VOV.Êđê- Hlăm mlan 5 mrâo êgao ênoh mrô mkra mjing tuh tia čar Lâm Đồng đĭ leh êbeh 12% mkă hŏng mlan 4 leh anăn đĭ êbeh 15% mkă hŏng wưng anei thŭn dih.

VOV.Êđê- Tlam mbruê 8/6, ti sang Bruă Kbĭn ala, Khua Bruă Kbĭn ala Trần Thanh Mẫn drông leh Khua Knŭk kna Lào Sonexay Siphandone ƀri wưng hriê čhưn ti Việt Nam leh anăn nao hgŭm hlăm klei kƀĭn êdei anăp ASEAN 2026.

VOV.Êđê- Klei kƀĭn prŏng phung bi ala kluôm ala Êpul hgŭm ƀĭng ngă lŏ hma Việt Nam gưl tal 9, wưng thŭn 2026 - 2031 mâo 559 čô bi ala nao hgŭm dưi mjưh ruĕ jăk siam, pŏk wăl anôk kdlưn hĭn kơ ƀĭng ngă lŏ hma leh anăn knơ̆ng bruă hlăm boh tŭ tar rŏng lăn.

VOV.Êđê- Tŭ ư asăp jăk iêô mơ̆ng Khua knŭk kna Lê Minh Hưng, Khua knŭk kna Ala mtao Thái Lan Anutin Charnvirakul hriê čhưn klă sĭt ti Việt Nam leh anăn nao hlăm Klei bi kƀĭn êdei anăp ASEAN tal 3.

VOV.Êđê- Aguah 8/6, ti Anôk bruă Knŭk kna, Khua knŭk kna Lê Minh Hưng gĭt gai Knăm drông klă sĭt Khua knŭk kna Campuchia Hun Manet dôk čhưn klă sĭt Việt Nam leh anăn nao hlăm Klei bi kƀĭn êdei anăp ASEAN tal tlâo.

VOV.Êđê- Nguyễn Thanh Nghị, Khua hlăm Phŭn bruă kđi čar, Khua Anôk bruă hdră êlan, hdră bruă gưl dlông mrâo mă bruă hŏng Anôk dlăng bruă Đảng čar Dak Lak leh anăn hưn mdah boh tŭ ksiêm dlăng bruă hlue ngă 4 boh phŭn yuôm bhăn mâo: ba yua bruă sang čư̆ êa alŭ wăl dua gưl; hlue ngă klei kñăm đĭ kyar bruă duh mkra; pŏk nga Hdră mtrŭn mrô 57 mơ̆ng Phŭn bruă kđi čar; bruă ksiêm dlăng, dăp hnơ̆ng êpul bruă đảng, đảng viên leh anăn knuă druh gĭt gai, kriê dlăng.

VOV.Êđê- Knơ̆ng bruă sang čư̆ êa čar Lâm Đồng mrâo hưn mdah mkra mlih klei čuăl mkă čar wưng 2021-2030, hnơ̆ng trah dlăng truh thŭn 2050. Hdră čuăl mkă bi mklă mkŏ mjing dŭm anôk bruă đĭ kyar mrâo kơ bruă duh mkra êa ksĭ, êa pui êwa čuh, tuh tia mkra mjing, logistics leh anăn hiu čhưn ênguê; mkŏ mjing Wăl anôk ngă hră mơar - kđi čar ti Đức Trọng, mbĭt anăn mđĭ kyar Đà Lạt jing anôk hiu čhưn ênguê, mdei msăn hnơ̆ng lu ala čar.

VOV.Êđê- Aguah mbruê 8/6, ti anôk bruă Đảng gưl dlông, Khua gĭt gai Đảng, Khua Lăn čar Tô Lâm gĭt gai mmông mă bruă hŏng Êpul bruă hdră êlan gưl dlông kơ ksiêm wĭt 8 thŭn ngă Hdră mtrŭn mrô 36 mơ̆ng gưl dlông gưl 12 kơ hdră êlan mđĭ kyar bruă duh mkra êa ksĭ Việt Nam truh thŭn 2030.

VOV.Êđê- Mđing truh Mlan mnuih Ngă bruă thŭn 2026, hruê 7/6, ti Gia Lai, Êpul hgŭm phung êdam êra Việt Nam mkŏ mjing Hruê mơak “Êdam êra mnuih mă bruă – Lar bra ai êwa mrâo” hŏng lu hdră klă sĭt mđing kriê dlăng klei hdĭp mnuih mă bruă.

VOV.Êđê- Aguah anei 8/6, K’iăng khu aknŭk kna Lê Tiến Châu truh leh ti Tokyo, kčưm gưl nao čhưn kơ ala čar Japon nao hlăm klei bi kƀĭn kơ Klei hdĭp Asi mgi dih tal 31.