ktang, wưng 2019 -2024.