VOV4.K’ho- Ngai 3/6, tàm [òn dờng Buôn Ma Thuột, Ală Mpồl lơh Điều Việt Nam geh dơ\ lơh broă mờ Ủy ban Nhân dân càr Dăk Lăk bơyai bè gùng dà broă lơh bơtàu tơnguh kơ\ kơl jăp gah lơh Điều.

Jăt Ală Mpồl lơh Điều Việt Nam dê yal, uă nam sùm Việt Nam gàr anih khà dùl dunia bè lơh gơlik mờ tăc gar điều mờ lơgar ndai. Nam 2019, gah lơh điều Việt Nam tăc mờ lơgar ndai rlau 456 rbô tấn điều gar bal mờ priă lơh geh 3 tơmàn 500 tơlak dolar Mỹ. Mìng is qúy I nam do, tăc mờ lơgar ndai gar điều geh 54 rbô 700 tấn, gơguh rlau 19% bè phan pơndrờm bal dùl tu\ mờ nam 2019.

Jăt Ală Mpồl lơh Điều Việt Nam yal, Dăk Lăk geh 23 rbô 800 lồ điều, ơm dơ\ 4 gùt lơgar. Mơya, tờm chi do tàm Dăk Lăk mìng tam geh tàm ală [òn lơgar kal ke, ù tiah ro kơnra`, ờ geh bơcri sơngka sền gàr, den tàng cồng nha mìng lơh geh 1tấn 3 tạ tàm dùl lồ.

Den tàng bè hơ\, Ală Mpồl lơh Điều Việt Nam đơs là, Dăk Lăk gơtùi tơnguh uă rlau tai priă lơh sa bơh tờm điều dê, bơh hơ\ pơgồp bơnah tàm bơta bơtàu tơnguh kơ\ kơl jăp bơh gah lơh Điều Việt Nam dê.

Cau mblàng Lơ Mu K’Yến