VOV.Êđê - Aguah (16/6), Knơ̆ng bruă sang čư̆ êa čar Dak Lak mkŏ mjing Knăm mđup brei klei pah mni hră klei mrâo čar Dak Lak tal 6 thŭn 2025 leh anăn pŏk ngă Klei bi lông hră klei mrâo čar Dak Lak tal 7 thŭn 2026.

VOV.Êđê - Tŭ ư asăp jak iêô mơ̆ng Khua mil čhil Russia Vladimir Putin, Khua knŭk kna Lê Minh Hưng leh anăn Êpul bi ala gưl dlông Việt Nam nao hlăm klei bi kƀĭn gưl dlông bi hdơr 35 thŭn klei bi hgŭm ASEAN - Russia leh anăn ngă klei bi kƀĭn dua nah ti ƀuôn prŏng Kazan, Russia mơ̆ng hruê 16-18/6.

VOV.Êđê – Tlam mbrue (15/06 )ti Anôk bruă Đảng gưl dlông, Khua gĭt gai Tô Lâm kiă kriê leh mmông mă bruă hŏng Anôk bruă kiă kriê klei hâo hưn lehanăn đru čung ba mnuih ƀuôn sang gưl dlông, mă klei blŭ kơ hdră êlan klei mĭn mơ̆ng Đảng hlăm klei bi mlih mrô.

VOV.Êđê – Tlam mbrue 15/6, Êpul gơ̆ng bruă ƀuôn sang čar Gia Lai gưl XIII, wưng păn bruă thŭn 2026-2031 mkŏ mjing leh klei bi kƀĭn tal 4 truăn kơ bruă, mâo bi mklă leh lu mta hlăm hdră mtrŭn yuôm bhăn kơ klei mđĭ kyar bruă duh mkra ala ƀuôn, lehanăn ksiêm wĭt dŭm boh tŭ dưn, lehanăn klei dleh dlan leh sa thŭn hlue ngă hdră êlan bruă sang čư̆ êa dua gưl.

VOV.Êđê – Tlam hruê 15/6, ti Sang bruă kƀĭn ala, Khua anôk bruă kƀĭn ala Trần Thanh Mẫn gĭt gai mmông mă bruă hŏng phung khua phŭn bruă hŏng tač êngao, Khua hlăm dhar bruă răng mgang klei êđăp ênang, bruă hŏng tač êngao, Adŭ bruă kƀĭn ala kơ klei pŏk ngă hdră bi hgŭm mkăp kơ hdră hŏng tač êngao mơ̆ng bruă kƀĭn ala, phung khua anôk bruă kƀĭn ala.

VOV.Êđê – Yang hruê 15/6, Lương Nguyễn Minh Triết, Khua bruă Đảng čar Dak Lak gĭt gai leh mmông mă bruă hŏng Êpul grŭp T&T kơ hdră êlan ksiêm dlăng klei duh bi liê dŭm hdră bruă ti ƀuôn prŏng lehanăn bruă mkra mjing pui kmlă doh ti alŭ wăl čar.

VOV.Êđê - Dŭm ktuê êlan guh mngač pui mtrang, dŭm gơ̆ng hla čhiăm gru hrah ti dua ping êlan amâo dah dŭm gru hmô čŏng răng mgang wăl hdĭp mda hlăk ba leh ai êwa mrâo kơ lu krĭng ƀuôn sang ti Dak Lak. Mơ̆ng dŭm bruă ngă jĕ giăm hlăm klei hdĭp aguah tlam, mnuih hgŭm hlăm êpul ngă bruă lŏ hma lehanăn mnuih ƀuôn sang alŭ wăl dôk đru mguôp ai tiê pô bi mtah mda wăl anôk hdĭp, bi msiam krĭng ƀuôn sang, đru mkŏ mkra dŭm krĭng ƀuôn sang năng hdĭp.

VOV.Êđê - Aguah mbrue 15/6, ti Anôk bruă knŭk kna, Khua knŭk kna Lê Minh Hưng mâo leh klei bi blŭ hrăm hŏng Khua knŭk kna Lý Cường.

VOV.Êđê - Aguah 15/6, bruă Đảng čar Dak Lak mkŏ mjing mkŏ mjing Klei bi kƀĭn hưn mthâo dŭm klei bi mklă kơ hdră knuă druh. Anôk kriê dlăng bruă Đảng čar hưn mthâo 15 klei bi mklă ruah phung knuă druh ti dŭm anôk bruă đru kčĕ mơ̆ng bruă Đảng čar lehanăn dŭm să, ƀuôn hgŭm ti alŭ wăl čar.

VOV.Êđê - Aguah 15/6, ti Anôk bruă Đảng gưl dlông, Khua gĭt gai Đảng, Khua lăn čar Tô Lâm gĭt gai mmông mă bruă hŏng Anôk bruă mtô bi hriăm mbĭt hŏng dŭm anôk bruă djŏ tuôm kơ hdră mprăp kơ thŭn hriăm mrâo 2026-2027.