VOV.Êđê Hlăm dŭm hruê anei, dŭm alŭ wăl nah Ngŏ čar Dak Lak dôk mđĭ ruh mgaih bi liê prăk knŭk kna. Hlăm anăn, klei kpăk prŏng hĭn jing bruă ruh mgaih anôk ala. Ti anăp klei kpĭ kơ hnơ̆ng rŭ mdơ̆ng ktuê êlan hang ksĭ, čar Dak Lak pŏk ngă leh hdră “30 hruê mlam ruh mgaih anôk ala”, mjing ai êwa mrâo mơ̆ng nah gŭ hŏng ai tiê sa ai, đua klam leh anăn ba anăp kyua klei tŭ dưn mbĭt.

VOV.Êđê - Mđing truh Festival Mnga Đà Lạt gưl tal 11 thŭn 2026, hlăm 2 hruê êgao, ti wăl anôk hiu čhưn ênguê Lang Biang, ƀuôn hgŭm Lang Biang - Đà Lạt, čar Lâm Đồng mkŏ mjing Klei rang mdah dhar kreh čing čhar leh anăn mnơ̆ng ƀơ̆ng huă bi mguôp hŏng klei hlăp lêñ đưm thŭn 2026.

VOV.Êđê - Hruê mbruê 18/6, ti Hà Nội mkŏ mjing klei kƀĭn prŏng Phung bi ala mniê kluôm ala gưl tal 14, wưng thŭn 2026 - 2031. Bi ala khua gĭt gai Đảng, Knŭk kna, Khua Bruă Kbĭn ala Trần Thanh Mẫn nao hgŭm leh anăn mâo klei blŭ hrăm hlăm klei kƀĭn.

VOV.Êđê - Knơ̆ng bruă sang čư̆ êa čar Gia Lai mrâo mâo  Hdră tuh ƀêtông êlan klông krĭng ƀuôn sang wưng 2026-2030 hŏng ênoh bi liê êbeh 1.165 êklai prăk mơ̆ng keh prăk bi liê knŭk kna wưng man dưn kñăm bi leh anôk bruă êlan klông nah gŭ, duh kơ klei mđĭ kyar bruă duh mkra- ala ƀuôn krĭng ƀuôn sang.

VOV.Êđê - Hlăm jar gưl nao mă bruă hlăm Klei bi kƀĭn gưl dlông bi hdơr 35 thŭn klei bi hgŭm ASEAN- Russia, Khua knŭk kna Lê Minh Hưng hŏng lu phung khua gĭt gai gưl dlông nao leh hlăm Hdră mkŏ mnia blei leh anăn Duh bi liê Việt Nam - Russia.

VOV.Êđê - Tlam mbrue 17/6, Lương Nguyễn Minh Triết, Khua bruă Đảng čar, Khua êpul phung bi ala bruă kƀĭn ala čar Daklak hriê čuă lehanăn hơêč hmưi anôk bruă jưh ti lăn dap kngư, Sang mđung asăp blŭ Việt Nam ƀri bi hdơr 101thŭn hrue bruă klei mrâo  Cách mạng Việt Nam.

VOV.Êđê - Hruê (17/6), hlăm hdră Klei bi kƀĭn gưl dlông bi hdơr 35 thŭn Hruê mkŏ mjing Klei bi mjĕ ASEAN – Russia, Khua knŭk kna Lê Minh Hưng djă akŏ Êpul bi ala gưl dlông Việt Nam nao lehanăn blŭ hrăm ti Knăm mphŭn pŏk Klei bi kƀĭn trông bruă mnia mblei ASEAN – Russia.

VOV.Êđê - Hruê mbruê (17/6), Êpul ksiêm dlăng mơ̆ng Dhar bruă dhar kreh lehanăn ala ƀuôn mơ̆ng Anôk bruă kƀĭn ala mă leh bruă hŏng dŭm knơ̆ng, dhar bruă ti čar Dak Lak kơ bruă hluê ngă hdră mtrŭn, hdră bhiăn răng mgang phung hđeh hlăm êlan mạng.

VOV.Êđê - Tlam mbrue (17/06) ti Anôk bruă Đảng, Khua gĭt gai Tô Lâm kiă kriê mmông mă bruă hŏng Êpul khua kiă kriê bruă ksiêm wĭt 100 thŭn Đảng kiă kriê Cách mạng Việt Nam (1930-2030), tă êlan kơ klei mđĭ kyar lăn čar hlăm 100 thŭn tinăp (2030-2130) lehanăn ksiêm wĭt 40 thŭn hlue ngă klei bhiăn mkŏ mjing lăn car hlăm ênuk đĭ nao kơ yang ƀuôn ngă phŭn.

VOV.Êđê - Hrue mbrue 17/6, Lê Minh Tiến, Khua knơ̆ng kiă kriê kmrơ̆ng knŭk kna mkuôm Ea Sô, čar Daklak, brei thâo, mrâo ƀuh sa êpul hlô krŭ, lehanăn kbang hlăm kmrơ̆ng knŭk kna mkuôm.