VOV.Êđê - Anôk bruă gĭt gai hlue ngă klei kñăm đĭ kyar dua ênoh mrô Wưng 2026–2030 mơ̆ng Bruă Đảng čar Dak Lak mrâo mkŏ mjing leh anăn bi kƀĭn tal êlâo. Klei bi kƀĭn bi trông kơ hdră msir gĭt gai hlue si djăp dhar bruă, djăp gưl, hlue ngă bruă klam mguôp hŏng hdră bruă klă klơ̆ng; mbĭt anăn mđĭ ktang hră mơar knŭk kna, mjing klei găl kơ hdră bruă mđing mrô sa leh anăn akâo ruh mgaih klei gun kpăk hdră êlan, hmao mbha prăk bi liê, mđing kơ klei kñăm kah knar 11–11,5%/thŭn.

VOV.Êđê – Tlam 05/4, ti Anôk bruă knŭk kna, Khua knŭk kna Phạm Minh Chính drông leh Khua bi ala China ti Việt Nam Hà Vĩ.

VOV.Êđê – Bruă sang čư̆ êa čar Gia Lai bi kƀĭn êpul gĭt gai kriê dlăng leh anăn bi hơĭt ênoh čiăng ngă dŭm hdră êlan ksiêm dlăng anôk mnia mblei hlăm wưng dŭm mta mnơ̆ng čiăng êdi ênoh đĭ yuôm.

VOV.Êđê – Ƀri wưng knăm mơak knhuah gru Bunpimay thŭn 2026 mơ̆ng mnuih Lào, hruê mbruê 5/4, Êpul ngă bruă mơ̆ng knơ̆ng gĭt gai lĭng kahan ƀuôn prŏng Đà Nẵng nao čuă, mđup brei mnơ̆ng, mkă dlăng klei ruă leh anăn mbha êa drao amâo mâo mă prăk kơ mnuih ƀuôn sang kdriêk Đăk Chưng, čar Sêkông, Lào.

VOV.Êđê – Hruê anei, hruê 6/4/2026, Klei kƀĭn tal 1, Bruă Kbĭn ala ala čar yang ƀuôn ngă phŭn Việt Nam gưl 16 mphŭn pŏk ti sang Bruă Kbĭn ala, ƀuôn prŏng phŭn Hà Nội.

VOV.Êđê - Thŭn hiu čhưn ênguê ala čar 2026 mâo Gia Lai mkŏ mjing dôk mjing ai bi lar ktang phĭt, jak iêu lu phung tuê hiu čhưn ênguê hlăm lehanăn êngao ala čar. Ai êwa knăm mơak dưi mkŏ mjing mčhĭt mơuăt ti dŭm anôk hiu čhưn ênguê, hnơ̆ng tuê đĭ lu hlăm dŭm hruê tal êlâo dôk mkŏ mjing knăm mơak, pŏk sa klei bi êdah jăk kơ anôk bruă hiu čưn ênguê alŭ wăl.

VOV.Êđê- Hrue mbrue (2/4), Êpul bi ala bruă kƀĭn ala čar Daklak mkŏ mjing leh klei bi kƀĭn ksiêm wĭt bruă hao hưn êlâo kơ klei bi kƀĭn tal 1, bruă kƀĭn ala gưl 16, kñăm mă boh sĭt mơ̆ng alŭ wăl dôk găn, đru bi leh dŭm hdră êlan, klei bhiăn lehanăn mđĭ kyar bruă duh mkra ala ƀuôn.

VOV.Êđê- Čar Lâm Đồng dôk ksiêm bi mklă bruă mkra mlih hdră mđĭ kyar wăl tuh tia mkra mjing uưng thŭn 2026 – 2030 lehanăn êdei kơ thŭn 2030 hŏng hdră mđing kơ krĭng ksĭ.

VOV.Êđê- Tlam mbrue 2/4, ti Anôk bruă knŭk kna, Khua knŭk kna Phạm Minh Chính drông čhưn leh hŏng Khua kiă kriê anôk bruă hdră bhiăn Belarus Volkov Alexei Aleksandrovich hlăk dôk čhưn lehanăn mă bruă ti Việt Nam.

VOV.Êđê- Aguah mbrue (2/4), ti alŭ wăl knhuah gru ala čar, ƀuôn prŏng đưm Quảng Trị, Êpul bruă ala čar kiă kriê klei tui duah kuai ba wĭt klang kleh phung êngiă asei mkŏ mjing leh knăm “Trŭn kơ bruă hlăm 500 hrue mlam tui duah, kuai ba wĭt, lehanăn bi klă anăn phung êngiă asei”.