VOV4.K’ho-Tàm tu\ tơngai priă tăc sơdàng gơmù uă ngan gơlam tus priă tàu lơh sơdàng gơmù uă sơl, uă cau tam tàu tàm ală càr tiah tàm gùl lơgar mờ Tây Nguyên koh sơrbì uă ngan bă tàu nàng tam gơl wơl tam ală tờm chi tam ndai nàng kờ` pleh gơtìp hoàc hươr.

Mơya, tàm tiah tam tàu tàm kơnhoàl Ea Kar mờ Mdrak, càr Dăk Lăk dê, kàl lơh tàu nam 2018- 2019 do gam pà go\ ală tềl tơngo\ kơ\p kơnờm ngan tu\ gi\t nđờ rbô lồ tàu tam lơh bal mờ mpồl lơh sa kă bro neh gơcèng wơl cồng nha uă ngan.

Tàm bơta trồ tơngai gơ sa jê duh jê àl ngan bơh kàl prang Tây Nguyên, tàm bă tàu ơnàng 1 lồ 8 sàu bơh hìu bơnhă ồng Tô Minh Châu dê ơm tàm xã Ea Pil, kơnhoàl M’Drak, rlau 10 nă công nhân gam koh tàu, dăp gơ gơs căp hơ\ sồng dăp tềng hơđăng rơndeh pơndiang phan.

Bulah priă tăc sơdàng gơmù uă ngan mơya kơnờm lơh geh cồng nha sùm den tàng cau tam tàu tàm Dăk Lăk kung gam lơh geh priă cồng sơl

Ồng Tô Minh Châu pà gi\t, kàl lơh tàu lài do, bă tàu do mìng ai tơnhàu geh pơgăp 120 tấn tàu lơm, mơya nam do kơnờm bơh sơngka sền gàr niam den tàng tàu lơh geh uă rlau, lơh geh rlau 140 tấn. Mờ priă tăc 730 rbô đong dùl tấn bè tu\ do, tơnơ\ tu\ kờp jơh ală priă tă bơcri den hìu bơnhă ồng lơh geh priă cồng pơgăp 35 tơlak tàm dùl lồ.

Digơlan nam do, hìu bơnhă a` lơh geh pơgăp 145 tấn tàu, lơh geh tàu bè hơ\ là tài bơh hìu bơnhă tơryăng ngan sơngka sền gàr. Nam do, hìu a` ơn 1 tấn 6 tạ phơng tàm bă tàu 1 lồ 8 sàu den tàng cồng nha lơh geh bè hơ\. Ai ală hìu bơnhă ờ go\ sơngka sền gàr, khat lời sơrbì, ờ ơn phơng, jì nhơ\t den cồng nha lơh geh dùl êt rlau, priă cồng ờ go\ geh uă sơl.

Ndrờm bè hơ\ sơl, ồng Trần Văn Nam ơm tàm xã Ea Tih, kơnhoàl Ea Kar kung geh 10 lồ tàu tam lơh bal mờ Công ty Cổ phần tàu sơdàng 333 Dăk Lăk.

                       Tàu gam geh Công ty Cổ phần tàu sơdàng 333 Dăk Lăk blơi tàm khà 730 rbô đong dùl tấn

Ồng Nam pà gi\t, kàl lơh tàu nam do pơn jat tai lơh ngan sơngka sền gàr niam sươn tàu den tàng cồng nha lơh geh kờp bal pơgăp 80 tấn tàm dùl lồ, pơndrờm mờ kàl lài, cồng nha lơh geh ờ go\ gơguh uă mơya kung gam dong sơl hìu bơnhă ồng lơh geh đau priă cồng. Ồng Nam đơs bè do:

Hìu a` geh pơgăp 80 tấn tàm dùl lồ, dilah kờp mờ priă tăc 730 rbô đong tàm dùl tấn bè tu\ do den hìu bơnhă a` lơh geh pơgăp mờr 60 tơlak tàm dùl lồ. Tàm 60 tơlak priă do, pal kờp bơh 20 tus 22 tơlak priă apah cau; mờ priă sơngka sền gàr, ơn phơng, blơi phơng, sơnơm nhơ\t, apah cau [ồm sơnơm pal roh tai 20 tơlak tai, kờp jơh là rlau 40 tơlak, dilah kờp den gam wơl priă cồng là pơgăp 20 tơlak tàm dùl lồ.

Jat ồng Lê Tuân, Phó Kuang atbồ dờng Công ty Cổ phần tàu sơdàng 333 Dăk Lăk yal, kàl lơh tàu nam 2018- 2019 do, Công ty lơh bal tam mờr 7.300 lồ tàu mờ ală hìu làng bol tàm 2 kơnhoàl: M’Drak mờ Ea Kar, càr Dăk Lăk dê.

Ồng Lê Tuân pà gi\t, tu\ do, priă tăc sơdàng gam gơmù uă ngan rlau jơh bơh lài tus tu\ do bal mờ ờ hềt tus 11 rbô đong tàm dùl ki\ tăc tàm hìu măy.

                               Cau tam tàu tàm Dăk Lăk kung gam hơ tam tàu sùm

Bulah priă tăc sơdàng gơmù uă ngan mơya công ty kung gam blơi tàu nrang pơgăp 730 rbô đong dùl tấn, do là priă blơi jơnhoa ngan rlau jơh tàm tiah do pơndrờm mờ ală hìu măy ndai gam lơh.

Bulah priă tăc sơdàng gơmù uă ngan mơya bol a` kung gam blơi sơl mờ priă blơi jơnhoa rlau pơndrờm mờ ală hìu măy ndai, jơnau kờ` bơh broă do dê là nàng cau tam bơkàu bơh ai wơl geh priă bơcri tus geh priă cồng, nàng lơh pơn jờng cau tam tàu pơn jat tai tam tàu nàng kờ` gàr tiah tam tàu.

Bơdìh hơ\ tai, bol a` dong kờl ờ tơm wơl ai làng bol in tơl lồ là 20 tấn phơng bo\, ndrờm mờ pơgăp 2 tơlak 500 rbô đong nàng làng bol in lơh niam wơl ù. Gơ wèt mờ ală hìu tam pa den bol a` dong kờl pơgăp bơh 30 tus 32 tơlak dùl lồ blơi sơntìl, phơng tuh; ai gơ wèt mờ hìu tam sơngka sền gàr bơh tờm tàu lài do den pơgăp bơh 10 tus 17 tơlak dùl lồ.

Jat broă rơndăp lơh, kàl lơh tàu nam 2019- 2020, Công ty Cổ phần tàu sơdàng 333 Dăk Lăk geh pơn jat tai lơh bal mờ ală hìu làng bol tàm 2 kơnhoàl: Ea Kar mờ M’Drak tam pơgăp 7.500 lồ tàu. Tus tơngai do, jơh ală bă tàu hơ pơrgon geh ală hìu bơcri tai priă jền lơh kàl pơn jat tai.

Broă geh sùm broă sơngka sền gàr nàng lơh geh cồng nha uă bulah priă tăc tàu gơmù uă ngan mơya kung gam ai cồng nha uă rlau pơndrờm mờ ală tờm chi tam ndai tàm ală bă ù geh ù tiah tàm bơrlu\ bal ù mờ bràs bè tàm kơnhoàl Ea Kar mờ M’Drak, càr Dăk Lăk dê là tềl tơngo\ kơ\p kơnờm ngan ai gah lơh tàu sơdàng in.

Cau mblàng Lơ Mu K’Yến