VOV4.Êđê- Hruê 2/2, êlâo kơ Têt djuê ana Giáp Thìn 2024, Khua lăn čar Võ Văn Thưởng nao čhưn, ksiêm dlăng hdră mprăp kdơ̆ng mblah mơ̆ng Anôk bruă kahan ksiêm ƀuôn prŏng Hồ Chí Minh; nao čhưn, mđup brei mnơ̆ng Têt kơ phung nghệ sĩ, phung hriăm lu, mnuih mâo k’hưm ti alŭ wăl ƀuôn prŏng.

VOV4.Êđê- Tlam hruê 2/1, bruă Đảng Anôk bruă kiă kriê klei hâo hưn gưl dlông mkŏ mjing Klei bi kƀĭn bi hdơr 94 thŭn Hruê mkŏ mjing Đảng cộng sản Việt Nam lehanăn jao anăn knăl thŭn Đảng.

VOV4.Êđê - Blŭ hlăm knăm anăn, Khua knŭk kna Phạm Minh Chính hơêč hmưi klei tŭ jing mơ̆ng klei bi lông Kmŭt mnia êa mah gưl tal 8 thŭn 2023 leh anăn hơêč hmưi kơ grăp čô, êpul êya nao hgŭm leh anăn mâo mă klei bi lông thŭn anei.

VOV4.Êđê- Aguah mbruê 1/2, ti Hà Nội, Khua lăn čar Võ Văn Thưởng nao čuă leh anăn mă bruă hŏng êpul grŭp bruă tuh tia – dăng kông lĭng kahan (Viettel).

VOV4.Êđê- Adôk êbeh sa hruê kăm truh yơh Tết Nguyên đán Giáp Thìn, knơ̆ng gĭt gai lĭng kahan knông lăn čar Dak Lak dôk gĭt gai dŭm kđông kahan knông lăn, Tiểu đoàn hriăm mjuăt – kahan knhăk tiŏ nao êpul êya leh anăn hdră êlan mprăp klei kdơ̆ng mblah răng mgang klei dưi kiă kriê knông lăn ala čar, gang mkhư̆ klei mŭt kbiă soh hŏng hdră bhiăn leh anăn bi kdơ̆ng hŏng phung ngă soh knông lăn čiăng kơ mnuih ƀuôn sang mơak yan mnga, drông tết.

VOV4.Êđê- Aguah mbrue (1/2), Khua knŭk kna Phạm Minh Chính kiă kriê leh klei knŭk kna bi kƀĭn kơ mlan 1 – mlan tal êlâo hlăm thŭn 2024 kñăm bi trông kơ bruă duh mkra ala ƀuôn mlan 1, bi liê ngăn prăk kơ bruă kluôm, kơ 3 hdră lăn čar kñăm lehanăn kiă kriê kơ jih bruă knơ̆ng hlăm wưng tinăp.

VOV4.Êđê- Hlăm wưng anei, dŭm pluh čô mnuih mă bruă ti sa hdră rŭ mdơ̆ng anôk rông mnơ̆ng ti kdriêk Čư̆ Pưh, čar Gia Lai ăt dôk guôn khua pô tla prăk mlan hlăm lu mlan ngă bruă. Têt giăm truh, mnuih mă bruă dôk čang guôn, ƀiădah khua anôk bruă rŭ mdơ̆ng ăt êmưt, ka tĭng tla prăk mlan kơ mnuih mă bruă.

VOV4.Êđê- Tlam mbruê (31/1), ti ƀuôn prŏng Yên Bái, Khua bruă kƀĭn ala Vương Đình Huệ nao čhưn, hơêč hmưi Tết kơ phung knuă druh, lĭng kahan Trung đoàn kahan adiê 2024 leh anăn bi hdơr 60 thŭn hruê knhuah gru mơ̆ng Trung đoàn (3-2-1964 / 3-2-2024).

VOV4.Êđê-Tlam mbrue (31/1), ti Hà Nội, Đại tướng Tô Lâm, Khua phŭn bruă kahan ksiêm kiă kriê leh klei bi kƀĭn ksiêm wĭt bruă hlue ngă mta kñăm hlăm hdră mtrŭn mơ̆ng bruă Đảng kahan ksiêm gưl dlông kơ klei l9ŏ dơ̆ng mđĭ hĭn bruă mkŏ mjing kahan ksiêm să, wăl krah bi djŏ hŏng bruă čuăn hlăm boh klei ară anei.

VOV4.Êđê- Tlam mbruê 31/1, ti Hà Nội, Khua knŭk kna Phạm Minh Chính nao čuă, hơêč hmưi Tết Sang hră gưl prŏng Văn hoá Nghệ thuật Quân đội.